1 Jijimɛ Yesutɔn xin nyi ke, Yesu nyi davidi we vi, bo nyi ovi Ablaxamutɔn. 2 Ablaxamu wɛ ji Izaki, Izaki bo ji Jakɔbu, Jakɔbu bo ji Jufda kpo nɔvyɔye. 3 Juda bo ji Falɛsi kpo Zela le Tamaa wu, Falɛsi ji Ɛsirɔmu bo mɔ ji Alamu. 4 Alamu bo ji Abinadabu, Abinadabu bo ji Nasɔmu, Nasɔmu bo ji Salumɔ, 5 Salumɔ bo ji Bozu le Hlaxamu wu, Bozu bo ji Obɛdi le Hliti wu, Obɛdi bo ji Jɛse. 6 Jɛse bo ji xɔlu Davidi, Davidi bo ji Salumɔ le Uli syɔ wu. 7 Salumɔ bo ji Hlobwamu, Hlobwamu bo ji Abya, Abya bo ji Asafu, 8 Asafu bo ji Jozafati, Jozafati bo ji JOlamu, Jolamu bo ji Ozyasi. 9 Ozyasi bo ji Jowatamu, Jowatamu bo ji Axasi, Axasi bo ji Ezekyasi, 10 Ezekyasi bo ji Manase, manase bo ji Amɔsu, Amɔsu bo ji Jozyasi, 11 Jozyasi bo ji Jekonya kpo nɔvyɔyee le hwekenu na ahwan va bɛ ɛmɛye sɔ sin Babilɔnu. 12 Ke ahwan va bɛ ɛmɛye sɔ yi Babilɔnu vɔ, Jekonya va ji Salatyɛli, Salatyɛli bo ji Zolobabɛli, 13 Zolobaabɛli bo ji Abiwudu, Abiwudu bo ji Elyakimu, Elyakimu bo ji Azɔ, 14 Azɔ bo ji, Azɔ bo ji Sadɔku, Sadɔku bo ji Akimu, Akimu bo ji Eliwudu. 15 Eliwudu bo ji Eleyaza, Eleyaza bo ji Matan, Matan bo ji Jakɔbu, 16 Jakɔbu bo ji Jozɛfu Mali oswɔ, Mali xin lɔ wɛ ji Yesu. 17 Jijimɛvi lɛye bisese we xixlɛ mɛ xɛn: Sɔn Ablaxamu ji gbɔɔn do va jɛ Davidi ji, e wasi jijimɛvi wenɛ, sɔn Davidi ji gbɔɔn do va jɛ hwekenu na ahwan va bɛ ɛmɛye do sin Babilɔnu, e wasi jijimɛvi wenɛ ke i wɛ bɛ sɔn Babilɔnu yiyi lɔ ji gbɔɔn do va jɛ Klisu ji, e mɔ wasi jijimɛvi wenɛ. 18 Kena ye ji Yesu Klisu ɖo xɛn: Mali ke nyi onɔ lɔ wɛ Jozɛfu sɔ agɔ wu, vɔ gbɔxwe na ye na do va jɛ kpɔ, e va jɛ tun mali mɔ va yi gomi dogbɔn hɔnhlɔn Gbigbɔ Kinkwɛntɔn mɛ. 19 Oswɔ ke nyi Jozɛfu lɔ bo nyi ɛmɛ jijɔ le Mawu we ŋumɛ, vɔ Jozɛfu lɔ ko jlo na do ŋunya wu Mali lɔ le agbaŋugba. E bo va sɔ gbeta na do klan kpo Mali le nugɔ. 20 Kena e lin onu xin lɔ kpɔn nɔ, ɛwɛndotɔ Mawutɔn ɖokpo va e kɔn bo lɔ ni-i tun lɔ byo: « Jozɛfu, Davidi we vi, ka vɔ na do sɔ Mali sɔ ɖe ɖi nyɔnu ha, ɖo gomi ke le e si lɔ Gbigbɔ kinkwɛntɔn wɛ. 21 E na ji ovi ŋusunglo ɖokpo, mi mɔ yɔ-ɛ tun Yesu, ɖo i wɛ na va hwlɛn togun etɔn sɔn onunyinyla wiwa mɛ.» 22 Onu kiye bisese o jɔ nɔ, na oxo kena Xwetɔ lɔ o lɔ san dogbɔn oxolɔɖenyitɔ etɔn ji tun: 23 «Mi kpɔn, nyɔnuvi le alɔji ɖokpo na va yi gomi a bo ji ovi ŋusunglo ɖokpo. Ye bo na yɔ-ɛ tun Emanwɛli (i we gɔnmɛ wɛ nyi tun "Mawu le kpɔ kpo mi.")» mɔ do jɔ. 24 Jozɛfu bo va fɔn sɔn awlɔn etɔn mɛ bo va wasi onu kena ɛwɛndotɔ Mawutɔn lɔ ni-i lɔ. E Mali do wasi osyɔ. 25 Vɔ e hɔn jɛ kpɔ kpo-e gbɔɔn do jɛ hwekenu na Mali va ji ovi ŋusunglo ɖokpo do. E bo ɖo nyikɔ na ovi xin lɔ tun Yesu.