¹ blɔ jwidi, danwavi Yesu Klisu tɔn, bo nyi Jaki nɔnvyɔ. Mi mɛ nɔvi vɛna vɛna keye Mawu otɔ lɔ yɔ e bo mi do te na Yesu, ko do ogbe na mi. ² Na dɔŋuɖunu, kpɔn n a ɛmɛ, fifa kpodo wanyinyi Mawu tɔn a nɔ kpo mi susu. ³ Nɔvyɛ vivɛ, ko jlo nɔ san tun ma wlan onuɖe na mi do hwlingan miatɔn wu. ko ɖo na wlan onu ke do dan mi a do do hɔnhlɔn lanmɛ na mi miado na kpewu a hɛn hwlɛngan ke bo kpo mye kpo kpɔn wu, zɔn ɖo kpo e bo vɔ do blɛ. ⁴ Ɖo ɛmɛ ɖeye wa lwɛɛ bo dyɛ myamɛ,ɛmɛ nyinyla wɛ ye nyi ye nyi ye mɛ ke na ye can de nyi na do ɖo kojo na ye. Bo mɔ nyi mɛ ke gbɛ Mawu we oxo lɔ ye, bo nɔ dɔ li ota na Mawuxo lɔ kpo ɛfɛnu Mawutɔn kpo ɛgbɛ nyinyla zinzan, bɔ mɔ nɔ gbɛ xwetɔ Yesu miatɔ lɔ can. ⁵ Syɛ, ko ba na mɔ flinna mi, ɖi ke mi o nyɛ ɖo bi ha tun xwetɔ lɔ mɔ hwlɛn togun ɖe gan le ejipu, vɔ e xyi we godo eva gu okun na ɛmɛ ke hɔn ɖi onu nye. ⁶ Ɛwɛndotɔ Mawutɔn ye ke hɔn hɛn ɛcɛkpikpa yetɔnye wu bo mɔ gbɛ tinho yetɔnye mɛ ninɔ Mawu bla ye do owlɔ mɛ tɛgbɛ-tɛgbɛ tɔn, le vuvlu mɛ ɖenyi, na kojo ɖiɖo we azan ɖaxo lɔgbe. ⁷ Ɖi Sodɔmu, kpodo Gomɔ, kpo oto ke lilɛto doye, va jo ye ɖe do na ɛgbɛ nyinyla zinzan, bo mɔ ɖo ŋukɔn yiyi le onu ke hɔn sɔgbeye mɛ. ye nyi kpɔndewu na ɛmɛ ke se vivɛ ozo jimaci mavɔ mɔvɔ lɔ tɔn ye nɔ. ⁸ Ɖemɔha ke, onu nyinyla wiwa yetɔn xi lɛye nɔ dodyu gbaza mɛ na ye ; ye bo mɔ nɔ gbɛ xwetɔ lɔ we acɛkpikpaye a bo kɔn acɔn do xwetɔ lɔ we onuye wu. ⁹ Gbɔn do jɛ ɛwɛndotɔ Micɛli, hwekenu edɔn onu kpo lɛgba nɔ do Mɔyizi we ocɔ wu, ehɔn zun lɛgba. Vɔ e tɔ ni tun byo : (na xwetɔ Mawu ni dɔn oto na we!). ¹⁰ Vɔ mɛxi lɛ ye, ye nɔ zun onu ke ye nyɔ kpo, onu ke ye hɔn bi onu ke kanlyi ke hɔn ɖo tamɛ ye nɔ wa, iwɛ ye can nɔ wa, onu xinlɔ wɛ nɔ dɔn ye a do yi cincrɔn mɛ. ¹¹ Ahelu na ye! ɖo ye zɔn zɔnli gbɔn omɔ kayɛntɔnji, bo mɔ wa onu gugu ɖi Ɓalamu ha na oho ɖe. Ye bo va ku le ogu fifɔn kole tɔn mɛ. ¹² Afɔklɛnnu wɛ ye nyi le nɔvinɔviye we ohweɖuɖu miatɔn mɛ. Le oxwe ɖuɖu ye tɔn ye we hwenu, ye nɔ ɖunu maɖa ŋunya. Ye ci ɖi sunwɔ ke hɔn nɔ na oju ha sunwɔ ké jɛhɔn nɔ kɔ vɔ eko nɔ na oju nɔ ja ha. ye ci ɖi otin ke nɔ gbɛ sinsɛn hwekenu e na sindoha. oti ke ye hɔn e bo ku, bo mɔ ku ke. ¹³ ye nyi ɛxusin ke nɔ xo kpo adan kpo bo nɔ jɛ aɖifun ŋunya tɔn ha ye bo mɔ ci ɖi sunhwlevi ke flwu nɔ boci vuvlumɛ gbɔn do yi mavɔ mavɔ ye ha. ¹⁴ Enɔku ke nyi jijimɛvi acowegɔ bɛ sɔn Adamu ji, o do ɛwɛn ke ɖe nyi nɔ : Mikpɔn, xwetɔ Yesu va kpo ɛwɛndotɔ wiwe maxlɛ- maxlɛ kpo. ¹⁵ Ena va ɖo kojo na ɛgbɛ lɔ bi. Ena va ɖo kojo vivɛ, na mɛ ke nɔ wa onu nyinylaye, do onu nyinyla ye tɔnye wu kpodo oxo nyinyla hɔn nyɔ kena ye nɔ lɔ do Mawu wu. ¹⁶ Gbɛtɔ ke nɔ hlunulɔ do Mawu wu, a bo fankpwe nɔ. Ye mɔnnɔ zan ɛgbɛ yetɔn ɖi ke ejlo ye ɖo ha ɛgbɛ ɖuɖyu. Ye nɔ nyi go, bo mɔ nɔ blɛ ɛmɛ ɖu taŋu a bo do kpewu a yi nuɖe sɔn esi. ¹⁷ Vɔ mye ɛmɛ vɛna vɛna tɛye e mi, mi flyi oxo ke ɛmɛdidɔnye lɔ san ɖo xwetɔ Yesu Klisu wu, ye lɔtun byo. ¹⁸ Le hwenu vivɔtɔnye mɛ, ɛmɛ ɖeye do gbɔn ojlo agbazatɔnye mɛ na va-nyi ɛmɛ cankotɔ. ¹⁹ Otogun xin lɛye nɔ dɔn kiklan va, ɖo ye hɔn le gbigbɔmɛ, agbazamɛ wɛ ye le. ²⁰ Vɔ myɛ, ɛmɛ vivɛ tɛye-e le ɛɖɛ xixɔ ɖedo ovo gbɔn gbigbɔ ɖedovo. lɔ mɛ, mi tɛ do xɔse mimɛ miatɔn wu. ²¹ Mi nɔ te gbaŋ gbaŋu le wanyinyi ke mi ɖo na Mawu lɔ mɛ, a bo mɔ nɔte kpɔn dɔŋuɖunu kpɔn na ɛmɛ xwetɔ Yesu miatɔn lɔ tɔn kena na mi ɛgbɛ mavɔ mavɔ. ²² Mi nɔ ku dɔŋuɖuŋu na ɛmɛ ke le onu ho kpɔn mɛye. ²³ Mi hwlɛn ɛmɛ gbokpoe ye gan le ozo mɛ. Mi kpɔn dɔŋudunu na ɛmɛ dye kpodo vivɔ kpo. Migbɛ wan na onu dido awu kpo godwe ke agbaza o do ɖyuye. ²⁴ Mawu lo kpo gee ke nyi ɛmɛ hwlɛn-gantɔ miatɔn dogbɔn xwetɔ miatɔn Yesu Klisu ji-i, ²⁵ e lɔ ke kpewu bo na ɖe mido ovo, wɛ jijwɛ kpikpɔn na nyi miatɔn le okpɔ nɔ kpo ɛmɛ etɔn mɛ, susu, yɛyi, hɔnhlɔn, kpo acɛkpikpa kpo nyi etɔn sɔn ɛgbɛ tityɛji bibɛ nu lɔ we bibɛnu, dojɛ syɛ bo na mɔ le kaka do yi mavɔ. Ami.