2 Timɔte Ota ɛnɛ 4

1 Ko byo we nɔ vivɛɖe le Mawu we ŋukɔn kpodo klisu yesu ke na va dɔ ɛhwɛ na ɛmɛ ɛ le ɛgbɛye kpodo ɛmɛ kukuye we ŋukɔn ko bo byɔ ɔ we nɔ do yesu we viva kpodo xɔluɖuɖu etɔn . 2 Byo imɔ jla Maw we oxo lɔ gan dekpokpwe ganmɛ ohwe lɔ nu nyɔ e hɔn nyɔ kpo nɔ tɛ ɛɖɛ e ji amɔ ɖe . nɔ ye xlɛ ye gbɛ nu na ɛmɛ ye taŋ 3 Ɖo ganmɛ o gbɔn nɔ ke ɛmɛye nɔ mɔ ba va do to onu kpinkplan adodwe lɔ nɔ vɔ dogbɔn ye tete ŋutɔye we jlo ye mɛ ye na na na onukplan ɛmɛtɔ susu na lɛ do ye amɔ do lɔ oxo kena ye nɔ ba na se xe na ye. 4 Ye na nɔ tu oto yetɔnye ye ku do se xo jɔ xo lɔ nɔ amɔ va yi do ota hwenuxo ma nyɔ ta na ye mɛ. 5 Vɔ lɔ nɔ ɖu ɖiwe ji le onu zɛtɛye mɛ doji le ayaɖudu lɔ mɛ wasi ɛwɛnnywɛjlatɔ we dan lɔ wa0 odan kena Mawu sɔƥ do asi na we lɔ seŋu. 6 Ɖo ko sɔ ɖiye bisese bo sɔ na sin sɔn tɛye we azan boo tɛkpɔ . 7 Ko fun ahwan nywɛ lɔ ko vɔ odun dido tɛye nu ko bo xɔseke ko ɖo lɔ wu . 8 Syɛ xɔlugba kena ye nɔ na ɛmɛ ke nɔ ɔzan ɛgbɛ jijwɛ wɛ ye o jlo ɖo denyi na a xwetɔ lɔ ke nyi ɛhwɛɖɔtɔ jijwɛ na sɔ na a le zan xin gbe e ko nyi bo yiwan na titrɔ va etɔn. 9 Jɛ gbagba na va ko ye le madɛn madɛn mɛ. 10 Ɖo démasi gbɛ ɔ do owan ke na e yi na ɛgbɛ mɛ we nuye wu e bo sɔn yi tɛsalonika klɛsan bo yi galati titu bo yi dalumasi. 11 Lwiki ɖokpo gee wɛ le kɔn ye kplɔ maki ikpo ekpo mɔ zɔn do va ɖo e nɔ kpedu wu ye le odan

lɔ mɛ taŋ.

12 Ko sɔ ticiki ɖodan efɛzi . 13 E nyi na o gbɔn nɔ sɔ ɔawu ɖaxo kena ko jo dokoposu kɔn do va o mɔ sɔ wema lɛye can le ta ji olangbaza ke ji na ye wlan nu do di wema ha lɛye. 14 Alɛ sandru ke nyi gbɛdɛ lɔ wa onu nyinya susu kpoo xwetɔ lɔ na tu onu ke ewa ye we axɔ ni i. 15 Ica cɔ ɖiwe do ewu do e cite taŋŋu do oxo ke mi lɔ ye wu. 16 Tantyɛntɔn ke ko do nyi ɛhwɛ ŋukɔn bo lɔ xo a do ɖe xlɛ byo ɛhwɛ tɛye mɔ jɔ ɛmɛ ti hɔn nɔ godo na a ɛmɛ bisese wɛ jo o do Mawu ni ko do iwe ɛhwɛ na ye o. 17 Vɔ xwetɔ lɔ wɛ kpedo wu ye bo do hɔnhlɔn lanmɛ na a e xin dogbɔn ji ye ɛwɛn nywɛ lɔ bo nyi jijla taŋu ɛmɛ ke hɔn nyi jwifuye zɛtɛ bo se e bo hwlɛ ɔ gan le kinnikini jaŋuta nu mɛ . 18 Xwetɔ lɔ ma mɔ ɖyɔ tɔn le tito nyiyla ɖekpokpwe mɛ amɔ hwlɛn ɔ gan ko mɔ do ɖyɛ sɛxwe we xɔlu ɖuɖu e tɔn mɛ gigo nyi etɔn gbɔɔn do yi mavɔ mavɔ mɛ ami. 19 Ɖogbe na plisika kpodo akilasi kpo amɔ dogbe na onɛzifɔwe xwedo can. 20 Elasi ci kɔlɛnyi ko bo jo tlo fi mu do li lɛ ɖo e hɔn le ozan. 21 Jɛ gbagba amɔ va gbɔɔxwe vivɔ we ganmɛ agbo va ebulusi pudɛnsi linusi klo dya kpodo nɔvi xɔsetɔye zɛtɛ dogbe dodan we. 22 Xwetɔ lɔ ni le kpo gbigbɔ tɔɔwe Mawu we ɛfɛnu ni nɔ kpo mi.