¹ Blɔ Pɔlu, Silivɛn kpoɖo Timɔte, le agun tɛsalonikitɔnji ɖo ogbe ɖo ɖan mi le Mawu miatɔ Yesu Klisu we nyikɔ mɛ. ² Na ɛfɛnu, fifa Mawu miatɔ Yesu Klisutɔn a nɔ kpo mi. ³ Nɔvye xɔsetɔ ye mi, mi do na do ɛkpɛ na Mawu nɔ tɛ bgɛ ɖo mia we tamɛ. Ɖo nu ke dɔn wɛ nyi lɔ byo mia we xɔse o hwɛn nɔ bo glo ɖe ji nɔ a ɖo ɖwemɛ tɔn, Iwɛ wanyiyi kemi ɖo na mia ɖe ye o jɛ e ji nɔ. ⁴ Gbɔn e xin mɛ mi lɔ mia we xo nɔ le agun Mawu tɔn mɛ nɔ kpo jijwɛ. Mi lɔ mi a we xo nɔ ɖo hunkuku, xɔ se ɖiɖo ke ye ɖo na mi ye miatɔn bisese wu nɔ. ⁵ Exin wɛ ɖe kojo ɖiɖo Mawu tɔn sɔ xlɛ vivɔnu etɔn wɛ nyi lɔ byo mi na nyi ɛmɛ abo jɛ kpo xɔlu ɖuto Mawu tɔn ke wu mi se vivɛ ɖo. ⁶ Mawu na ɖo aya na ɛmɛ ke ɖo aya na mi ye. ⁷ E na fa akɔn na mi, mi ɛmɛ ke le vivɛ sise mɛ di miye haye. E na wasi le hwe kenu wetɔ miatɔn Yesu na lɛ kɔ va sɔn sɛxwe kpo Mawu we ɛwɛn dotɔ ye kpo le hɔnhlɔn e tɔn mɛ. ⁸ Le ozo dɛ daxo etɔn mɛ, e na ɖo ko jo na ɛmɛ ke ɔn nyɔ Mawu, bo gbɛ ɛwɛn nywɛ xwetɔ miatɔn Yesu tɔnye. ⁹ Ye na du aya le oxa ɖo na ɛmɛ mawu tɔn mɛ, le ɖinɖɔngbe nu mavɔmavɔ Mawu ba ɖɛn ɖo ye le gigo kpo hɔnhlɔn etɔnkpo mɛ. ¹⁰ E na wasi emɔ ɖo elɛkɔva gbemɛ gbe emɔ ɖo yi gigo le otogun etɔn mɛ, exin oji mɔ jwɛɛ do ɛmɛ ke na xɔse yewu. Ɖo mi ɖo xɔse na kunnuɖiɖe miatɔn ye. ¹¹ Exin wutu, mi do ŋukɔn yiyi le ɛɖɛ xixo na mimɛ. Mi xo ɛɖɛ nɔtun Mawu ni mɔ dasi ɖo yɔkena e yɔ mi ji. Mi mɔ lɔ byo ni mɔ wa dɔmɛ nywɛ kpo xɔse kpo we dan kpo hɔnhlɔnkpo. ¹² Mi xo ɛdɛ nɔ ɖo emɔ na xwetɔ miatɔn Yesu we nyikɔ anyi sisɔsu gbɔn miaji. Mi jlo lɔ byo ni a sɔ misu gbɔn ɛfɛnu Mawu miatɔn kpo xwetɔ Yesu Klisu tɔn kpo wu.