¹ Oniu tantyantɔn ke ko byɔ mi nɔ wɛ nyi tun mi na nɔ byɔ onu wu Mawu a bo nɔ xo ɛɖɛ a bo nɔ ɖe kuku, a bo nɔ do ɛkpɛ na Mawu mi mɔ nɔ wasi onu xin lɔ dota na gbɛtɔ bisese. ² Mi nɔ xo ɛɖɛ dota na xɔluye kpoɖo ɛmɛ ke na kpa ɛcɛ bisese na mya ezan ɛgbɛ le fifa mɛ le Mawu sisi kpodo jijɔ dagbe zizan mɛ. ³ Onu ke nyɔ hwɛn bo, jɛŋu wɛ e nyi le ŋu mɛ na Mawu hwlɛgantɔ miatɔn . Kena ejlo tun ɛgbɛtɔ ye bi a kpɔn hwlɛn gan a mɔ oxojɔxo etɔn lɔ. ⁴ Ɖo Mawu ɖokpo gee wɛ le ɛmɛye mɛ jla dotɔ ɖokpo gee can mɛ mɔ le lɛgbɛtɔye kpo Mawu we do do mɛ ɛmɛ xim lɔ wɛ nyi klisu yesu mɔ nyi ɛgbɛtɔ . ⁵ Mɛ mɔ le le ɛgbɛtɔ ye kpo Mawu we do do mɛ ɛmɛ xin lɔ wɛ nyi klisu yesu ke mɔ nyi ɛgbɛtɔ. ⁶ Elɔ lɔ wɛ eɖe sɔ na bo do tu axɔ do ota na ɛmɛ bisese exin lɔ wɛ nyi kunnu ke ye de le ogan ke Mawu ɖo mɛ. ⁷ Kunnu ɖiɖe xin lɔ wɛ dɔn na ye do sɔ blɔ tete ŋutɔ do ɖo Mawu we oxolɔtɔ kpo

ɛmɛdin dɔn ke nyi onukplan ɛmɛtɔ le xɔse kpo xojɔxo mɛ na ɛmɛ ke hɔn nyi jwifuyɛ oxojɔxo wɛ ko lɔ nɔ ko hɔn kan ojo nɔ.

⁸ Ko jlo tun le ofidekpokpwe ŋusunglo ye a nɔ xo ɛɖɛ nɔ a bo nɔ kɔ alɔ mimɛɛye do yi oji. ye ni ka mɔ nɔ do adi ye mi mɔ ka mɔ nɔ dɔn onu. ⁹ Emɔɔ ha ke ko jlo tun nyɔnusiye a nɔ do onu oɖa bibla yetɔnye ni bo ka nyi ye a do ɖe ye ɖe xlɛ ye ni ka mɔ nɔ sika alo oxlɔ ke vɛ oho alo awu ke vɛ oho ye do ɖoɖ acɔ . ¹⁰ Vɔ ye ni nɔ sɔ odan nywɛ wi wa a do do acɔ ɖi kena ejɛ ɖo ha na nyɔnusi ke sɔ ogbeta a do sɛn Mawu ye. ¹¹ Nyɔnusi ye ni nɔ bɔ onu xwii le onukpinkplan hwenu, le ɛmɛ ɖe sɔ hwemɛ. ¹² Ko hɔn na ogbe wu nyɔ nusi tun ni mɔɔ kplan onu wu ɛmɛ gbɔɔn a do de ogbe do ŋusunkglo ji can e ɖo na nɔ bɔ onu xwii . ¹³ Ɖo adanwuwɛ Mawu do tanty ɛn gbɔxwe va ɖo ɛvu. ¹⁴ E ko nyi adamu hwɛn jo eɖe do na satana do blɛ vɔ nyɔɔnusi lɔ wɛ jo e ɖe do satana bo blɛ bo do gba osɛnke Mawu do lɔ. ¹⁵ Ganke nyɔnu lɔ na kpɔn hwlɛnn gan dogbɔn ovijiji etɔn mɛ na e do vivɛ nu le xɔse le owan yiyi mɛ le ɛgbɛ kinkwɛnɛ zinzan mɛ bo nɔ wasi onu do ojlɛ nu.