¹ Nɔvi xɔsetɔye ke kan azan alo hwe keb nu onu lɛye na va jɔ e hɔn hyan byo mia wlan onu do exinye wu na mi. ² Ɖo mi ye teteye mi o nyɔ ɛ nywɛɖe byo xwetɔ lɔ wé azan ye ma mɔ va le davotomɛ di kena fyanfinɔ nɔ va le ozan mɛ ɖo ha. ³ Hwekenu na gbɛtɔye na lɔ nɔ byo fifa mɔ le le ayi mɔ jɛ do na ɛmɛ ye hwexin lɔ nu wɛ onu kena vɔ okun na jɛ ye ji. le davotomɛ ɖi ke na ovi jiji wé vivɛsi nɔ jɛ gomi nɔ ji ɖo ha ye ko kpewi na si le e nu. ⁴ Vɔ nɔvi xɔsetɔye mi ye mi hɔn le vulvun mɛ na azan xin lɔ na do va cɔ mi le dovotomɛ ɖi kena fyanfinnɔ nɔ va cɔ ɛmɛ do ha o. ⁵ Ɖo mi mɛɛ bisese kin klɛn vikpɛye wɛ mi bo nyi keklo we viɔpɛye . mi hɔn nyi ozan tɔn gbɔn do nyi vulvun tɔn can. ⁶ Iwɛ dɔn mi ko na mia dɔ awlɔn di ɛmɛ gbokpweye na vɔ mi a ɔ ŋuzɔn amɔ wa nu do ojlɛ ji. ⁷ Ɖo ɛmɛ ke nɔ dawlɔn ozan mɛ wɛ ye nɔ awlɔn le ɛmɛ ke nɔ ɔ nu aha mu ye mɔ nu ahan mu le zan mɛ . ⁸ Vɔ ke mi ye keklo wé vi kpɛye wɛ mi nyi mi a nɔ wa nu do ojlɛ ji xɔse kpodo owanyinyi mɔ nyi oganwu mi mɔ sɔ do kando e ji di do le omɔnukpinkpɔ na hwlɛngan ke o gbɔn nɔ na mi nɔ tɔn mɛ mɔ nyi ogba ogan tɔn mi mɔ sɔ cɔn. ⁹ Ɖo Mawu hɔn do mi byo iwé adidido amɔ do va jɛ mia ji vɔ e do mi na mi a do kpɔnɔ hwlɛn gan gbɔn xwe tɔ miatɔn klisu yesu ji. ¹⁰ Iwɛ nyi ɛmɛ ke ku do mia we ta mɛ exin na mi le ɛgbɛ o mi ku o mi mɔ do va nɔ ɛgbɛ kpo e. ¹¹ Iwɛ dɔn mi do akpakpa lanmɛ na miaɖeye amɔ na hɔnhlɔn mia ɖe ye le xɔse mɛ. ¹² Nɔvɔi xɔsetɔye mi byɔ sɔn miakɔn nɔ byo mi ye mɔ ɖo bubu na ɛmɛ le mia do mɛ bo jɛ gbagba bo wa odan nɔ bo kplɔ mi ɔ le xwetɔ lɔ mɛ bo kplan onu mi nɔ ye. ¹³ Mi do sisi ɖaxo na ye amɔ yiwan na ye do ye we dan wu mi nɔ fifa mɛ kpo miaɖeve. ¹⁴ Nɔvi sxɔsetɔye mi byɔ mi nɔ byo mi hye mɔ tɔgbe ɛmɛ ke nɔ wa onu ɖekpokpwe nɔ ye amɔ do hɔnhlɔn lanmɛ na ɛmɛ ke na lanmɛ ku ye na ye mi gɔ alɔ na ɛmɛ ke gbɔjɔ ye mi mɔ do agbɔ xo na ɛmɛ bisese. ¹⁵ Mi cɔn miaɖeye na ɛmɛ ti ni ko sɔ onu nyinyla a do tu onunyinyla xɔ na ɛmɛ dé o vɔ vɔ mi nɔ ba miaɖeye wé onywɛ tɛgbɛ tɛgbɛ amɔ bva na ɛmɛ bisese. ¹⁶ Mi nɔ ji jwɛ mɛ tɛgbɛ. ¹⁷ Mi nɔ xo ɛɖɛ le gan kpokpwe mɛ. ¹⁸ Mi nɔ dɛkpɛ na Mawu le onu dekpokpwe mɛ ɖo onu kena ejlo na mi le klisu yesu mɛ xɛn nyi xin. ¹⁹ Mi ko nɔ ci ozo na gbigbɔ kinkwɛn lɔ. ²⁰ Mi ko nɔ dovwɛ oxolɔɖnyi Mawu tɔn ɔye . ²¹ Vɔ mi nɔ gbe je onu bisese kpɔn e ke jɔhun mɔ hɛn exin wu. ²² Mi gbɔn akpa na onunyinyla ɖe kpokpwé . ²³ Mawu ke nɔ na ɛmɛ mɛ iwe fifa e lɔ tete ni na na mia nyi iwe ɛmɛ ɖe do vo blebu ni hɛn mia we gbigbɔ oka miatɔn gbaza miatɔn ofɛn ti ko do nɔ mia wu nɔ le hwekenu na xwetɔ miutɔn yesu klisu lɔ na va . ²⁴ Ogbe ejinɔtɔ wɛ nyi ɛmɛ ke na yɔ mi lɔ e lɔ tete na wa si. ²⁵ Nɔvi le xɔse mɛ ye mi nɔ xo ɛɖɛ na mi ye can. ²⁶ Mi kisi mimɛ ɖokpo amɔ do dogbe na miaɖeye ɖi nɔvi le xɔse mɛ ye na. ²⁷ Le xwetɔ lɔ wé nyi kɔ mɛ ko byɔ mi nɔ byo mi ye mɔ xlɛ wéma ké lɔ na nɔɔvi xɔsetɔɔye bisese. ²⁸ Xwetɔ miatɔn yesu klisu wé ɛfɛnu ni nɔ mia ji.