¹ Bɔlu silivɛn kpodo timɔte do gbe na mi ko wlan wema ke dodan a gun ke na le tɛsalonika bo le Mawu otɔ lɔ kpodo xwetɔ yesu klisu mɛ .Mawu ni na mi iwe ɛfɛnu kpodo iwé fifa. ² Mi nɔ do ɛkpɛ na Mawu nɔ tɛgbɛ do mi mɛ bisese we tamɛ bo nɔ xo ɛɖɛ nɔ do mia tamɛ ogan ɖekpokpwe mɛ. ³ Le miatɔ Mawu lɔ wé ŋukɔn mi nɔ flin ke odan wiwa miatɔn nɔ ɖe xɔse miatɔn sɔ xlɛ ɖo bo nɔ flin ke gbagba jijɛ miatɔn nɔ ɖe owanyiyi miatɔn sɔ xlɛ ɖo bo mɔ nɔ flin ke mi le te gliŋu le omɔnu kpinkpɔn mɛ le xwetɔ miatɔn yesu klisu mɛ ɖo. ⁴ Nɔvye ke Mawu yi wan na ye mi ny ɔ ɛ lɔ byo Mawu mɔ can mi. ⁵ Do ɛwɛn nywɛ ke mi jla na mi e hɔn nyi oxo lilɔ kpoŋuhwɛn vɔ mi jlɛ ɛ kpodo hnɔhlɔn kpodo gbigbɔ kinkwɛn kpodo kande ji titeŋugbetɔn mi nyɔ ke na mi zan ɛgbɛ miatɔn do le miakɔn mia wé onywɛ wu wɛ . ⁶ Miye mi o sɔ afɔ do mi ye kpodo xwetɔ lɔ kpo wé afɔdo mɛ ɖo mi le vivɛ sise susu mɛ ganke

bo yi oxo lɔ kpodo jijwɛ kena gbigbɔ kinkwɛn nɔ na ɛmɛ .

⁷ Do exin lɔ wu kpɔndenu wɛɛ mi trɔ zun na xɔsetɔye bisese le masedwanu kpodo akayi. ⁸ Do xwetɔ lɔ wé xo ɖi sɔn miakɔn e ko myi Masedwanu kpodo akayi ɖoɖyo hwɛn e yi o vɔ xɔse ke mi ɖo do Mawu ji we xo ɖɔ gbakpe gbɔn ofi ɖekpokpwe gbɔɔn e hɔn mɔ hyan byo mi ye mi ye amɔ va xo ɖe nɔ can. ⁹ Do ɛmɛ bisese wɛ nɔ lɔ ke mi yi mi do le ŋwekenu na mi va miakɔnɔ ye bo nɔ lɔ ke mi gbɛ yɔɔhweye ɖo bo lɛ kɔ va Mawu ɛgbɛ ɛgbɛ lɔ ke nyi Mawu xo jɔ xo tɔn lɔ kɔ n a do va sɛn ɛ. ¹⁰ Mi do n ɔte kpɔn ovyɛ yesu lɔ nɔ emɔ sɔn sɛxwe do va e lɔ ke Mawu fɔn sɔn ɛmɛ ukuye mɛ emɔ hwlɛn mi gan le adidido ke na gbɔn nɔ mɛ.