¹ Nia talanga ni kumona mwana dimemi wa makhana ku mesu memi ha mundonda wa siyoni. Wa khedi ni athu khama ma kumi mawana ni awana ya mafunda avwatanga jina diendji ni jina dia tatendji makusonika ha mbunzu jowu. ² Nievidi ndaka ya katukidi kuhulu , ya khedi mudi mahuhwa ma meya ni mikumunu. Ndaka yi nievidi ya fwanangananga mudi athu a kuyimbanga ni kushikanga kitadi. ³ A yimbidi mwimbu wa katataka ku thwala ya kifumu ni kuthwala ya yikangu yiwana ya Nzambi ni a khakha. Mu kukatula thama makumi mawana ni mawana dia mafunda awa a sumbidi hashi ata muthu ka kukidiku kuyimba mwimbu weni. ⁴ Eniawana edi athu alekidi kudiwasa majilu mu kukonda kulungisa akhetu. Eni yowu a lekidi kuhanga masumu kwa mwana dimemi kwosu okuna kwaya. Asumbiwidi mu katshi kathu mudi yibundu ya thethi sambu dia Nzambi ni sambu dia mwana dimemi. ⁵ Ata Wukhubidi wa khediku mukanwa diowu kikuma akhedi konda yifu. ⁶ Nia mweni wandjo mwekha ni ku tuka mu katshi kawulu, Bani tsangu ja konda tsuka ja kulombulula ku diathu a ku jinganga hashi; kudi hathu osu , kudi yikanda ni jindaka. ⁷ Wakulanga mundaka ya ngolu etshi: " Bangenu Nzambi ni mu jitisenu, kikuma kia fundusu kieza. Mujitisenu, owu wa hangidi wulu , mavu, meya ni misulu ya meya. ⁸ Wandjo wekha, wa kiadi walabidi ni kwakulanga etshi: "Diabwa, diabwa Babiloni dijima dia zedishidi makanda mosu maluvu mu wunzweji; maluvu ma kokidi khabu jomu. ⁹ Wandjo mwekha, wa kisatu walabidi ni kwakulanga mundaka ya ngolu : " Wivwa muthu wa fukimina mbiji ni ni kifwani kienji, wa nona kidibu washa ha mbunzu wivwa lo ha kokhu diendji, ¹⁰ Wa kanwa maluvu ma khabu ja Nzambi; maluvu menda kusha mu musengi (kiopu) wa khabu jendji konda kubunda ni kima kiekha. Muthu wa kanwa maluvu menama wa kayangishiwa ku thuya ni muhunga ku mesu ma asantu a awandjo ni kumesu ma mwana dimemi. ¹¹ Mwishi wa pashi wa pashi jowu wenda kanduka kimakulu konda kulembwa pipa ni mwania; eni awana asambilanga mbiji ni kifwani kienji, kosu owuna wa nonini kidimbu kia jina diendji. ¹² Yenda ya lombaetshi asantu, athu awana enda kujitisa ji tshiku ja Nzambi ni enda kulaba lukwikilu lwa yesu a kashi mutshima. ¹³ Ku wulu, nievidi ndaka ya kulanga etshi: " sonika eki lusakumunu lukhadi kudi awa afwa mu kinzambi." " Eh, Pevi yenda yakula, " a ka pema kikuma kia yisalu yowu, kikuma yisalu yowu ya ka wa laba. " ¹⁴ Nia talanga ni kumona tuta ditoka ha khedi ha shikama muthu wafwana mwana muthu, wakhedi ni puwa ya wola ha mutwa wendji ni poku ya mwela ku kokhu diendji. ¹⁵ He wanjo wakhedi wa widiki mundja Nzambi wa tambikidi muthu owu wa khedi ha wulu dia tuta mu ndaka ya ngolu: Nona poku yeyi, wuyanjiki kuhela kikuma tangwa dia kuhela dia lunga, kikuma wubundu pashi ya kola. ¹⁶ Muthu owuna wudi ha wulu dia tuta wa hitishidi poku yendji hashi, wa hedidi wubundu ya hashi. ¹⁷ Wandjo mwekhepi wa widikidi homa ha kisantu kia Nzwa Nzambi yidi ku wulu, mweni epi wa khedi ni poku ya mwela. ¹⁸ Mwekha wa widikidimundja-nsenza; wandjo wa khedi ni kiyeka ha wulu dia thuya : wa khedi kwa wandjo mundaka ya ngolu wa khedi ni poku ya mwela etshi: " konga poku bunda yitsuka ya vinu ya mavu kikuma yibundu yowu ya kola? ¹⁹ Wandjo wa kongidi poku yendji hashi, wa wongika vinu dia hashi, wa konga mu kikamununi kia vinu di jima dia Nzambi. ²⁰ A kamunini yidingi yeni mu kikamununi kia vinu handjia vula, mashi ma widikidi mu kikamununu kia vinu, yekhinini tii ku mikaba yenda yenda kuvwatisa a punda ku kanu, kitamina kia funda khama ji sambanu.