¹ Mu kutala, nia mweni wanjo wa ngolu wakhedi ni kukulumuka hashi. Wakhedi wakuwinda tuta, kwa khedi ni khongolu ha wulu dia mutwa wendji. Mbunzu yenji ya khedi mudi tangwa, miendu yendji mudi makundji ma thuya. ² Wa kwatanga ka mukanda ka kasuluka kumokhu mendji, watulula mwendu wendji wa kitata ha wulu dia meya, mwendu wendji wa kimama hashi. ³ Kumanima wa nganini mundaka ya ngolu mudi kienda kungania ntambu, kia nganini mikumunu tsambwadi ya kumini. ⁴ Tangwa mikumunu tsambwadi ya kuma nia khedi kuzola kusonika kashi nievidi ndaka ya katukila ku wulu ni kwakulanga: " wulombululoku makula mikumunu yosu tsambwadi wu ma sonikoku! ". ⁵ Mukulaba, wanjo wa khedi ha wulu dia meya ni hashi, wa thuthidi kokhu diendji dia kitata ku wulu. ⁶ wa zengidi mujina diowu wenda kujinga mvula ni mvula; owu wa hangidi wulu nieyi yidi mavu ni yosu yidi ha wulu, meya ni yosu ya zala etshi : " kwaka khaloku ni tangwa. ⁷ Kashi mukilumbweki ekhi kia wanjo wa kitsambwadia a ka zola kubula pungi yendji kitsweki kia Nzambi kia kalungisama kia makudidi kwa asadi jendji a mbikudi". ⁸ Ndaka ya nevidi ku wulu ya ngwakudidi epi etshi: " Ndanga nona khata ya mukanda yidi ku mokhu ma wandjo wa makhana ha wulu dia meya ni hashi." ⁹ He, niayanga ha bela bela ni wandjo nia mulombidi mu ku nguhwa ka khata. Wa ngulejidi nona ka khata, kadi. Ka kwikhina khadi muvumu dieyi kashi mu kanwa dieyi, ka kwikhina pimbu hitila wikhia ". ¹⁰ Nia nonini ka khata ku mokhu ma wandjo nia kadia . Ka khedi pimbu hitila wikhia mu kanu diemi kashi ki niedidi nia mana mu kudia, vumu diemi diekhinini khadi. ¹¹ He, ndaka jekha ja ngu lejidi etshi : wufeti ku bikula athu engi, makanda ni makanda, ndaka ni ndaka ni miatha.