¹ Polu ni Timote, asadi a Yesu Khidishitu kwa asantu osu awana edi kumoshi ni khidishitu Yesu, awana edi ku Fidipa, kwa a twadishi ni a shelu a dibundu; ² Leka khenda ni ngemba yi khadi kudi enu, ya katuka kwa Nzambi tata ni fumu Yesu-Khishitu. ³ Nia vutula matondu kwa Nzambi wemi wuvwa nia mwibuka. ⁴ Mu kosu kisambu ku yisambu yemi kudi enu, nienda kusambila tangwa diosu ni kieshi. ⁵ Nia vutula matondu mu kithwadi kia tsangu ja mboti banda banda kilumbu kia thethi tii kieneki. ⁶ Niasha mutshima ku ama etshi muthu owu wa yanjikidi kisalu kia mboti kudi enu, wu kulaba mu kukimanisa tii ku kilumbu kia Yesu-Khidishitu. ⁷ Yidi mboti kamu etshi ni banji mutshindu owu kikuma kia enuosu, kikuma nudi mu mutshima wemi. Nwa khedi enu osu kumoshi mu khenda ni miniololu etshi a fumu a luyalu a nguhu ndjila ya kusamuna tsangu. ⁸ kikuma Nzambi wu ngudi themu etshi nia zola enuosu hengi mu yesu- khidishitu. ⁹ Nienda kusambila etshi: Lekenu zola dienu dikhadi dingi mu kwijiya ni luswasukusu. ¹⁰ Nia lomba etshi nwijiyi kuswashikisa ni kusola eyi yidi ya hitangana kuwaha. Nia lomba kikuma kia kienekina nu khadi masonga ni konda yifu mu kilumbu kia khidishitu. ¹¹ Ni etshi nu zodi ni mbuma ja lunungu oluna lwenda kwiza mu ndjila ya yesu-khidishitu mu lukumu ni mu khembu ya Nzambi. ¹² Kieneki nia zoletshi nwijiyi, a pangi etshi mambu ma ngu bwididi kandusisa tsangu. ¹³ mvutu, miyololu yemi mu khidishitu yejinginini kudi a kengididi a fumu ni athu ekha. ¹⁴ Ni a pangi engi mu jina dia fumu a kwikididi kikuma kia miyololu yemi ni kwakulanga ndaka konda woma. ¹⁵ Ekha, yidi masonga enda kumahanga mu kipala ni mu kimbeni. Kashi ekha enda kulombulula kikhishitu mu zola. ¹⁶ Awa enda kulonga khidishitu mu zola ejiyetshi angu shidi aha mukunwanina tsangu. ¹⁷ Ekha enda kulonga Khidishitu kikuma kia wimi ni kikuma kia kukonda masonga. Enda abanza ku ngu shila mavanga mabola. ¹⁸ Ma ngushiku fhunu! Mu pila yosu mukhadi muluvunu aha mumasonga . Ee, nia kaseyila . ¹⁹ Kikuma niejiyetshi makasukila mu kukanguka. Menda kwiza kikuma kia yisambu yenu ni lusalusu lwenu pevi ya Yesu-Khidishitu. ²⁰ Medi mu kusha vuvu ni mu ku kwikila nia kaleka kwivila soni. Mu kulaba, ni kikesa. Mbala yosu ni kieneki, nia banza etshi Khidishitu wu ku nona lukumu ku mwila wemi mu lufwa aha mu moyi. ²¹ Kikuma kudi ami, lujingu ludi Yesu,lufwa ludi ndandu. ²² Kashi kujinga mu musuni wa buta mbuma ja kisalu kiemi, he niejikidiku ekhi kuponia. ²³ Kikuma nia dikapa kumambu madi: Kufwa ni ku khala ni Kkhidishitu, dikabu dia hitangana pimbu. ²⁴ Mu kutala mu musuni yi difhunu yingi kikuma kia mamboti meyi. ²⁵ Kikuma nia makumbula, niejiyetshi nia ka khala ni nia kajinga nienu mu kukula kwznu ni kieshi kienu mu lukwikilu. ²⁶ Heni, pimbu yenu ya ku dikebisa mu khidishitu kikuma kiama yikuvula kikuma kiami ni enu. ²⁷ Jingenu lujingu lwa bathu lwa tsangu ja Khidishitu. Hangenu kiedika kikuma, ata nieza kumutala aho ni leki ku khala, ni lendi kwivwa kieshi nwa ketshikina mu pevi yi moshi. nia zola kwivwa etshi nwenda hanga enu osu mu pevi yi moshi mu lukwikilu lwa tsangu ya mboti. ²⁸ Nwivwoku woma ata wa kima kia hanga a mbeni jenu. Eyi yidi kudi eni kidimbu kia kubila kwowu. Kashi kikuma kienu, kidi kilumbu kia kuhuluka kwenu kia katuka kwa Nzambi. ²⁹ Kikuma a nu hwedi, kikuma kia Khidishitu, keshiku kasu kukwikila mu mweni, kashi kumona pashi kikuma kia mweni. ³⁰ Kikuma nudi ni mayema mamoshi kioki ki nwa mweni ni ami, epi nwenda nwevwa kwakula kukhala ni kienekina.