¹ Polu mumoshi wa alonguki a Khidishitu mu luzolu lwa Nzambi ni Timote pangi etu ² Kwa andimi kwa pangi akiedika mu Khidishitu edi ku Kolosayi leka khenda ni ngemba jia Nzambi Tata jikhadi nienu. ³ Twevidi kudila kwa lukwikilu lwenu mu Khidishitu Yesu ni luzolu lwa awa asha mu kingenga kikuma kia Nzambi. ⁴ Twa tonda Nzambi Tata wa fumu etu Yesu Khidishitu mu luzolu kwa awa osu ayekulama kudi Nzambi. ⁵ Nudi ni luzolu lwena kikuma kia mutshima enda ku nu shila ku wulu theti nwevidi akudidi mutshima enda ku lusha mu ndaka ya masonga tsangu ya mboti. ⁶ yejidi ku nudi enu tsangu eyi yidi ibundu yenda kumwangana mu kifutshi wenda yihanga epi kunudi enu yandjika kilumbu ki nwa yividi ti kinwa lungukidi mu ama matala khenda jia Nzambi mu masonga. ⁷ Yidi tsangu mudi ki nwa yividi kudi Epaphras musadi wetu wu twa zola owu wudi musadi wa mboti wa Yesu kikuma kia etu. ⁸ Epaphras watu lejidi mu luzolu lwenu kwa pevi. ⁹ Kikuma kia luzolu yandjika kilumbu ki twa mevidi twendoku kuleka mu kulomba kikuma kienu twenda lomba tangwa diosu nukhadi nwa zala ni kwijika kwa luzolu ni ngangu ni kwijika kwa kipevi. ¹⁰ Twenda tatamana mu kusamba kikuma kienu nu kebi mu pila ya kubanga fumu mu pila ya pimbu kibeni twenda tatamana mu kusamba kikuma kienu kikuma nu kibu mu masinga ni fumu mu pila ya pimbu twenda tatamana mu kusamba nu buti yibundu mu mosu ma mboti nia kuhanga mu kwijika Nzambi. ¹¹ Twenda samba kikuma nu khadi ngolu mu mambu mosu mu kutala ngolu jia lukumu mu ku tatamana ni kukasa mutshima. ¹² Twenda samba mu ku nuhwa matondu ni kieshi Tata owu wa nuhwa ngolu jia kunona kabu dia kimvwama ki akwikidi mu kieji. ¹³ Wa tu katula mu luyalu lwa mambu ma pipa watu senda mu kifumu kia mwanendji wa zola hengi. ¹⁴ Mu mwana wudi mumoshi mu katshi kenenu ni kulolula masumu. ¹⁵ Mwana wudi kijiji kiku mwekhananga kia Nzambi kendoku kumwekhana wudi wa theti wa butukidi mu yigangamu yosu. ¹⁶ Kikuma kia mweni yosu ya hangimini eyi yidi ku wulu ni hashi yima yi kumwekhananga ni eyi yendoku kumwekhana yikhala kitshi to yifumu yosu ya hangama kwa mweni ni kikuma kia mweni. ¹⁷ Wakhedi mu luyandjiku lwa yima yosu yima yenda kujinga mu mweni. ¹⁸ Wudi muthu wa mwila nzu ya Nzambi wudi luyandjiku ni wa theti wa butukidi mu bafwa wudi kumesu ma yima yosu. ¹⁹ Kikuma Nzambi wa zodidi kinzambi kiendji kiosu kikhadi kudi mweni. ²⁰ Ni ku mwivikisa yima ni mweni mu mwana Nzambi washa ngemba mu mashi ma kulunji Nzambi washa ngemba mu yima yosu ni enji mweni yikhala ya mu mavu to ya ku wulu. ²¹ Enu epi mu tangwa di moshi nwa khedi anzenza jia Nzambi nwa khedi ambeni mu mabanza ni mambu ma bola. ²² Kashi kiki mweni wa nwivikisa mu lufwa lwenji lwa mwila wama hangidi kikuma nwikhini avedila konda kifu konda mayanu kumesu mendji. ²³ Ivwa niwenda zinga ni lukwikilu nwasha misodi ya ngolu konda kuleka kivuvu kia tsangu ya mboti eyi yi nwevidi eyi tsangu ya mboti ya lejidi athu osu a hangama mu mashina ma wulu yidi tsangu eyi ami Polu niekhina musadi. ²⁴ Kiki mweni nidi ni kieshi mu pashi jiemi kunudi enu nienda lungisa mu masumu ma konda mu pashi jia Khidishitu mu luzolu lwa mwila wudi nzu nzambi. ²⁵ Idi mu nzu Nzambi yene yina nidi musadi mu kutala kijitu kia Nzambi anguhwa kikuma kienenu muku lungisa ndaka ya Nzambi. ²⁶ Ama medi masonga ma kitsheki kejianganoku jimvula lawu kwa makanda ni makanda kashi kikimweni yejiangana kudi awa akwikilanga kwa mweni. ²⁷ Yidi kudi eni Nzambi azodidi kwijikisa kimvwama kia khembu ya masonga ma swekama mu katshi kia a pani ya zola kwakula etshi Yesu wudi nienu kivuvu kia khembu ya keza. ²⁸ Idi mweni tuku samunanga twenda longa muthu mwosu ni kulonga athu osu mu ngangu kikuma tuleji muthu mwosu wa lunga mu Khidishitu. ²⁹ Kieni ni kuhangilanga ni kunwana ni ngolu jienji yi ku hanganga mudi ami.