¹ Kunima wanzio wuwukala yembungu nsambwadi kamongi wisi, kankambaka ne,Zosa yikusongila buna basambisa ndumba wuna wumbuta mbuta wuzakala ha ntandu nzadi zimbuta. ² Samu bamfumu ba nsi ntoto basadi kindumba ye yandi, pe kwe yandi matuki malafu ma mabakwete batu ba nsi ntoto basadila kindumba." ³ Kandete mu mpeve mu nseke yikonda miti. Mbwene nketu zakadi hana ntandu mbisi wudyanzumuna, mazina lawu diene,kakala ye mitwa nsambwadi ye misengo kumi. ⁴ Nketu wene kakala wuvwata nlele wumbuta mbuta, benda zietisi wolo, ye matadi ma wolo ye nsala,.Kakala hana koko ye mbungu yi wolo yibasa ye mambu mambi lawu diene mabasa ti kindumba. ⁵ Hana mbunzu yandi basonika zina dimosi di sweka mambu:"Babylone Dimbuta, mama wu ba ndumba ye mambu mambi ha tsi n'totu." ⁶ Yimwene n'ketu kakwete kwiti di menga ma basantu, menga ma bambangi ba Yezu. ntangu yimwene ngindu zaakulu zimvwalangani. ⁷ Wanzio piudi ne, nki kikuma ntwa ngeyi kavwalanganini?. Yikukamba nki ntendula yi n'ketu ye mbisi wu mitwa nsambwadi ye misengu kumi. ⁸ Mbisi wuna mweneke wuzinga kele ntama, buntwene keku dihika, mana kalubuka mu kulonga batu, mu manima kafwa. Batu ba nsi ntoto, babene ne khumbu zibawu zikotieku mu n'kanda moya tuka ,uyandiku lu nsi ntoto, bayituka mu kumona ne mbisi wu zinga kele lelo diadi keeko dihika mana kekene zola kuisa kabuka. ⁹ Mambu ma mamatondikisi mayele mingi mu n'twa. Mitwa mia nsambwadi miene miongo tsambwadi mi kazakalala n'khetu. ¹⁰ Hene dihika bantotila tsambwadi, bantotila batanu babwa, mosi kekene zinga ye mosi kisieku kene, hana kakwisa kazakaloko bwingi. ¹¹ Mbisi wuzinga kele keeko dihika kene yandi pe ntotila wu naana, mana kene mosi wu bantotila tsambwadi ye kekene kwenda mu kufwa. ¹² Misengo kumi mina wumwene bene bantotila kumi bamongieku n'toto kimfumu, mana bamonga kimfumu bwoso bantotila mvula tanu ye mbisi. ¹³ Bene ngindu zimosi ye bekene kimfumu ye kibula kwe mbisi. ¹⁴ Ba nwanisa mwana dimeme, mana mwana dimeme ka banunga samu yandi kene mfumu wu bamfumu ye ntotila wu ba ntotila ye yandi bene batu bana ban'tela, bana basola , bana ban'lemvukila Nzambi." ¹⁵ Wanzio n'kambi ne,"Mamba mana wumwene, hana katikati di mawu kazakalaka ndumba, biene bikanda, bibuka bibuka, zitsi ye zindinga. ¹⁶ Miseengu kumi mi wumona, bawu ye mb isi ban'yekuka ndumba. Ban'wisa nsoni ye ban'songila kinkonga kiandi, ban'dia misuni miandi ye ban'yoka yandi kulu ha mbawu. ¹⁷ Samu Nzambi kabasila basala kumosi ye yandi mukusia ne bakotisa mu mbundu zibawu ngindu zi kulemvuka mu kulungisa luzolo lu Nzambi ye kutambusa kuhiokisa kimfumu kibawu kwe mbisi ti kuna malungila makahoya Nzambi. ¹⁸ N'ketu wu wumona diene mavula ma mbuta mbuta mama diatisa bamfumu bayala tsi n'toto."