¹ Mene yimona pe tala mwana dimeme ditelami mu zulu di mongo wuSiyona; mpe batu 144,000 babene ye zina di tata ² yandi. Ye mene yiwidi ndinga mosi yikatuka ku zulu yabana mazu ma mamba mingi, pe yaba mazu ma nzasi, pe ye ndinga yiwidi yabana batu beke yimbila holo beke bula bitadi. ³ Beke yimbila nkunga mosi wukala wisakanaka, n'kunga pa kuntwala kiti ki mfumu pe kuntwala bimangu biya bimoya pe ⁴ bibambuta, pe ata mosi kakaloko ye luzolo lukulonguka n'kunga wene mboti mboti, katula kaka 1'44.000,babasumba mutoto. ⁵ Beto batu badisisa mvindu ye banketu, bakiedika, bene ba mwense, beno batu beke landa mwana dimeme koso palasi yina kakwenda, Babakwenda hakati di batu bwoso mabundu mantetemudiambu di Nzambi ye mwana dimeme. ⁶ Mene yimona dihika wanzio wuhika kwe pulumuki ku zulu, pe yandi kakala ye tsangu zibunkete zi mvula ye mvula mu kunatisa batu babazinga ha n'si n'toto. ⁷ pe keke hoya mu ndinga ngolo ne: "Beno n'luwa Nzambi boma pe lun'heka lukumu samu ntanguyi kusambisa batu yifwene,pe lusambila mutu wusala n'toto ye zulu, nzadi mungu ye nto zi mamba. ⁸ Wanzio wu hika,wuzola kalandi pe kahoyi , yandi bwidi ,Babilona wu mbuta bwidi . Yandi mutu wunwisa bikanda biakulu vinu dinzala yingolo ye kindumba ki yandi . ⁹ Wanzio wu tatu kabalandi pe, kahoya mu ndinga ngolo ne: Ne mutu kasambila ba mbisi ba n'situ ; ye bafwana pe kabasia bidimbu ha mbunzu yandi , pe ha koko diyandi . ¹⁰ Yandi kanwa pe vinu dingolo dinzambi dibasidi mu dikopa mungolo zi yandi bakonda bundikisa bio ye bima bihika, kabalwenisi ye pema mu meso ma ba wanzio ba p"eve santu ye kumesu ma mwana dimeme . ¹¹ Pe mwisi wu pasi zibawu katombuka mvula ye mvula , pe batu bana basambila mbisi zinsitu ye bifwanisu biandi , pe koso mutu wuna mongo kidimbu mu zina dikiawu, bahemuna ku piba ye kuna mwini . ¹² Balombaka ba santu bana ban'lemfukila Nzambi , pe babalandaka lukwikilu lu Yezu mu kukasa ku mbundu . ¹³ Mene yiwidi ndinga mosi yituki ku zulu , yeke hoya ne : Sonika , kiesi ye bafwa bana bafwa mu buhika ye mfunu yandi yimonika mu ntangu yayina, peve yeke hoya ne ,yambula balemba mu bisalu bibawu bingolo , mudiambu mambu mabasalaka meke balanda . ¹⁴ Mene yimona , pe tala tuti dimosi dikaseme , pe mutu mosi yabana mwana mutu wuzakala ha zulu di tuti diene , yandi kakala ye puu yi wolo yi kimfumu ha n'tandu n'twa yandi. ¹⁵ Wanzio wuhika kalubuka huma ha santu ha tempelo,yandi kahoya ye ndinga yingolo kwe mutu wuzakala hakati di tuti ne :Hiokisa mbelaku pe katula mabundu, samu ntangu yi kukatula mbuma yifwene,mudiambu zikodi bwingi. ¹⁶ Mutu wuna wukala hakati dituti kahiokisa mbele yandi mu kukatula mabundu ma n'si ntoto . ¹⁷ Wanzio wuhika dihika kalubuka ha palasi yi santu ha tempelo dina diene ku zulu ,yandi pe kakala ye mbele yingolo . ¹⁸ Wanzio wuhika diaka kalubuka ha mesa, kimenga pe yandi kakala ye kiyeka ku zulu di mbawu. Yandi kahoya mu ndinga ngolo kwe mutu wuna wukala ye mbele yingolo ne, hiokisa, bundikisa bisuka bimbuma bi nti vinu, samu bibundu bikodi." ¹⁹ Wanzio katutisa mbele yandi ha nsi ntoto pe kakutikisa mabundu ma nsi ntoto ma vinu, pe kalosa zo ha kikamunini ki vinu ki mbuta ki ngolo kinzambi. ²⁰ Pe bakamunina mbuma zina ha kikamunini ki vinu kunzila mbanza, pe menga malubuki mu kikamunini ki vinu pe matedi ti muna mikaba mibavwata mabuluku, kiteso kinkama tatu, 1,600.