¹ Kunima mambu mamana feti di Bayuda disalami, Yezu tombuki ku Yeluzalemi. ² Kinga ku Yeruzalemi, belabela ye kieli ki ma meme hakala ye kizipa kimosi batela mundinga hébreyi Béthesda, kiene ye bima bi lumwenu bitonu. ³ Muna tsi bisweku biebina, mukala ye batu ba beela, bifwa mesu, bintingu ye ba bakonda telema bakulu bakala hingila kuvunzuka ku mamba; ⁴ Sambu hakala ye Wanzio wukala kulumukaka ho konso ntangu phe keka vunzulu mamba, wuna mioka wu ntete na mamba ma vunzuki, kafeti beluka muki mbefu kiakulu kikadi kinki kiteso. ⁵ Ha kukala mutu wubela yuka zi mvula maki tatu. ⁶ Yezu, haka n'mwene nimbiki, ye kazaya na kakala wubela tuka kiana, ka n'kambaka: zodi ubeluka? ⁷ Mutu ubela ka n'kambaka: Pmfumu, yeku ye mutu fwene ka ndosa mu mamba hana hakuma mamba na meka ningana, ye konso tangu na nzodi yenda, mutu kaka kafwete kulumuka kutwala mene. ⁸ Telema, ka n'kamba Yezu, monga tangiaku, ye tambula. ⁹ Buna kabeluka mutu wuna; mongi ntangiandi, ye kangadi. Kukala kilumbi ki kiposa. ¹⁰ Ba Juif nda n'kamba wu kubelusi: ba mbwele; ka kukemboko unata ntangiaku. ¹¹ Ka bakambaka: wuna mbelusi mene ka nkembe: monga ntangiaku ye kangala. ¹² Ba huilaka: Ki mutu kukembe: monga ntangiaku, ye kangala? ¹³ Mana wu beluki kazeyeko na kakele; mudiambu Yezu kalala hakizika hakele batu bakulu. ¹⁴ Hakana, Yezu n'mwene n'nzonzambi, ka n'kambaka: mwene, beluki, sadiku masumu, nalo haku kumina diambu dimosi dimbi. ¹⁵ Mutu wuna wele, we hoya kwe ba juifs na kukala Yezu wu mbelusa mene ¹⁶ Mu bwabuna ba n'lende Yezu kwe ba Juifs, sambu kasadiki mambu muki lumbu kikiposa. ¹⁷ Mana Yezu ba hele mvutu: Tata mene kasala ye tangu diadi; mene phe, yisalaka. ¹⁸ Mu kikuma ki bwabuna, ba Juifs badingiki diaka bwingi muku n'honda, kweku sambu kazitisiku kiposa, ma sambu ka n'tedi Nzambi tata yandi, kadi kukisiki ye Nzambi. ¹⁹ Yezu mongi ndinga ye ba kembe: muma songa makulu, yeke lukamba, mwana kafweneko kasala mu yandiene, keka sala kaka ma keka mona ma kakwesadi kwe Tata; ye makulu makasala tata, mwana kasala mo. ²⁰ Sambu tata ka n'zolaka mwana, ye yandiene kasongilaka makulu makasalaka, ye kasongila mambu ma mbuta-mbuta kuhioka mama, mana kubutsuki lukala muku yituka. ²¹ Sambu, pila tata kafutumunaka ba bafwa ye ka ba hekaka luzingu, bwabuna mwana kahekaka luzingu kwa wuna zodi. ²² Tata ka sambisaku mutu, mana ukabusa mambu makulu kukwe mwana, ²³ Muku siana betu kulu ntuzitisa mwana buna ba n'zitisaka tata. Wu weku zitisoko mwana keku zitisoko phe tata ²⁴ Muma songa makulu, yeke lukamba, wu waka ndinga mene, ye kwikilaka ku wu ntuma, kena ye luzingu lukonda tsuka ye kakwendoko ku basambisaka, sambu kahioka mbala mosi lufwa ku muzingu. ²⁵ Muma songa makulu yeke lukamba, ntangu yisi, ye yisa tuka kiana, kuna ba bafwa bawa ndinga mwana Nzambi; ye bana bawa ndinga yina bazinga. ²⁶ Sambu, buna Tata kene ye luzingu lu yandiene, bwabuna phe kahele kwe mwana n'andi luzingu lu yandiene. ²⁷ Ye ka hele kiyeka kiku sambisa, mudiambu kena mwana mutu. ²⁸ Luyitukiku sambu mambu mana, sambu ntangu ifwene mudiambu ba bakalaka ku maziami bu bawa dinga yandi, ye balubuka. ²⁹ Ba basala mamboti ba futumuka sambu di luzingu, kansi ba basala mambi ba futumuka sambu ba basambisa. ³⁰ Heku ye kima isala menene: buna yeke wa, yeka sambisa, kusambisa kumene kwena ma masonga, sambu yeka dingoko luzolo lumenene, kansi luzolo lu wu untuma. ³¹ Na kukalana mene yeka ta bumbangi bu menene, bumbangi buna bukaloko ma masonga. ³² Kwe ye mutu hika fete hoya bumbangi bu mene, nzeye na bumbangi buna bukala buma songa. ³³ Luhitiki kwe Yowani, ye katele bumbangi bu masonga. ³⁴ Sambu di mene kweku kwe mutu yi monga bumbangi; sambu yeka hoya bwabu, sambu lukala ba guluka. ³⁵ Yowani kakala mwinda weka lema weka hana nsemo, ma luzodi luwa kiesi ntangu mosi sambu nsemo yandi. ³⁶ Mene, yena ye bumbangi buna mbuta mbuta kuhioka bumbangi bu Yowani; sambu bisalu bika pele tata mukusala, biabina biyisala mene, bieka songisa kwe mene na tata untuma. ³⁷ Ye tata wu untuma ka hoyi yandiene bumbangi bu mene. Lusaloko kuwa ndinga yandi, lusaloko kumona keti kilunzi kiandi, ³⁸ mana ndinga yandi isala dibela kwe beno, sambu lweka tambusoko kuwuna katuma. ³⁹ Lweka huila mvutu mu mambu ma masonama, sambu luyindula kuzwa luzingu lukonda nsuka: Kwe biawu bi songilaka bumbangi bu mene. ⁴⁰ Ma lukwe zodiko kwisa kukwe mene sambu lumonga luzingu lukonda tsuka. ⁴¹ Nkembo mene yeka mongoko kwe batu. ⁴² Mudiambu nzeye na lweku ye zola di nzambi kati di beno. ⁴³ Yisi muzina di tata-ma, ma lungiemboko; ne mutu kaka kisa muzina diandi, lu n'yamba. ⁴⁴ Nki phila lu fwene lu kwikila, beno ba lumongaka nkembo kwe ba mosi ye ba hika, ye ba lukonda dinga nkembo yi ituki kwe Nzambi mosi? ⁴⁵ Luyindudiku na mene yilufunda kuntwala tata; wuna weke lufunda, kena Moyiza, mwe yandi lusidiki kiitu. ⁴⁶ Mudiambu na lukwikidi mukati di Moyize, lu nkaa kwikila phe mene, mudiambu yandi kasoniki mambu matadidi mene. ⁴⁷ Mana na lukwikilaku mu mahoya ma yandi, nkiphila lukwikila mu mahoya ma mene?