¹ Yezu, ku nima di ku hoya mambu mana, tombudi meso ku zilu phe hoyi: "Tata, ntangu yi fwene! N'kumisa mwanaaku, mu kusia ne mwanaaku ka ku kumisa phe, ² buna wu n'heka ki pfumu mu n'suni waakulu, mu kusia ne ka hana luzingu lu konda tsuka kwe batu baakulu bana wu n'heka. ³ Mu kutala, luzingu lu konda tsuka, lwene ne baku zaya, ngeyi, nzambi mosi kaka wu masonga, ye wuna wu tuma, Yezu Kristu. ⁴ Yi ku kumisi ha tsi n'toto, mbanisi kisalu ki pheleeke yi sala. ⁵ Bu ntwene ngeyi, Tata, nkumisa kuna kwe ngeyene mu nkembo yi yikala yaawu ha yikala bele-bele ye ngeyi ku ntwala n'toto ka salama. ⁶ Nzayisi zina di ngeyi dkwe batu ba wu phele ha kati di n'toto. Ba kala kwe ngeyi, ye ngeyene wu ba phele; bawu phe ba batidi ndinga ngeyi. ⁷ Bu ntwene ba zeye ne bima biakulu bina wu pheka bi tuki kwe ngeyi. ⁸ Mu diambu yi ba heele ma hoya ma pheeleke; bawu phe ba ma yambi, ye ba zeye ye masonga ne ntuki kwe ngeyi, ye ba kwikidi ne ngeyi ntumi. ⁹ Kikuma ki baawu yeka sambila. Yeka sambiloko samu di n'toto, kasi samu di bana wu pheka, samu bene ba ngeyi; ¹⁰ ye biakulu bina biene kwe mene biene bi ngeyi, bina biene bi ngeyi biene phe bi mene; -phe yi monga nkembo kati di bawu. ¹¹ Yeko diaka mu n'toto, kasi bawu bene mu ntoto, yela phe kwe ngeyi. Tata wu santu, batila mu zina di ngeyi baakulu ba wu pheka, mu kusia ne ba kala kumosi neti beto ¹² Ha yi kala ye bawu mu n'toto, yi kala ba batilaaka mu zina di ngeyi. Yi ba batidi ba wu pheka, ye ha nkatu mutu kati di bawu ladi, kaka mwana di bunga wu diabulu, mu kusia ne disonamu di lungisama. ¹³ Bu ntwene yele kwe ngeyi, phe yeka hoya mambu ma mu kati di n'toto, mu kusia ne bakala kati di bawu ye kiesi ki mene kina kiene kibonga. ¹⁴ Yi ba hele ndinga ngeyi; mana n'toto ba kumisi ba mbeni; mu diambu beko batu ba n'toto, bwoso mene yeko mutu wu n'toto. ¹⁵ Yeka ku bondiloku ne wu bakatula ha n'toto, mana wu ba batila mu mambi. ¹⁶ Beko ba n'toto, bwoso mene yeko wu n'toto. ¹⁷ Ba kumisa ba san'tu mu masonga mangeyi: ndinga ngeyi yene masonga ¹⁸ Bwoso wu ntumi mu n'toto, mene phe yi ba tumi mu n'toto. ¹⁹ Yi di kumisi n'satu mene samu di bawu, mu kusia ne bawu phe ba kuma ba san'tu mu masonga. ²⁰ Keko samu di bawu kaka yeka sambila, mana phe ye bana ba kwikila mu zina di mene mu ma teya ma bawu, ²¹ mu kusia ne baakulu ba kuma kiima kimosi, neti ngeyi, Tata, wene mu kati di mene, ye bwoso yene mu kati di ngeyi, mu kusia ne bawu phe ba kala kima kimosi mu kati di beto, mu diambu ne n'toto ka kwikila ne ngeyi wuntumi. ²² Yi ba hele nkembo yi wu phele, mu kusia ne ba kuma kumosi neti beto, ²³ mene mu kati di bawu, ye ngeyi mu kati di mene, mu kusia ne ba kuma kima kimosi mu kati di ku bonga, ye n'toto phe kazaya ne ngeyi ntumi phe bazodi bawu bwoso nzodi mene ²⁴ Tata, nzodi ne hana yene mene ba phele ba kulu bakala ye mene, samu ba mona nkembo mene, nkembo yi pheele, mu diambu phele zola di ngeyi ku ntwala n'toto kasalama. ²⁵ Tata, n'toto ka kuyeboko; mana mene yi ku zeye, ye batu ba bazeyeke ne ngeyi ntumi. ²⁶ Yi ba tadisi zina di ngeyi, ye yi landa mu ku ba tadisa diaka, mu ku sia ne zola di wu nzodila di kala kati di bawu.