¹ Kukala ya mutu mosi ubela, Lazadi, wu betaniya, hata di Madiya ye malata, mpangi ngiandi. ² Kukala yandi Madiya wu n'kusi mananasi ma tsudi ku mfumu ye wu n'sukula malu ye nsuki zandi, ye kukala mpangiandi lazadi wu kala ubela. ³ Ba mpangi bandi ba n'tumi ke hoya kwe Yezu: Mfumu, tala, wuna zolaka ke wu bela. ⁴ Ku manima kuwa mambu mana, Yezu hoyidi: maladi mana meku mulufwa; mudiambu mena sambu dilukumu lu nzambi, Kubutsuki mwana Nzambi kabaka lukumu sambu di yandi. ⁵ Kinga lo, Yezu kazodiki Malata, ye mpangiandi, ye lazadi. ⁶ Hana kawudi na Lazadi kene kakala ubela, kasala diaka bilulbu biole ku kakeleke, ⁷ ye ka hoyaka mubunsuki kwe ba longoki : tukabu ku Yudeya. ⁸ Ba longoki ba n'kamba: Mfumu, ba juifs kiana kingilo, ba dingiki baku honda ku latadi, ma weka kabuka diaka ku Yudeya! ⁹ Yezu kabusi mvutu: Kweku ye ntangu kumi ye zole muki lumbu? Na mutu keka kangala mu mwini, kafwenoko ka tutana, mudiambu keka mona miesi mi tsi n'toto. ¹⁰ ma na keka kangala mu phiba, katutana, mudiambu miesi mieku ye yandi. ¹¹ Kumanima zi ndinga, ka kambaka: Lazadi, kamaladi dieto, nimbii; yin'vumbula. ¹² Ba longoki ba n'kamba: Pmfumu, nimbiki, ka guluka. ¹³ Yezu kakala hoyila lufwa lufwandi, mana beka kwikila na nimbi kilu. ¹⁴ Mumbala mosi Yezu ba kembe na : Lazadi fwidiki. ¹⁵ Ye, sambu di beno, kutsuka lwisa tambusa, yena mukiesi sambu kelehoko hakana. Mana twendenu kwe yandi. ¹⁶ Ku ngeyi Thomas, batelaka Didyme, ba kamba ba longoki ba hika: ntwendenu phe, mukusia na tufwa ye yandi. ¹⁷ Yezu, haka tudi, mwene na Lazadi ka kala tuka bilumbu biya muma ziami. ¹⁸ Mana, mudiambu Bétaniya dikele bele-bele ye galileya, ¹⁹ ba Juifs bingi bisa kwe Malata ye Madiya, muku ba zakadisa mudiambu di lufwa lupangi bawu. ²⁰ Buna kawidi malata na Yezu tudiki, kenda kuntwala yandi, mana Madiya dizakadisi kwandi n'mafu munzo. ²¹ Malata ka n'kamba Yezu: Pmfumu, na ukalani haka, mpangi mene kanka fwaku. ²² Mana butwene bwabu, nzeye na makulu ma lomba kwe Nzambi, Nzambi kaku heka. ²³ Yezu ka n'kambaka na: mpangi ngeyi ka futumuka. ²⁴ Nzeye, ka n'kamba Malata mvutu, ka vundumuka, kina kivundumuka ba mvumbi bakulu mukilumbu ki tsuka. ²⁵ Yezu ka n'kamba: yena kuvundumuka ye luzingu. Wuna kwikila kwe mene buka zinga, ata kakala ufwa: ²⁶ ye mutu wakulu weka zinga kwikila kwe mene kafwoko. weka kwikila mu mambu ma? ²⁷ Malata ka n'kamba: he, Pmfumu, yeka kwikila na wena Kristu, mwana Nzambi, wu fwete kwisa mutsi yayi. ²⁸ Buna kahoyi, wele kwenda, we n'tela mukitseki Madiya, mpangiyandi, ye ka n'kambaka: Pmfumu ke haka, mana keke kuhuila. ²⁹ Madiya buna kawudi, vumbuki mbala mosi, ye wele kukwe Yezu. ³⁰ Mana Yezu kakala katudieko ku hata, mudiambu kakala huma kansisa Malata. ³¹ Ba Juifs ba bakele ye Madiya muna nzo sambu diku n'didisa, buna ba n'mwene telemi ye kikesa kiakulu, ba n'lende bakulu, muku hoya na: wele ku maziamu, sambu ke dila diaka. ³² Buna katudi Madiya hakakala Yezu, ye n'mwene, bwidi muna malu mandi, ye ka n'kambaka na: Pmfumu, na ukalani haka, mpangi mene kakafwaku. ³³ Yezu, mwene Madiya yikudilaka, yandi ye ba Juifs ba n'lendeke, baki kizunguzungu, ye widi kiadi. ³⁴ Ka hoyaka: kwe lunsidiki? Pmfumu, ba n'hele mvutu, zosa za tala. ³⁵ Yezu didi. ³⁶ Munki ba Juifs beke hoya: tala buna kan'zodiki. ³⁷ Ba hika mukadi di bawu beke hoya: yandi wu umonisa kifwa meso, bwe kankondi sala mukusia na mutu kafwiku? ³⁸ Yezu widi diaka kizunguzungu mbala yizole, wele kumaziami. Kukala ku kitadi, mana bashidi kwo tadi kumwelu. ³⁹ Yezu ka hoyaka: lukatula tadi. Malata, mpangi mvumbi, ka n'kamba: Pmfumu, vundiki keke lubula tsudi, mudiambu tuka ba n'zikiki bilimbu biya. ⁴⁰ Yezu ka hoyaka: Yiku kembeko, na weke kwikila bu mona mamboti ma Nzambi? ⁴¹ Ba katudi tadi kumwelu. Yezu tuti mesu kuzulu, ye hoyi: Tata, yiku hele lukumu mumpila kabusidi mvutu. ⁴² Sambu di mene, nzeye na mpeka zi mvutu konso tangu; ma yeka hoya sambu di batu baba matsidi n'kati, mudiambu ba kwikila na ngeyi untuma mene. ⁴³ Buna ka hoyi bwabuna, ngani n'ndinga ngolo: Lazadi, lubuka! ⁴⁴ Ye mvumbi ilubukidi, malu ye moko ba kasa ye masengi, ye ku kilunzi ba jingi milele mikaseme. Yezu ka kembe na: lukangula, ye lunyambula kenda. ⁴⁵ Ba juifs bingi bisa kwe Madiya, ye ba mwene na kena Yezu, ba n'tambusidi. ⁴⁶ Mana ba hika be dinga ba mfarizi, ye ba bakembe makasadi Yezu. ⁴⁷ Mana ba Pmfumu ba bimenga ye ba mfarize ba ba vukani, ye beke hoya: bwe tusala betu? Mudiambu mutu keke sala bidimbu binkumbwa bwingi. ⁴⁸ Na ntuyambula kasalaka, batu bakulu ba n'tambusila, ye ba Romains bakwisa bebisa hata dieto ye tshiyetu yakulu. ⁴⁹ Mosi n'kati di bawu, Kayifa, wukala Pmfumu bimenga mvula yayina, ka ba kambaka na: lweko wako kima; ⁵⁰ lweke yinduloko mudiambu bima bina biena sambu di beno mudiambu mutu mosi kaka weka fwa sambi di tsi yakulu, ye lweka zola na tsi yakulu yi fwako. ⁵¹ Kinga lo, keka hoko mudiambu di yandiene; mana sambu kena Pmfumu bimenga yi mvula yayina, ka bikudi na Yezu kafwete fwa salbu di tsi yakulu. ⁵² Mana kukaloko sambu di tsi bawu kaka, kukala phe sambu dikuvukisa lutu mosi mu bana ba Nzambi benda. ⁵³ Muna kilumbu kiakina, ba hoyi na ntuhonda. ⁵⁴ Nkiakina Yezu kadi songidiku luki mwesa mutu kwe ba Juifs; mana kadi katudi hana baka bawu sambu dikwen zakala n'nseke yikala bele bele ye bawu, mu mwa hata batediki Ephraïm; ye hana, kazakala kwandi ye ba longoki bandi. ⁵⁵ Inkinzi pake ba Juifs kakuma bele bele. Ye batu bingi ba tsi bakala kwenda ku Yeruzalemi kuntwala pake, sambu badi sukula. ⁵⁶ Ba n'dingi Yezu, ye ba yandiki ko hoya bawu ye bawu munzo Nzambi: Sambu diki luvukani? Kakwisoko ku n'kinzi? ⁵⁷ Kinga lo Pmfumu bimenga ye ba Mfarizi ba hene n'tsiku na, na kwena ye mutu zeye kwe kena, kahoya, mudiambu ntwe n'kwata.