1
Ntangu yi bawidi ba mfwadisi na Yezu keke botika balonguki bingi kuhioka Zaa .
2
Ata makieleka Yezu keku yandiene wenda botiki, bakala balonguki bandi baye botiki.
3
Kakatuki ku yuddeea kamongi wele ku galilea.
4
Mu kati di yandi luzingu lu kala, ye luzingu lu kala mieesi mi batu.
5
Mieesi mi phelaaka mu ziphipa, ye zi phipa zi n'yembeko.
6
Ha kala ye mutu ba tumi kwe nzambi: Zina diandi di kala Yoani.
7
Kayisi mu ku sia ne ka sadila kimbangi, mu ku sia ne ka ta kimbangi ku mitsienzi, mu ku sia ne baakulu ba kwikila kwe yandi.
8
Ka kaloko miesi, kasi kisa samu ka ta kimbangi ku miesi.
9
Miesi mina mi kala miesi mi masonga, mina, mu kwisa mu n'toto, mi hene mitsienzi kwe batu baakulu.
10
Ka kala mu n'toto, ye n'toto ka salami mu nzila yandi, ye n'toto ka n'yebeko.
11
Kisa kwe batu baandi, ye batu baandi ba yembeko.
12
Mana kwe bakulu bana ba n'yembe, kwe bana ba kwikilaka mu zina di yandi, ka ba hele ki pfumu ki ku kuma bana ba nzambi,
13
bana ba butuka, keeko ne mu menga, keko phe mu luzola lu n'suni, keko phe mu luzolo lu mutu, kasi lu nzambi.
14
Ye ndinga yi kuma n'suni, ye Yi zingi kati di beto, yi baasa ye lutondo ye lasonga; ye ntu mwene nkembo yandi, nkembo mosi bwoso yi mwana mosi tuki kwe tata.
15
Yoani ka n'bikudi, ye ka yamuki: kene wuna phoyidi: wuna weka kwisa ku nima di mene kisii ku ntwala mene, mu diambu ka kala ku ntwala.
16
Ye ntu yembe beto kulu mu bu fuluki bu yandi bu pheve nzambi, phe mu ngolu samu di ngolu;
17
mu diambu n'tsiku ka hanami mu nzila Moyiza, ngolu ye masonga misi mu nzila Yezu Kristu.
18
Ha nkatu mutu wu n'mona kene nzambi; mwana mosi, wuna wene mu kati di tata, ye wuna wu n'tadisi.
19
Tala kimbangi ki Yoani, ba Yuda ha ba tumi ba tambiki ki menga ye ba nganga nzambi, mu ku sia ne ba n'hiula: Ngeyi, ne wene?
20
Ka hoyi, ye ka busiku, ka hoyi ne ka kaloko Kristu.
21
Ba n'hiudi diaka: Nki diaka? Wene Eliya? Ye hoyi: Yeko Eliya. Wene mbikudi? Ye hene mvutu: Lowu.
22
Ba n'kambi diaka: Ne wene ngeyi? Mu kusia ne ntu hana mvutu kwe batu bana ba ntu tumiiki. Nki hoyi ngeyene mu diambu di kutadidi?
23
Mene, hoyi, yene ndinga yina yeke yamuka mu tseke yi zelu: lu yidika nzila pfumu, bwoso ka hoya Yezaya mbikudi.
24
Batu ba batumi ba kala ba fadizia.
25
Ba n'hiudi diaka ngiufu yayi: nki kikuma bwa weka botika batu, ne weko Kristu, to Eliya, to mbikudi?
26
Yoani ba hele mvutu: Mene, yeka botika mu mamba, mana ha kati beno hene ye wuna lu yebeko,
27
wuna weka kwisa ku nima di mene; Yeko wu ku fwana mu ku sia ne yi kutumuna n'singa ma phaba ma yandi.
28
Mambu mana ma hioki ku betani, ku sambu di nzadi Yordani, ku ka botiki batu Yoane.
29
Kilumbu kina ki lende, n'mwene Yezu keka kwisa kwe yandi, ye hoyi: Tala dimeme di nzambi, di dieka katula masumu ma n'toto.
30
Kee yandi wu phoyidiki ne: kunima di mene kweka kwisa mutu wuna wutekisila, mu diambu ka kala ku thwala mene.
31
Yi n'zeeyeko ntete, mana mu kusia ne ka di songila ha Izalayele ne yisa botika mu mamba.
32
Yoani teele ki mbangi kiaki: Mbwene pheve yi tuki ku zilu yi kulumuki neti yembi phe yi telemi ha ntandu yandi.
33
Yi kala n'zayaaku, kasi wuna wu ntumi ne yi botika mu mamba, wanduna ka khambiki: ha nthandu wuna mona pheve yi kulumuki ye yi telemi, wanduna wu weka botika mu pheve santu.
34
Ye mene mbwene, phe theele ki mbangi ne kene mwana nzambi.
35
Ku nkielandi, Yoane ka kala diaka hakana, ye ba longoki bayandi boola;
36
Ye ha ka n'tadi Yezu wu kala hiokaka hoyi: Tala dilele di nzambi
37
Ba longoki bola ba n'wudi keka hoya ma hoya mana, ye ba lende Yezu.
38
Yezu baluki, ye mu ntangu ka ba mwene beka n'landa, ba kambi: Nki lu kwe dingi: Pfumu, kwe weka zingila?
39
luisa, ba kambi, ye lu tala. Benda phe ye ba mwene. Benda ye Ba kabuki buna benda, ye ba kala belebele ye yandi kilumbu kiakina. di kala mu ku tala tangu di zoola.
40
Andele, mpangi Siloni Piele, kakala mosi wubatu ba bawa ndinga Yowani, ye ba balanda Yezu.
41
Kukala yandi wumwene mumbala ntete mpangi Simoni, Ka n'kambaka: tu n'mwene Yezu.
42
Kumanima n'nete kukwe Yezu. Yezu ha kamwene, hoyi: Wena Siloni, mwana Yonasi; ba bamba kutela Céphas(kisongidila Piele).
43
Kimbasi-mbasi, Yezu kazodi kenda ku Galileya, ye n'mwene Phidipe. Ka n'kambaka: za ndanda.
44
Phidipe kakala Bethsaïda, di hata dia Andele ye Piele.
45
Phidipe n'mwene Nathanaël, ye n'kembe: ntu n'mwene mutu wu ka sonika Moïze mu mitsiku ye wu bahodi ba profeta, Yezu mutu Nazadeti, mwana Yoseph.
46
Nathanayedi n'kembe: fwene wisi ku nazareti kima kimosi ki mboti?
47
Yezu, mwene kweke kwisa kwe yandi Nathanayedi, hoyi sambu di yandi: tala mutu Izalayele, kuma ku konda nzasi.
48
Kwe nzayidi nge mene? n'kembe Nathayedi. Yezu n'hele mvutu: ha twala Phidipe kaku tela, ha kele kuna tsi n'ti, yiku mwene ke.
49
Natanayeli kabusi mvutu: ye n'kambi: Pfumu, wene mwana nzambi, wene ntotila wu izalayeli.
50
Yezu n'hele mvutu: Mu diambu yi ku samuni yi ku mwene
kele ha tsi n'ti bi bundu bi figu, kwikidi; mona bima bingi ku hioka biabi.