¹ Ntuzodi bampangi n'tulusongila, mamatadi dienga di Nzambi,didimonika ku zinzo zinzambi zi Macedoine. ² Muntangu yi zipasi zaakulu zibamwene, kiese kibawu ye buputu bubawu kwisa buta kimvwama kingi ki mamboti. ³ Yene n'temu mudiambu bahene mayele mabawu ye kuzaya kubawu kuhioka kitesu kibakala kiawu,pe luzolo ye luzolo lubawu lumbundu . ⁴ Pe kudila kwingi ban'tulombi n'tubaheka n'swa pe bakuma mu ndonga yayi yi bapangi baba vukanaka mu kimfumu ki babakwikila . ⁵ Makulu masalamoko buuna n'tukala yindulaka,ntete babeene badhene bwingi kwe mfumu, kunimakwe betu mu luzolo lu mfumu Nzambi . ⁶ Hakana n'tulombi kwe Tite kasala mamboti kwe beno bwoso kayandika ⁷ . Bwoso tomisa mu mambu makulu, ma lukwikilu ,mu ndinga, mu mazaya, ye kukwamina kweno mu lutondo lubenu kwe betu ,lusala lwenda kumesu mu mamboti makitoko . ⁸ Keku kulutuma holo n'siku yeke luheka, kasi yeke luhoyila bwo mu kusongila kitesu ki masonga ma lutondo lubenu kwe betu mu kufwanisa kwe batu bahika. ⁹ Bwabuna luzeye mamboti ma mfumwetu Yezu Kristu, ata kakala mvwama ,kadikulumuna putu mukusia ne kunima diyandi n'tukuma bamvwama. ¹⁰ Mudiambu di yiluhele dilongi dimosi mu kulusadisa, mvula m'vimba yiwene tuka hakana luyandika pe lusidi luzolo lumboti. ¹¹ Lumanisa kio bun'twene ,mukusia ne lukala ye kikesa ki kumanisa kio ,beno pe lwisa mu kusalama ku mambu bwoso lumwene ye ngolo . ¹² Ho lwene ye luzolo lukusala kisalu kiene, bwene bubunkete ¹³ Kasi nzodiku na kukala kiesi ku bahika, mana kukala bulu kwe bana, kasi kiadi salbu di benu. ¹⁴ kasi mu kufwanana bufwene bina biene bingi kwe benu bie bayikama bawu mu bina bikondi, beu pe bina bikonda ituka kwe bawu bisaluyikama pe mu kulingila bina bikondi. ¹⁵ Pe bwoso busonama na wuna wene biawu bingi bieku bingi bingi, wuna wene biawu binkeke bieku pe binkeke bwingi." ¹⁶ Mana Nzambi kahene matondi mingi mu pila yi mbundu Tito bwoso kasi pe kwe benu. ¹⁷ Samu katambusi kulendika kwene!, kakwisa kwe benu mu pila yandiene.! ¹⁸ Mana n'tweke n'hitika nzila mosi ye pangi mosi wulukumu samu dikulonga ndinga nzambi yipanzana mu mabundu makulu. ¹⁹ Ha nsukinoko hakana,kakala yebenu mukusia ne mamboti ma Nzambi mamonika mwakulu ye mamonika mana luzodi lusala lukabisa mo benu kulu. ²⁰ Ntweka zoloko na mutu katuhoyila mambu ma mbi kikuma kikuma ki kabu di kiesi di tukwe tonguni. ²¹ Ntwekwe sadi kikesa mukusia tusala mambu mamene mabunkete, keku kuntwala Mfumu kaka, mana ye kuntwala baatu. ²² Ntu hitikaka dihika pangi hika ye bawu. mudiambu ntu sadi yandi bwingi pe n'tu m'ekiki, kasi yandi kene ye luzolo lu kusadisa batu. ²³ mu diambu di Tite, kene mutu mene tusala yandi bisalu sambu di beno. Kikuma ki ba mpangi ba betu, Nzo Nzambi batumi, Bene baatu balukumu sambu di Kristu. ²⁴ Bwabuna luba songila zola dibenu, phe lusongila ku zinzo Nzambi kikuma ki lukumu lubetu sambu di benu.