¹ Beto kena ngolo, beto fwana simbidila yina ke yaku lebakana, ba yina kena yau ve, mpe na ku ki zola ve beto mosi.

² Bika beto nionso, beto zola ba mpangi ya beto samuti mambote na ntungulu. ³ Samuti Klisto yandi ku kizolaka ve, mutindu ba sonikaka : ba mvwezolo ya ba yina ke vwuezaka beno ku bwaka na munu. ⁴ Samuti, nionso sonamaka na ntama ya sonamaka samuti ku longisa beto, samuna kutatamama mpe mbombolo me pesamana beto na masonukwa beto ke na yau na kivuvu. ⁵ Nzambi ya ntatumunu mpe mbombolo pesa beno na ku baka nkalasani ya mbote na Yesu Klisto, ⁶ Samu na kintwadi na ndinga mosi, beno kembisa Nzambi mpe Tata ya Mfumu ya beto Yesu Klisto. ⁷ Na yau, beno yambasana, mutindu Klisto yambaka beno na ku kembisa Nzambi. ⁸ Na yau, me tuba, kana Klisto me kumaka kisielo ya bayina ke ku zengwa ve, samuna makedika ya Nzambi na ku siamisa ba nsilulu yina yandi salaka na ba tata ya beto, ⁹ Samuti bapaien ba kembisa Nzambi na nkenda n’andi na yina sonamaka : Na yau me ke yimbila nzitusu ya nkembo na nkumbu yange. ¹⁰ Diaka ya me tuba : Zitisa Mfumu, beno ban aya yinza nionso beno yangalala na bantu ya munu! ¹¹ Diaka mpe : Beno nionso bapaien, beno zitisa Mfumu, beno sanisina yandi, beno nionso bantu ya munu. ¹² Yesaya tubaka diaka : Ya ke bima na Isai musisa, ke telema na kuyala na bapaien, Bake tudila yandi kivuvu na bapaien. ¹³ Bika Nzambi ya kivuvu fulusa kiese mpe kiyenge na kiminu, samuti beno buka na kivuvu na lulendo ya Mpeve ya Nlongo! ¹⁴ Na yina me tadila beno, ba mpangi, me toma leka kiminu, ke beno me fuluka beno mosi na mambote mpe beno me fuluzwa na mayele na nzailu nionso mpe ngolo yaku lubasana. ¹⁵ Kasi, na ya nkaka, me sonikina beno, na ku bambula beno moyo na nlemvo yina pesaka munu Nzambi. ¹⁶ Na kuvwanda kisielo ya Yesu Klisto na bapaien na ntangu mu ke salaka kisalu ya Nsangu ya Mbote ya Nzambi samuti ba paien ba fwanda nkailu yak u zolakana, yak u biekwa ya nlongo na Mpeve ya Nlongo. ¹⁷ Mu kele na nsilulu ya Klisto Yesu na yin aya Nzambi. ¹⁸ Samuti mu koka ve na ku samba nionso yin aya nkaka, kansi yina Klisto salaka ve na nzila munu na ku nata bapaien na kutumamana, na mpova mpe na mavanga, ¹⁹ Na lulendo ya bidimbu mpe bimangu, na lulendo ya Mpeve ya Nzambi. Na yau, me lungisa Nsangu ya Mbote ya Klisto na Yelusalemi na ba yinsi nionso ya kinzungidila ti na Ililiko. ²⁰ Samuti me sadila ngolo na munu na ku tendikisa Nsangu ya Mbote na bifulu nionso, samu nkumbu ya Klisto tubulwa ntete ve, samuti mu tunga na lufulu ya ngana ve, ²¹ Mutindu ya sonamaka : Bayina ba samumunaka ve bake mona, mpe bayina kuwaka ve bake zaba. ²² Na yau munu ba mangaka kana ba mbala yikwa na ku kwiza na beno. ²³ Na ntangu yayi, mu vutuka baka kima mos ive lenda simbidila munu na ndambu yayi, mpe naku vwandaka mabanza ntama mingi na ku kwiza na beno, ²⁴ Na yau, mu kanisa na kulutila na ku mona beno na ntangu mu ke kuenda na spania, mpe kintwadi na bayina ke vwanda na munu, bosi muke lungisa nsatu ya munu na mua ntangu na ku vwanda na beno. ²⁵ Bubu mukena kuenda na Yelusalemi na kisalu ya banlongo. ²⁶ Samuti na Makedonia na Akaya ba zola lokuta mbongo samuna ba mputu kele na Yelusalemi. ²⁷ Samuti ba zolaka yau mpe ba fwuanaka sala yau, samuti bapaien ba bakaka na kintwadi na bima ya bau ya kimpeve mpe bafwana sadila bau na yin aya kinsuni. ²⁸ Na yau, kana me manisa mambu yayi mpe me pesa bau minkailu yina, muke kuenda na spania, mpe ku lutila na beno. ²⁹ Me zaba na ku kwiza na beno, mu ke kwiza na lusakumunu ya Klisto. ³⁰ Mu kena ku bombidila beno, ba mpangi na Mfumu ya beto Yesu Klisto mpe na luzolo ya Mpeve na kunwana na munu na lusambulu ya beno samuna munu na Nzambi, ³¹ Samu mu tanunwa na bankolami ya Yuda ,samuti mutindu ya minkailu me nata na Yelusalemi ya ndimama na banlongo, ³² Mpe samu mu kuma na beno na kiese na luzolo ya Nzambi mpe ku yangalala mpe luvundu ya kintwai na beno. ³³ Bika Nzambi ya yenge vwanda na beno nionso ! Amene!