¹ 1Polo, kisadi ya Yesu, bokulua ka na ku vuanda ntumua, pe vanguluaka na ku tendikisa nsamu ya mbote ya Tata Nzambi, ² 2yina ba tubilaka bana ntama samuna Tata Nzambi na ba ntumua na masonukua ya nlongo, ³ 3yina me tadila muana ( butukaka na dikanda ya Davidi na musuni) 4 ⁴ 4pe tubilaka Muana ya Tata Nzambi na lulendo mutindu Nlongo ya mpeve, na mfulukulu), na yandi na kati ya batu ku fwa, Yesu Klisto Mvulusi na beto. ⁵ 5na nzila na yandi beto bakaka nlemvo pe kisalu na kunata na nkumbu na yandi na lutumunu na kiminu na mpakanu nionso, ⁶ 6naki na bau beno diaka beno vuandaka, beno bokuluaka na Yesu Klisto, ⁷ 7na bayina nionso, kele na Loma, ba nzolakani ya Tata Nzambi, bokuluaka na kufuanda ya longo: bika nlemvo pe yenge ya Nzambi Tata na beto pe Mfumu ya beto Yesu Klisto ya pesama na beno ! ⁸ 8ya ntete mukena ku vutudila Tata Nzambi matondo na nzila ya Yesu klisto, samuna beno nionso, samuti kiminu ya beno ya zabakana na yinza ya mvimba. ⁹ 9Tata Nzambi yina mukena ku sadila na mpeve nsangu ya Muana na yandi, kele mpangi kele ntangu nionso muke bambukilaka moyo samuna beno nionso, ¹⁰ 10kuyuvuluka ntangu nionso na nsambudulu ya munu na kubaka luzolo ya Tata Nzambi na kubaka ntangu na ku kwiza na beno. ¹¹ 11Mukena nsatu yakumona beno samu naku pesa beno nkayilu ya nlemvo, ya mpeve samu beno siama, ¹² 12samuna, beto bombasana na kiminu beto kele na yau na kintuadi ya beto na beno. ¹³ 13Ba mpangi muzona beto bika zanga ku zaba, ti muvuandaka na mabanza yaku kuiza na beno na baka ba mbuma na kati ya beno mutindu mosi na makanda; kasi mukena ku kakudulua na yau ti na kilumbu ya bubu yayi. ¹⁴ 14Mukena mfuka na Eleni pe na ba nzenza, na batu ya mayele mingi mingi pe ba zoba. ¹⁵ 15Na yau mukena nsatu mingi na kupesa nsangu ya mbote na beno mpe kuna na Loma. ¹⁶ 16Samuti mu kele na nsoni ve na ku samuna Nsangu ya mbote: ya kele lulendo ya Tata Nzambi samuna mpulusu na konso mutu ke ndima, ya ntete na ba Yudayo, bosi mpe na mutu ya Elene, ¹⁷ 17samu ti na nzila na yandi lunungu ya Tata Nzambi me zabikinina na nzila ya kiminu pe samuna ku tunga kiminu na mutindu ya soniminaka : Mutu ya lunungu yandi ke kuiza zingila na kiminu. ¹⁸ 18Nganzi ya Tata Nzambi banda na zulu ke monisamaka na kununuanisa ba mambu nionso ya yimbi pe ku kondua ya lunungu ya batu nionso ke suekaka kedika, na mutindu ya lunungu ve, ¹⁹ 19pamba ve yina Tata Nzambi ke zabisaka beto yake monisamaka na yina Tata Nzambi ke salaka samu na bau. ²⁰ 20Samuti, bu nlongo ya ku koka ya Tata Nzambi, lulendo na yandi yina ke sukaka ve pe bunzambi na yandi, ke monanaka na meso, na ntangu beto ke monaka yandi salaka, banda yi nza salemaka. Balenda yambudulua ve, ²¹ 21pamba ve namanima yaku zaba Tata Nzambi bazitisaka yandi ve; kasi bau kukizimbisaka na mabanza na bau, pe na kuzanga mayele na mi ntima ya bau lozamaka na kitombe. ²² Ntangu ba kukitubilaka ve ke bake na mayele nkasi ba me kuma bilau.

²³ Bame balula nkembo ya nzambi yina ke bebaka ve, na kifuani ya muntu ke bebaka, ndeke ya zulu, kibulu ya makulu yi ya na bima kena kutambula na ntoto. ²⁴ Na yau, Nzambi bikila bau ba nzinunu ya ba ntima ya bau na nsumukunu, na ku kimonisaka nsoni na ba nzutu ya bau mosi.

²⁵ Yau yina sobaka kedika ya Nzambi na luvunu mpe bafukiminika mpe ku sadila bima ba salaka na kifulu ya yina salaka yau yikele ya kusakumuka mvula na mvula. ²⁶ Na yau Nzambi bikaka bau na nzinunu ya nsoni ya bau : samuti ba nkento ya bau me balulaka nsadulu ya kimuntu na yina ke ya kimuntu ve.

²⁷ Mutindu mosi mpe ba bakala bikaka nsadulu ya ba nkento ya kimuntu, bazinasanaka na ba nsatu ya bau ya nsuni, ba bakala kena kusala mambu ya nsoni bau na bau, ke bakaka na bau mosi difuta ya nzimbusu ya bau. ²⁸ Ba zolaka zaba nzambi ve na mayela ya bau, Nzambi bikaka bau mosi na mayele yin aya kufuana ve na ku sala yina ke ya kufuana. ²⁹ Ba fulukaka na ku kondwa lunungu, yimbi, ntima yimbi, nzinunu, ba mpaka na mabanza ya yimbi, ³⁰ Bantu ya ku nata ba mambu na yinsi na yinsi, bantu ya makela, ba zola Nzambi ve, ba mimvuezi, bantu ya kukimonisa, ntima ya nsoki, bake tumamanaka ba tata mpe ba mama ya bau ve ³¹ Ba yina kena mayele ve, bake zitisaka nguizani ve, ba kena kiadi ve ya muntu. ³² Ba zabaka ba minsiku ya Nzambi na ku salaka mambu ya mutindu yina ba me fuana na kufua, ba yina nionso ke salaka mambu yina bake sala kaka ve, bak e ndimaka bayina ke salaka mambu yina.