¹ Yesu bandaka diaka ku tubila bau na bingana. Muntu mosi kunaka bilanga ya vinia. Yandi zungidilaka yau na lupangu, yandi timunaka kikamunu, mpe yandi tungaka yinzo ya kuzangama ; bosi yandi bikilaka yau na bisadi ya bilanga ya vinia, mpe yandi katukaka na yinsi yina. ² Na ntangu yak u buka, yandi tindaka kisadi mosi na bisadi ya bilanga ya vinia, samu na kubaka ndandu ya mbuma.

³ Ba builaka yandi, mpe ba vutulaka yandi maboko mpamba. ⁴ Yanditindilaka bau diaka kisadi ya nkaka ; ba bulaka yandi na yintu, mpe ba vuezaka yandi. ⁵ Yandi tindaka ya tatu, yina ba kufuaka ; bosi mingi ya nkaka, yina ba bulaka to ba ku diaka. ⁶ Yandi vuandaka diaka na muana yandi ya kuzolakana mingi, yandi tindaka yandi na bau muntu ya nsuka, na ku tubaka ti: Ba ke vuanda na luzitu samu na muana na munu. ⁷ Kansi bisadi yango ya bilanga ya vinia tubanaka bau na bau: Talamvingidi ya difua yandi, difua ke vuanda ya beto. ⁸ Mpe ba builaka yandi, ba kufuaka yandi, mpe ba lozaka yandi na nkanda ya bilanga ya vinia. ⁹ Na ntangu yayi yinki mfumu ya bilanga ya vinia ke sala e ? Yandi ke kuiza, samu ba kufua bisadi ya bilanga ya vinia, mpe yandi ke pesa bilanga ya vinia na bantu ya nkaka. ¹⁰ Beno tangaka ve mambu yayi ya masonukua : Dibanga lozokua na bantu yina vuandaka tunga yau me kumaka yintu ya kifulu, ¹¹ Nde na luzolo ya Mfumu ya me kumaka pidi yina, mpe ya kele ngitukulu na meso ya beto e? ¹² Ba vuandaka sosa mutindu yaku buila yandi, kansi ba vuandaka mona wonga ya nkangu. Ba bakusaka ti Yesu tubaka kingana yina samuna bau. Mpe ba bikaka yandi, mpe ba kuendaka. ¹³ Ba tindaka penepene ya Yesu ndambu ya ba falisi mpe ba kilode samuna ku buisa yandi na ba mpova na yandi. ¹⁴ Mpe ba kuizaka tubila yandi : Nlongi, beto me zaba ti nge kele tseleka, nge kena mayindu na muntu ve, samu nge ke talaka na nganda ya bantu ve, mpe nge kena ku longa nzila ya Nzambi na tseleka. Ya ke kuandi luve na ku futa mpaku na Kaisali to ve ? Beto lenda futa to beto futa ve? ¹⁵ Lokola Yesu zabaka mbonokono ya bau, yandi vutudilaka bau : Samuna nini beno ke na meka munu ? Beno natina munu mbongomosi ya kisengo samu ti mu mona yau. ¹⁶ Ba natinaka yandi mbongo mosi, mpe Yesu yuvusaka bau : Yayi kele ilungi ya nani, mpe bisono ya nani e ? Ba vutudila yandi ya Kaisali. ¹⁷ Bosi yandi me tubila bau : Beno pesa na Kaisali yina kele ya Kaisali, mpe na Nzambi yina kele ya Nzambi. Mpe ba yitukaka na ntadisi na yandi. ¹⁸ Ba Saduki yina ke tubaka ti mfuluku kele ve, kuizaka pene pene ya Yesu, mpe ba tubilaka yandi: ¹⁹ Nlongi, tala mambu Mose sonikinaka : Kana muntu me fuila mpangi na yandi, mpe me bika nketo kele na bana ve, yandi lenda kuela nketo yina, mpe yandi ke buta samuna mpangi na yandi yina ku fuaka. ²⁰ Nzoka nde ya vuandaka ba mpangi nsambodia. Ya ntete kuelaka, mpe yandi ku fuaka yandi bikaka bana ve. ²¹ Ya zole bakaka nketo yina fuilaka bakala lokola nketo na yandi, mpe yaku fuaka yandi bika bana ve. Mutindu mosi na ya tatu, ²² Mpe mosi ve na bau nsambodia bikaka bana. Na manima ya bau nionso, nketo yango mpekufuaka. ²³ Na mfulukulu, nketo yango ke vuanda ya nani ? Samu yandi vuandaka nketo ya ba nionso nsambodia. ²⁴ Yesu me vutudila bau : Beno ke na nzimbalave, samu beno kena ku visa masonukua ve, ata lulendo ya Nzambi? ²⁵ Samu, na mfulukulu ya bafua, ba bakala ke kuela diaka ba nketo ve, ata ba nketo ba bakala ve, kansi ba ke kuma lokola ba mbasi na mazulu. ²⁶ Na yina me tala mfulukulu ya bafua, beno tangaka ve, na mukanda ya Mose, yina Nzambi tubaka na yandi, nayina me tadila yinti vuandaka pela tiya : Munu kele Nzambi ya Abalahami, Nzambi ya Isaki, mpe Nzambi ya Yakobi? ²⁷ Nzambi kele Nzambi ya bantu ya kufua ve, kansi ba yina kele moyo. Beno kena nzimbalaya nene. ²⁸ Mosi ya minlonguki, yina kuwaka bau kusala mpaka, zbaka ti Yesu pesaka mvutu ya mbote na ba Saduki, pusanaka, mpe yuvusaka yandi : Yinki nsiku ya ntete na ba nsiku nionso? ²⁹ Yesu vutulaka : Tala ya ntete : Kuwa, sadila Mfumu Nzambi na na beno, Yandi kele Mfumu mosi kaka; ³⁰ Mpe: nge ke zola Mfumu Nzambi na nge, na ntima na nge ya mvimba.

³¹ Tala nsiku ya zole: Nge ke zola mfinangani na nge lokolo nge mosi. Nsiku ya nkaka me luta ba nsiku yin aya nene yi kele ve. ³² Nsoniki ya minsiku me tubila yandi : Mbote, .longi, nge tubaka ya tseleka ti Nzambi ke kakamosi, mpe ya nkaka kele ve, yandi kaka, ³³ Mpe kuzola yandi na ntima nionso, na mabanza nionso, na muela mpe ya nionso, mpe na ngolo nionso, mpe kuzola mpangi na nge mutindu nge mosi, ya me lutila minkailu nionso ya kuyokua, mpe minkailu nionso ya nkaka. ³⁴ Yesu, monaka mutindu Nsoniki minsiku vutudilaka yandi mvutu ya mayele, me tubila yandi : Nge ke ntama ve na kimfumu ya Nzambi, mpe muntu ya nkaka vuandaka diaka ve samuna kupesa yandi guivula. ³⁵ Yesu tatamanaka na kulonga na yinzo ya Nzambi, yandi me tuba : Yinki mutindu minsoniki ya minsikuke na kutuba ti Klisto kele muana ya Davidi? ³⁶ Davidi, yandi mosi simbamaka na Mpeve ya Nlongo, tubaka : Mfumu tubaka na Mfumu na munu : Vuanda na lubakala na munu, ti muke kumisa mintatu na nge bidiatulu na nge.

³⁷ Davidi kena ku bokila yandi Mfumu ; yinki mutindu yandi vuanda muana na yandi? Mpe nkangu ya nene ya bantu vuandaka kuwa yandi na kiese. ³⁸ Yesu vuandaka tubila bau na malongi na yabdi : Beno keba na minsoniki ya minsiku ke zolaka kutambula na ba mvuela ya yinda, mpe ke zolaka ba pesa bau mbote na bifulu ya bantu nionso; ³⁹ Ke sosaka ba kiti ya ntete ya kuvuanda na yinzo ya lusambulu, mpe bifulu ya nkembo; ⁴⁰ Ke naku bebisa ba yinzo ya ba nketo me fuilaka ba bakala, ke salaka ba lusambulu ya yinda samu ti bantu mona ba. Ba ke sambisa bau kulutila kitezo. ⁴¹ Bosi,Yesu vuandaka na ntuala kitunga, samu na ku tala mutindu nkengu vuandaka tula mbongo na kati. Ba mvuama mingi tulaka mingi. ⁴² Mputu mosi ya nketo me fuilaka bakala kuizaka, yandi tulaka mbongo zole ya fioti fioti ya bisengo, yina vuandaka mosi na bitini ya mbongo. ⁴³ Bosi, Yesu bokilaka minlonguki na yandi, me tubila bau : Mu kena kuzabisa beno yau ya tseleka, mputu yayi ya nketo me fuilaka bakala me luta pesa ku lutila bau nionso tulaka na kitunga; ⁴⁴ Samu bau nionso tulaka yina kele ata mfunu ve na bau, kansi nketo yayi tulaka yina kele mfunu, nionso vuandaka na yandi samuna ku zinga.