¹ Yesu vutukaka kuna, pe kuendaka na kizunga ya Yuda na disimu ya nkaka ya nzadi ya Yodani. Nkangu ya batu kutakanaka diaka pene pene na yandi, pe mutindu vuandilaka kifu na yandi, yandi bandaka ku longisa bau mambu ya Tata Nzambi. ² Ba falisi kuendaka kutana na yandi, pe samuna kumeka yandi kana bakala kena inswa yak u katula nketo na yandi. ³ Yesu me vutudilaka bau : ‘’ Inki nsiku Mose sonikina beno ?’’ ⁴ Ba vutusaka : ‘’ Mose pesaka inswa na bakala na kusonikina mukanda ya kufua makuela pe ku katuka nketo.’’ ⁵ Na yina, Yesu me zabisa bau : ‘’ Mose sonikinaka beno nsiku yina samu na mbalu ya ntima na beno.’’ ⁶ Kasi na mbadukulu ya inza, Tata Nzambi salaka bakaka pe nketo; ⁷ Na yau bakala ke bika inzo ya tata pe mama na yandi, pe yandi ke kuenda simba kintuadi na keto na yandi, ⁸ Pe bau zole ke kuma nzutu mosi, na yau, bake diaka zole ve, kasi ba me kuma nzutu mosi. ⁹ Yau yina, mutu lenda kabula ve yina Tata Nzambi me sangisaka. ¹⁰ Ntangu ba kumaka na kati na inzo, minlonguki yuvulaka yandi diaka kuivu na ndambu yango yina. ¹¹ Yandi me zabisa bau : ‘’ Kana bakala me katula nketo na makuela, pe kukuela nketo ya nkaka, yandi me sala kinzuza na ntadisi ya nketo ya ntete. ¹² Mutindu mosi pe, kana me vambana na bakala na yandi, pe me kuela bakala ya nkaka, yandi me sala kinsuza. ¹³ Ba natinaka Yesu bimbana mbana samu yandi tudila bau maboko, kasi minlonguki sambaka batu yina nataka bau. ¹⁴ Ntangu Yesu me mona mambu yina, yandi futaka ntima, pe yandi zabisaka bau : ‘’ Beno bika bimbana mbana ba kuiza na munu, pe beno kakidila bau ve : samu ti kimfumu ya Nzambi me fuanana na batu ya mutindu yayi. ¹⁵ Ya kedika mu kena kutubila beno yau : Mutu yina ke yamba ve kimfumu ya tata Nzambi neti muana ya fioti, yandi ke kota kuna ve.

¹⁶ Bosi, yandi me baka bau na maboko na yandi pe me sakumuna bau na kutudila maboko. ¹⁷ 17. Ntangu Yesu vuandaka kuenda na nzila, nzutu mosi zaulaka fukamaka na ntuala na yandi, pe yuvulaka yandi : pe yuvulaka yandi : ‘’Nlongi ya mbote ; inki mu fueti sala samu mu baka moyo ya mvula na mvula ? ‘’

¹⁸ 18. Yesu me tubila yandi : samu na inki nge me bokila munu nlongi ya mbote ? Mutu mosi ve kele mbote kaka Nzambi yandi mosi.

¹⁹ 19. Nge me zaba mi nsiku : kusala kinzuza ve, kufua mutu ve, kutuba kimbangi ya luvunu ve, kusala yimbi na mutu ve, zitisa tata na mama na nge’. ²⁰ Mutu yina vutulaka : ‘’ Nlongi, mu tumamanaka minsiku yina banda kintueni na munu ‘’ ²¹ Yesu talaka yandi, zolaka yandi pe tubilaka yandi : ‘’ Diambu mosi me kondua na nge : Kuenda, tekisa bima nioso ikele na, pe kabula mbongo na mamputu, pidina nge ke bakila kimvuama na dizulu. Bosi kuiza, pe landa munu. ²² Ntangu yandi kuwaka mambu ya mutindu yina, kikongo fulukaka na ntima na yandi, pe yandi kuendaka na kiadi nioso, samu ti yandi vuandaka na bima mingi. ²³ Yesu talaka kinzungidila na yandi, yandi me tuba na minlongoki na yandi : ‘’ Yake vwanda mpasi na bayina kena kimvwama na ku kota na kimfumu ya Tata Nzambi.’’ ²⁴ Minlongoki yitukaka na mutindu Yesu vuandaka tubila pe yandi zabisaka bau diaka : ‘’ Bana na munu yakele mpasi na bayina kena kimvwama na kukota na kimfumu ya Tata Nzambi. ²⁵ Yame luta pete na kamela na kulutila na dibulu ya ntumbu ; kasi ya ikele mpasi na mutu ya kimvwama na kukota na kimfumu ya Nzambi. ²⁶ Minlonguki yitukaka diaka kulutila pe ba kuki yuvulaka bau na bau : Nani kuandi lendaka vuluswa e ? ²⁷ Yesu talaka bau pe tubaka : Na batu, ya lenda salama ve, kasi na Nzambi, mambu nioso lenda salama tii Nzambi ke lembakanaka ata diambu mosi ve. ‘’ ²⁸ Petelo zabisaka yandi : ‘’ Tala, beto bikaka bima na beto bikaka bima na beto nioso pe beto landaka nge ‘’ ²⁹ Yesu vutulaka : ‘’ Ya kedika muke na zabisa beno : mutu mosi ve ke bika yi nzo na yandi, to ba mpangi na yandi, ya babakala to ya ba nketo, mama na yandi to tata na yandi, bana na yandi, to bilanga na yandi samu na munu pe samu na nsangu ya mbote, ³⁰ ke kondwa ku baka, ku lutila ba mbala nkama, na ntangu yayu : ba inza, ba mpangi, ya ba bakala pe ya ba nketo, ba ngudi, bana, ba bilanga, na ba nzomono diaka, bosi, na ba mvula ke kwiza, moyo ya mvula na mvula. ³¹ Batu mingi kele ve na ntangu yayi batu ya ntete, ke vwanda batu ya nsuka, pe ba yina kele batu ya nsuka, ke vwanda batu ya ntete. ³² Ba vwandaka na nzila samu na ku kwenda na Yelusalemi, pe Yesu nataka diaka minlonguki na yandi kumi na zole pene pene na yandi, pe babandaka ku zabisa bawu mambu ke kumina yandi. ³³ Tala, beto ke kwenda na Yelusalemi sika bake yekula muana ya munu na maboko ya ba mfumu ya ba nganga Nzambi pe minsoniki ya minsiku. Bawu ke zengila yandi nkanu ya lufwa, pe bake yekula yandi na maboko ya ba mpakanu. ³⁴ Bake sekinina yandi bake lozila yandi madita, bake vula yandi binkuti, pe bake kufwa yandi, pe na manima ya bilumbu tatu, yandi ke futumuka. ³⁵ Yandi pe Yowane, ban aya Zebedayi, kwendaka pene pene ya Yesu, pe batubaka na yandi : ‘’Nlongi, beto zola ti nge sadila beto yina beto ke lomba nge. ‘’ ³⁶ Yandi yuvuluka bawu : ‘’Inki beno zona mu sadila beno ? ³⁷ Ba vutulaka : ‘’ pesa beto inswa ya kuvwanda, mosi na lubakala na nge, mosi na luketo na nge, na ntangu nge ke vwanda na nkembo na nge. ³⁸ Yesu zabisaka bawu : ‘’Beno kena kuzaba ve yina beno ke na kulomba. Beno lenda kunwa mbungu ya ba mpasi yina muke kunwa, to ku botama na mbotokolo yina me ke botama.’’ Ba vutulaka beto lenda. ³⁹ Pe Yesu zabisaka bawu : ‘’ ya kedika ti beno ke kunwa mbungu yina mu fweti kunwa, pe beno ke botama na mbotokolo yina muke botama.’’ ⁴⁰ Kasi, na yina me tadila kuvwanda na lubakala to na luketo na munu, yina yame tadila munu ve, kasi yake pesaka na bayina Nzambi kubikilaka yawu. ⁴¹ Ntangu kumi ya nkaka ya minlonguki kuwaka yawu, ba bandaka ku fwemina Yakobi na Yowane. ⁴² Yesu bokilaka bawu tubaka : ‘’beno ke kwiza ti mintwadisi ya ba insi ke talaka batu ba bawu na ngolo nioso, pe ba mfumu ke monisaka batu mpasi mingi. ⁴³ Kasi yake mutindu yina ve na kati na beno. Kana mosi na kati na beno, yandi fwana vwanda kisadi na beno. ⁴⁴ Pe mutu yina zona vwanda ya ntete kati na beno, yandi fwana vwanda kisadi ya batu nioso. ⁴⁵ Samuti, muana ya mutu kwizaka na yi nza samu ti batu sadila yandi ve, kasi samu yandi sadila batu, pe kupesa moyo lokola nkayilu samu na kukula batu mingi. ⁴⁶ Ba kumaka na mbanza ya Yeliko. Ntangu Yesu vwandaka bima na mbanza yina na minlonguki na yandi na nkangu ya nene ya batu, mpofo mosi na nkumbu ya Batime, muana ya Time, vwandaka vwanda pene pene ya nzila pe vwandaka lomba batu mbongo. ⁴⁷ Ntangu yandi kuwaka ti Yesu ya Nezaleti kena ku luta, yandi tubaka na ndinga ya ngolo : ‘’ Yesu, mwana ya Davidi, fwila munu nkenda.’’ ⁴⁸ Batu mingi vwandaka semba yandi bika makelele, kasi yandi vwandaka tuba diaka na kingolo nionso : ‘’ mwana na Davidi, fwila munu nkenda !’’ ⁴⁹ Yesu telemaka pe tubaka : ‘’ beno bokila yandi. ‘’ Ba bokilaka mpofo, pe ba zabisaka yandi : ‘’vwanda na kibakala pe telema, yandi kena kubokila nge’’ ⁵⁰ Mpofo lozaka kiyunga na yandi pe, yandi dumukaka pe kwendaka kiska Yesu vwandaka. ⁵¹ Yesu bakaka ndinga pe yuvulaka yandi : ‘’ nini nge zona mu sadila nge ? Mpofo vutulaka : Labuni, sala ti mu mona diaka. ⁵² Pe Yesu zabisaka yandi : ‘’Kwenda, kiminu na nge me belusa (vukisa) nge.’’