¹ Landila momo, kua kala nkembo wa ba yudayo ye yisu wa tombuka ku yelusalemi. ² Ku yelusalemi kuena, lukufi ye kielo kia ma meme, zinga kibokuduluanga muki ebelewo betesayida ye kiau kia kala nsampa mitanu. ³ Ndonga ya ayingi zi mpofo atembilanga ye a tontua mu malu ye zi nitu zau a kala lambalalanga kunsi a minsampa ye akala vingidilanga maza manikuka. ⁴ Kadi, mbasi a mfumu ya akala kulumuka ntangu mosi yi nikunanga maza. Wonso kulumukini wa ntete mu zinga vo maza manikukini, yandi wuniakanga, mu konso konso kimbevo kiwanukini yandi mu nitu. ⁵ Kuna kua kala muntu wa kala kimbevo kia nitu yayo ya tontua tezo kia mvu maku matatu ye nana tuka ka buila mu kimbevo kiokio. ⁶ Yisu vo ka mona wulambalala wayenda va kakala mu zola zaya bika ka ki kenina vana ntangu ya nda, yandi wa yuvula : "Nga zolele niaka e ? ⁷ Muntu wakala ye kimbevo wa nkamba : "Nlongi, kiena ye muntu ko lenda kundunguna mu zinga vo maza manikunu ye vonzolele tonta, muntu wankaka wukidibukidi tekila mono." ⁸ Yisu wa nkamba : "Telema kuaku, bonga luandu, ye diata." ⁹ Kiama kilu muntu wa niaka, yandi wa bonga luandu luandi ye wa yenda. Lumbu kiokio kia kala lumbu kia saba isa vo lumbu kia kala lembua saluanga kua ayuda wonso lumbu kia lumingu mu ntangua yayi. ¹⁰ Ayudayo a vova kua muntu ndioyo wa niakusua : "Lumbu kiaki yi lumbu kilembua saluanga evo nata lekua nga wuna luve mu nata luandu luaku." ¹¹ Yandi wa avutula : "Ndioyo wundiakisi ka nkembi, baka luandu luaku ye diata." ¹² Yau anyuvula : "Nani ndioyo muntu wu kunkembi vo baka luandu luaku ye diata ?" ¹³ Kansi ndioyo wa niakusua kazaya muntu wowo ko kadi yisu mu diambu dia ndonga ya saka vana wa yelumaka mu kinsueki. ¹⁴ Landila momo, yisu wayenda ku mona muna kinlongo ye wa nkamba : "Tala, ngeye niakusu ! Kuvutuki sadila dia masumu ko, mbasi kubu diludi mu nsisi ye diodio kadi kubuila." ¹⁵ Muntu ndioyo wayenda kamba kua ayudayo vo i yisu kuandi ndioyo wa niakisi. ¹⁶ Mu diambu diodio, a yudayo a tna zoma yisu kadi yandi niakisi muntu mu saba lumbu kilembua saluanga. ¹⁷ Yisu wa akamba : "Se diame wusalanga nate ye wawu ye mono mpe mfiti sala." ¹⁸ Ayudayo a tomba nzila mu ku mvonda kadi, ka diambu dia ka umuna lumbu kia saba kok, kansi diambu dia yandi wakala bokidilanga nzambi se diandi kibeni, ye yandi wa kifuanikisanga nga nzambi. ¹⁹ Yisu wa avutula : "Kedika mu kedika, muana kalendi vanga diambu mu yandi kibeni ko katula kaka diodio keti mona divengi se; Muanki dionso dieti vanga se, muana mpe wu salanga dio. ²⁰ Se dizolanga muana ye yandi wuku nsonga mamo makavanganga, ye wuna ku nsonga malutidi mu ye mama mpasi mua yitukua. ²¹ Kadi, wonso se ya kafulukisanga a fua ye ku avana moyo mu yandi kibeni, iwowo, muana wu vananga moyo kua wonso uka zolele. ²² Kadi se kamfundisanga muntu ko, kansi wava mfundulu kua muana. ²³ Mpasi vo, awonso a zitisa muana wonso wu azitisilanga se. Endu wulembua zitissanga muana ka zitisanga mpe se ko dia mfila. ²⁴ Kedika mu kedika, wonso wonso wu wanga mambu mama ye wu kuikilanga kua wa mfidisa, yandi wena ye moyo wa mvu ya mvuye kena bedusua ko, muansi yandi wuna vioka kulufua ye kuenda ku moyo wa mvu ya mvu. ²⁵ Kedika mu kedika, mono ngieti dio kulu kamba, ntangua yizidi, ye yena wawu, a fua ena wa ndinga ya muana wu nzambi ye wowo ena yo wa ena zinga. ²⁶ Wonso se wena ye moyo mu yandi kibeni, yi wowo, yandi wa wa kua muana moyo mu yandi kibeni. ²⁷ Ye se wa vana kimfumu kiandi kua muana mu fundisa kadi yandi wena muana muntu. ²⁸ Kanu yitukuani mu diodio ko kadi ntangu yi lueki kua awonso ena mu zi ndiamu ena wa nding'ani ena vaika, ²⁹ Wowo avanga mambote ku mfulukulu a moyo, kansi wowo avanga mambi ku mfulukulu ya mfundusu. ³⁰ Kilendi lenda sala diambu mono mosi ko. Kansi wonso wu ngiei wila, mono ngi fundisanga ye mfundusulu ami yena ya sungama, kadi kitombanga luzolo luame ko, kansi luzolo lua yandi wa mfidisa. ³¹ Vo mono ngina ta kaka kimbangi mu mono mosi, kimbangi kiame ka kina kala kia kedika ko. ³² Vana ye wankaka wu kuntelanga kimbangi ye kimbangi ki ka ku ntelanga kiea kia kedika. ³³ Yeno nua fila kua yowani antu, ye yandi wa ta kimbangi kia kedika. ³⁴ Muanki kimbangi kingi tambulanga ka kia antu ko. Mono ngieti vova mama, mpasi yeno nua vulusua. ³⁵ Yowani yandi wakala muinda. ³⁶ Kansi kimbangi kingi tanga kiluti munene ye ka yowani, kadi mavanga se ka mpana mu lungisa, mavanga ma yi lungisanga, ma ta kimbangi kiame vo se wa mfidisa. ³⁷ Se diodio dia mfila yandi kibeni wa ntela kimbangi. Yeno kanua wa nding'andi ko evo mona wu kenina widi ntangu mosi ko. ³⁸ Mambu mandi kama sikilanga mu yeno ko diambu dia ka nu kuikilanga kua wa mfidisa ko. ³⁹ Yeno mu fionguninanga masonukua diambu dia mubanzanga vo mu mau nuna bakila moyo wa mvu ya mvu, masonukua momo kaka maku ntelanga kimbangi. ⁴⁰ Ye kanu zolele kuiza kua mono ko mpasi vo lua lenda baka moyo. ^{41 42} Yeno mu fionguninanga masonukua diambu dia mubanzanga vo mu mau nuna bakila moyo wa mvu ya mvu, masonukua momo kaka maku ntelanga kimbangi. Ye kanu zolele kuiza kua mono ko mpasi vo lua lenda baka moyo. ⁴³ Mono ngia yizidi mu nkumbu a se diame, ye kanu zolele ku ntambulla ko. ⁴⁴ We nulenda kuikila, yeno nu tambudilanga nkembo wa antu ankaka nga vo weno. Kansi yeno ka nu tombanga nkembo wu tukanga kua nzambi yandi mosi ko ? ⁴⁵ Ka banzi ko vo mono, ngina kunu funda va ntadisi a tata. Vena ye muntu wankaka wu kunu fundanga, yi Mose endu nua tudila vuvu. ⁴⁶ Vo yeno nu kuikilanga Mose, nga nu fiti mpe ku nkuikila kadi yandi wa sonika mu diambu diame. ⁴⁷ Vo kanu kuikilanga maka sona ko, we yeno mu lenda kuikila ma mambu mame ?