¹ Yisu, vo kamana vova mambu momo wa sendula meso ku zulu ye wa vova : "Tata, lukula kifueni, kembisa muan'aku mpasi muana kaku kembisa. ² Wonso wu wa mvanina lulendo va zulu a nsuni miamio, mpasi mu vana moyo wa mvu ya mvu kua awonsono wowo awa muana, ³ Yi moyo wa mvu ya mvu mpasi aku zaya, ngeye nzambi yi mosi kaka ya kedika, ye endu wu wa fidisa Yisu Klisto. ⁴ Mono ngia ku kembese va ntot, ngia monisi salu yayo yi wa mpana. ⁵ Mu wawu, Tata, wunkembisa va wena mu nkembo wuna wateka kumpana tekila mpangulu a nza. ⁶ Mono ngia zayikisi nkumbu aku kua antu va nza wowo wuwa mpana. Antu wowo akala aku; ye ngeye waku mpana wo ye yau alunda mambu maku. ⁷ Ye antu wowo azeyi dio wawu vo bia bionsono bi wa mpana bia tuka kua ngeye. ⁸ Kadi, mono ngia a veni mambu momo ma wa mpana ye yau atambula mo ye a kuikila mu kedika vo mono ngia tuka kua ngeye, ye mpe vo yi ngeye wa mfidisa. ⁹ Mono ngi sambilanga mu diambu diau. Mono kisambilanga diambu dia nza ko, kansi mu diambu dia antu wowo wu wa mpana, kadi antu wowo yi aku. ¹⁰ Kia kionso kiame kiau mpe yi kialu, ye ngeye mpekia kionsono kiaku yi kiame mpe, ye mono ngi kuki kembisanga mu diodio. ¹¹ Mono kiena diaka mu nza ko kansi, yau ena mu nza, kadi mono ngieti kuiza kua ngeye, se dia nlongo, lunda antu wowo mu nkumbu aku, nkumbu yoyo yiwa mpana mpasi akala muntu mosi wonso ngeye ye mono, tuena muntu mosi. ¹² Mu ntangua yakala yau, mono ngia akembelenge mu nkumbu aku yoyo yi wa mpana; mono ngia akembelenge ye ka widi mosi nkutu ko wa vila, vo kayi muana wa nzimbukusu ko, mpasi vo masonukua ma lungana. ¹³ Wawu mono ngieti kuiza kua ngeye kansi muanki mono ngia akembi mambu momo vo tua kezi yau mu nza, mpasi yau mpe alenda tambula kiese kiame kia lunga mu yau. ¹⁴ Mono ngia akamba mambu maku, ye nza ya abela kadi yau ka ena yisi nza ko, nadede wonso mono mpe kiena muisi nza ko. ¹⁵ Mono kieti ku lomba ko vo mpasi wa akatula mu nza, kansi mpasi vo wa ba tanina va ntadisi a mambi. ¹⁶ Nadede, wonso mono kiena muisi nza ko, yau mpe ka wena yisi nza ko. ¹⁷ Wu ba bieka mu kedika kiaku, kadi mambu maku yi kedika. ¹⁸ Nadede wonso wu wa mfidisa mu nza ye mono mpe ngia a fidisa. ¹⁹ Mono ngia kivana mu diambu diau kidi yau mpe a vana mu kedika. ²⁰ Mono ngia ki vana mu diambu dia yau ko, kansi mpe kua wowo awonsono ena kuikila mu mono mu mambu mau ma bena kambanga mu mono. ²¹ Mpasi akala yau awonso muntu mosi, wonso ngeye, tata, wu wena mu mono, ye mono mu ngeye. Mono ngi sambilanga mpe mpasi akala mu yeto, mpasi nza ya zaya vo yi ngeye wa mfidisa. ²² Mono ngia avana nkembo wowo wu wa mpana, mpasi yau mpe akala muntu mosi, wonso kaka wu tuena ngeye ye mono, tuena muntu mosi, ²³ Mono mu yau ye ngeye mu mono, mpasi vo atoma kala muki muntu mosi; mpasi mpe nza ya zaya vo yi ngeye wa ntuma, ye ngeye wu ka zolangawonso wu wu kunzodilanga. ²⁴ Tata, antu wowo wa mpana, mono nzolele mpe akala va ngiena kala, mpasi a mona mpe nkembo ame, wowo ngeye wa mpana; kadi ngeye wa nzola tekila lufulu lua nza. ²⁵ Tata nadede, nza ka yaku zaya ko, kansi mono ngiaku zaya, ye mpe azeyi vo ngeye wa mfila. ²⁶ Mono ngia azayikisa nkumbu aku, ye ngina dio tatamana vangila, mpasi vo zola ku wena mu mono kua kala mpe kua yau, ye mono mpe ngia kala mu yau.