¹ Muanki, ngudi a nganga yayo ya bakua va kati dia antu wa tambua kua mu diambu dia antu mu sala salu kia nzambi, mpasi ka yokanga minkayilu kua nzambi mu masumu ma nkangu. ² Kadi wu diena vo yandi kibeni mpe wena walebakana yeku avengika. ³ Ye mu diambu diodio dia leka na kiandi yandi kibeni mpe kafiti yokila minkayilu mu masumu ma antu. ⁴ Kavena muntu ko lenda kuki vuika luzitu lolo, voka bokulua kua nzambi ko, wonso wa kala Alomi. ⁵ Ye Klisto mpe kaki vuika nkembo wowo mu kituka ngudi a nganga ko, kansi watambula nkembo wowo kua endu wankamba vo : Ngeye yi muana ame, ngiku wutidi lumbu kiaki. ⁶ Wonso wuka vovila dio mu minkanda mia nkaka : ngeye yi ngudi anganga mu lumbu ya yo, wonso wena Melesisedeki. ⁷ Yi yandi ndioyo, mulumbu biandi bikakadila mu nitu ya kinsuni, yandi wa sambila mu mbokolo za zinene ye mansanga mu songa ndombolo zani mu maniongo kua endu lenda ku nkula mu lufua ye endu wa vondua mu kondua bila. ⁸ Mpeleko yandi wakala muana, wa tumamana mu mambu momo ma kalungulua kuama, ⁹ Ye endu, vo kamana zangulua ye lungusua nadede, wakituka mu yeto awonsono tukuntumamananga ntakisi a mpulusu ya mvu ya mvu. ¹⁰ Nzambi wa mbieka ngudi a nganga wonso wena ndandani mu zingiadulu za MELESISEDEKI. ¹¹ Tu vuidi mambu mayingi ma mpova ma zulu a momo, ye mambu ma mpasi mu bangula, kadi nuayika kindimu mu mo visa. ¹² Yeno, ngala, tuka ntama nga nua kituka minlongi, kansi yeno nua kidi ye nsatu alongua diaka mambu ma ntete momo malembua manusua mulonga mu mampinda ma nzambi, nualaka mutezo kia zola vewa ma mfumina ye lembua zola dia yuma ya ngolo. ¹³ Kiongolo, muntu wawonsono wa kidi mu luzingu lua mvumina kena ye nzayilu ya mambu ma nzambi ma kedika; kadi yandi i fimuana muana. ¹⁴ Kansi yuma ya ngolo ya vangulua kua antu a kinda, wowo mfundusua ya kubukua mu suasisa biobio biena biambi ye biambote.