¹ Mu diodio, zimpangi zame ba nlongo, wowo akala ntuadi mu lubokolo lua Nzambi, a kuikila ntumua ye ngudi a nganga ya minu yi tueti vovila. ² Yisu, endu wa kala wa kuikama kua endu wa nyadisa, wonso wa vanga Mose wonso mu nzo andi yayo. ³ Kadi wa monika wa fuana mu nkembo wa luta mu nene ye wowo wa kala wa Mose wonso endu tungidi nzo lutidi mu nzitusu ye nzo yika tungidi. ⁴ Konso konso nzo ti tunguangua kua muntu, kansi endu watunga lekua yayonsono, i mzambi. ⁵ Mu Mose, yandi wa kala wa kuikama nzo yayo ya Nzambi, Wonso sadi, mu ta kimbangi mu momo ma fiti vovulua. ⁶ Kansi Yesu yi muana wena ye mbebe mu nzo a Nzambi. Ye yeto yi nzo ani vo tuna kibakala kieto ye vuvu kiena na kekete mu matu silanga vuvu. ⁷ I mudiambu diodio, wonsowu vovele Mpeve ya Nlongo : wunu kiaki, vo nu wilu ndingani, ⁸ Ka nu badisani ntima mieno ko wonso mu ntangua ya nkolomono mu ntangu yakala ntontolo mu nsi ya nkatu ⁹ Momo mayiza mu ntangu minkulu mieno vo andangumukina mu ku ntonta ye landila mvu makumaya ye amona mayavanga. ¹⁰ Wonso wowo, ya fuemina mbandu yoyo ya kamba: yau avilanga ntangu zazo mu mintima miau ye ka azaya nzila zame ¹¹ ko. Yi dina, ngiadia ndefi mu nganzi zame: ka ena kota mu luvundulu luame ko. ¹² Nu kikenga, zimpangi, mpasi vo ka mosi mu yeno wuna k ala ye ntima wa mbi wa mbalu, ntima wu kuki katulanga va ntadisi a Nzambi ya moyo. ¹³ Kansi nu siamasana yeno ye yeno lumbu ka lumbu, kiena vo diakambua vo:muntu kabadisi ntima ani mu luvunu lua masumu ko lumbu kiaki . ¹⁴ Kadi yeto awonsono tua kituka ntuadi mu Klisto, mpasi kaka vo tulenda toma simbidila na te ye kuna nsuka vuvu kitua tambula tuka mu ntonono. ¹⁵ Kadi tua kituka ntuadi mu Klisto, vo tulenda simbinina vuvu kieto nakekete mu yandi kia ntonono na te ye nsuka. ¹⁶ Anani wowo, mu kedika, awa ndinga nzambi, ye kolamana to, wana yi wowo kaka avaika mu nsi a ngipiti a tuadusua kua Mose ? ¹⁷ Ye mu yau Nzambi ka fuemina mu mvu maku maya, wena kua wowo wa volanga masumu, ye mvumbi zau za fuila mu nsi ya nkatu ? ¹⁸ Ye kua yau nzambi kadila ndefi voka ena kota ko mu fulu kiandi kia mvundulu. Vo kawa ko kua wowo a kolama ? ¹⁹ Mueni vo ka alenda kota ko mu diambu dia kondua kuau kua minu ye mbalu a ntima.