¹ Mu ntama, Nzambi wavova kwa akulu eto nkumbu zayinga ye mu nzila zayingi mu nwa mia mimbikudi. ² Mu lumbu yayi ya nsuka , Nzambi wakutu vovisa mu muan'ani wowo wukabieka , mvingidi a lekwa yayonsono. I mu yani Nzambi kasemina nza. ³ Yani i mbonokono a nkembo a Nzambi ye ye kizumunu kiani. Yani wusiamisanga va kimosi lekwa yayonsono mu mpova ya lulendo luani. Va kamana vedisa masumu wavuanda va lubakala lwa nzitusu a Nzambi muna kayengele. ⁴ Yani wakituka wawunene lutila zi mbasi ye wavewa nkumbu yilutidi mu nene lutila ya yawu. ⁵ Kadi kakwena widi mbasi yimosi ko Nzambi kavovila vo : Ngeye i muan'ami wunu kiaki ngieka S'aku? Ye diaka : si yakala Se kwa yani ye yani si kakala mwana kwa mono. ⁶ Ye Nzambi va ka fila mwan'ani mu nza, wakamba: mbasi zazonsono za Nzambi zifweti kunsambila. ⁷ Mu matedi zimbasi , Nzambi wakamba: I yani wukitulanga zimbasi zani zimpeve , ye yisadi yani minlaku mia tiya. ⁸ Kansi kwa mwana yani wavova: Kiandu kiaku kia kitinu, Nzambi , kisikilanga mvu ka mvu. Kitinu kiaku i kitinu kia lunungu. ⁹ Ngeye wuzolanga lunungu ya wubelanga mambi. Mu diodio Nzambi, Nzambi aku wakubieka mu mazi ma kiese lutila aniaku. ¹⁰ Ku mbadukulu, Mfumu, ngeye watula lufulu lwa ntoto. Mazulu mavangwa mu moko maku. ¹¹ mawu mena fuka kansi ngeye wuna sikila. Mawu mena nuna wonso mvuatu. ¹² Wuna mo bundika wonso yunga, ye mena sobwa wonso mimvuatu. Kansi ngeye kusobanga ko ye mvu miaku ka mina manisa ko. ¹³ Ye ka ntangu yimosi ko Nzambi kakamba kani kwa mbasi yimosi vo: vuanda va lubakala luami nate ye ngina kitula atantu aku fulu kiaku kia ntudidila malu maku ? ¹⁴ zimbasi zazonsono nga kazenani zi mpeve ko zi salanga ye tumwanga mu kuele sadisa wowo ena tambula mpulusu.