¹ Wawu , mu momo matedi zintangu ye zinsungi, zimpangi, kanuna nsatu a sonukunwa mu mambu momo ko. ² Kadi nutomene zaya yeno mosi, vo lumbu kia Mfumu si kiza wonso wukuizilanga muivi mu fuku ³ .Va ena kamba: luvuvamu ye tuna mu kondwa kwa wonga, kansi tu mbungulu ya naki biu yina ku abuila. Yina kala ya dedakana wonso miangala mia nkento wuna ye lukawu. Ka ena sala lenda nkutu mu tina ko. ⁴ Kansi yeno zimpangi, kanuena mu tombe kia kiankobo ko, kidi vo lumbu kiokio kia kunu yizila mu kintulumukina wonso muivi. ⁵ Kadi yeno awonsono nu ana a kia ye ana amuini. Ka tna ana a fuku evo a tombe ko. ⁶ Mu diodio ka nuleki ko wonso ankaka eti lekila,kansi tukaya meso ye nukiyala. ⁷ Kadi wowo ena aleka alekanga mu fuku, wowo akolwanga, akolwanga mu fuku. ⁸ Kansi wawu kina vo tu ana a muini, tukukiyala, tuvuata minu ye zola wonso nkaku a nitu, vuvu kia mpulusu kuntwala wonso nkaku a ntu. ⁹ Kadi Nzambi kakutu kubikila mu builwa kwa nganzi zani ko kansi tu i mu tambula mpulusu mu Mfumu eto Yisu Klisto. ¹⁰ I yani ndioyo wafwa mu kuma kieto, kidi vo kani vo tuena tuasikama evo tua leka, tuakala moyo va mosi ye yani. ¹¹ Idiawu, nu siamasana yeno ye yeno ye nutungasana yeno ye yeno wonso wunu vangilanga dio tuka ntama. ¹² Tueti kunu lomba, nu zimpangi, nubambukilanga moyo kwa wowo asalanga va kati kueno ye akunu tuadisanga mu mambu ma mfumu. ¹³ Tueti kunu lomba mpe mu toma ku azitisa mu zola mu salu ki asalanga. Nukala mu luvuvamu yeno ye yeno. ¹⁴ Tueti kunu bombidila, nu zimpangi : nu luengisa wowo eti zinga mu mvualangani,nu siamisa wowo ena a lebakana, nukindisa wowo akondolo ngolo, nukala ye mvibudulu kwa awonsono. ¹⁵ Nukikenga kidi vo muntu kavutudi mambi mu mambi ko. Kansi tu, nutatamana mu vanganga mambote va kati kueno ye kwa awonsono. ¹⁶ Nu yangalalanga ntangu zazonsono. ¹⁷ Nusambilanga ye kanu bebi ko. ¹⁸ Nu vutula matondo mu mamonsono. Kadi diodio i luzolo lwa Nzambi mu Klisto Yisu mu yeno. ¹⁹ Kanuzimani Mpeve ko. ²⁰ Kanuvuezilani zi mbikudulu koKansi nu fiongunina mamonsono. ²¹ Nukuyivana mu mena mambote. ²² Nutina nsadulu yayonsono yambi. ²³ Bika Nzambi ya luvuvamu kanu bieka nadede. Bika mpevieno, moyo , ye nitu yakondwa lusembolo nate ye ngizulu a Mfumu eto Yisu Klisto. ²⁴ Endu wakunu bokila wena wanlongo, i yani wuna dio vanga. ²⁵ Nu zimpangi, nukutu sambidilanga mpe. ²⁶ Nuvana mbote kwa zimpangi zazonsono mu mfibulu anlongo. ²⁷ Ngieti dio kunu dila ndefi mu nkumbu a Mfumu vo nkanda wawu wufuiti tangwa kwa zimpangi zazonsono. ²⁸ Bika nlemvo a Mfumu Yisu Klisto wakala ye yeno.