¹ Ngieti kunu lomba, ku ntuala mambu momo, mu sambila, nionguluka, minkunga, mvutudilu a matondo, ² Kua mintinu ye kua antu a zangama mu kimfumu ye nzitusu, mpasi vo tua nata zingu kia kondua mpasi, kia luvuvamu, mu kinkuikizi kiakio ye kedika. ³ Diodio diena dia mbote va ntadisi a Nzambi mvuluzi eto, ⁴ Wu zolanga vo antu awonsono afiti vuluzua ye luaka ku mbakusulu ya kedika. ⁵ Kadi Nzambi yimosi kaka yena, ye wawasi wa mosi vakati kua Nzambi ye Yisu Klisto. ⁶ Wa kivaa yandi kibeni wonso vaku mu awonsono. Kiokio yi kimbangi kia kambua mu ntangu andi, ⁷ Ye mu kiau mono ngia kitulua nlongi ntuamua, kedika ngieti vova, kieti vana ko, ngia vewa mbebe mu longila alembolo zaya Nzambi mu minu ye mu kedika. ⁸ Mono nzolele vo antu asambila vuma ya yonso, mu nanguna moko ma vedila, kondua kua nganzi evo ngindu zambi. ⁹ Nzolele mpe vo akento atoma vuata mu mvuatulu ya luzitu ya fuanakana, luyinunu, ka kukitomisa mu zinsuki za mpimpita ko, ka nlungu mia wola ko, ka minsanga ye yinkuti ya ntalu ko. ¹⁰ Kansi bika a kuki tomesa mu mavanga ma mbote wonso wu fuanane mu ki kento ena vumi kia Nzambi. ¹¹ Bika nketo k kula mu ntangu a malongi, mu luyinunu lua lonsono. ¹² Kieti vana luve kua nkento mu longila ko, evo baka lulendo kua yakala; kansi yandi kafiti kala pi mi kinlongo. ¹³ Kadi Adami wa vita vangua a ntete, yi mbosi Eva. ^{14 16} Ye ka Adami ko wa vukumunua, kansi yi Nkento, wa vukumunua, yandi wena nkombo yoyo ya kotila mpuku munu. ¹⁵ Yandi wuna vuluzua mu kituka ngudi, vo wuna tatamana mukala wa siama mu minu mu nkenda, ye mu ki nkuikizi.