¹ Mu ntangu yina kua vayika n'siku mosi wa Kayisala Angustu mu sonekesa bawonso bakala zinga vava n'toto. ² Nsonokono yoyo ya ntete yavangama kiokio Kilenio kakala n'yiadi muna zunga kia Silia. ³ Ikuma bawonso bayenda kisonekesanga, konso muntu Kuna mbanza ya yani kibeni. ⁴ Yosefi mpe watomboka tuka kuna Nazaleti nate kuna Ngalili, mu kuenda kuna yudayo, kuna mbanza ya Davidi yibokololuanga Betelemi; Kadi wakala mosi mu n'kuna wa kanda dia Davidi. ⁵ Bayenda ko mu kuenda kukisonekesa ye Maliya nzitikila ani, wakala ye lukawu. ⁶ Kiokio baluaka kuna, ntangu yoyo kafeti wuta yafuana. ⁷ Wawuta muana a yakala, muana a ntete, wan'zinga n'lele ye wan'tula muna dikilua kia bibulu, kadi kababaka fulu muna nzo za mviokela ko. ⁸ Mu zunga kiokio kaka muakala m'vungudi mia mameme miakala lekanga kuna mpatu mu langidila buka bia bulu biawu. ⁹ Mu kintumukina, Mbasi a Nzambi ya bamonekena ye n'kembo a Mfumu watemona kinzungidila kiawu; ye bamona wonga kibeni. ¹⁰ Mbasi yabazayisa: " kalumoni wonga ko, kadi yilunatini nsangu zambote, zozo ziyangidika n'kangu wawonso: ¹¹ " luwutulu, wunu kiki, mu mbanza ya Davidi, M'vuluzi ndondo wuna Klisto, Mfumu. ¹² Lutala dimbu sikialuvewa: " siluamona fimuana fia n'sedia fiatoma fikua n'lele ye fiatulua muna dikilu kia bibulu." ¹³ Mu kintulumukina, n'kangu wanene wamakesa ma zimbasi za zulu zayiza kulama kua Mbasi, zakala sanisina Nzambi ye zakala vova: ¹⁴ " n'kembo kua Nzambi muna kayengele, ye kiese vava n'toto kua bantu bana bazolakana kuayani." ¹⁵ Kunima, kiokio Mbasi za vutuka kuna nzulu, mim'vungudi miavovasana: " tuenda kuna Betelemi mpasi tuatala mavangamene ko, momo Mfumu katuzayisi." ¹⁶ Bayenda n'sualu kuna ye bawana Malia, Yosefi ye fimuana fia n'sedia fialekesua muna dikilu kia bibulu. ¹⁷ Kunima mona mawonso, bazayisa kua bantu mana batelua matadidi fimuana fiofio, ¹⁸ bawonso babawa, bayitukua mu mambu n'vungudi miakala kubazayisa. ¹⁹ Malia wakala yindula mambu momo mawonso kakala wa, wasimbinina mo mu kiese muna n'tima ani. ²⁰ Bosi m'vungudi miavutuka, bakala zitisa ye sanisina Nzambi mu mawonso bawa ye bamona bonso batelua mo. ²¹ Kiokio lumbu kia nana kiafuana, bazola wukisa kiyakala kia muana, bam'vana nkumbu ya Yesu, yoyo Mbasi kakivanina tekela kakala muna vumu kia ngudi ani. ²² Kiokio lumbu yakivelelesa yaluta, landila n'siku mia Mose, Yosefi ye Malia banata muana kuna nzo a Nzambi kuna Yelusalemi, mu kun'yekola kua Mfumu. ²³ Landila masonama mu n'siku mia Mfumu: " Konso muana yakala, muana a ntete, sikayekolua kua Mfumu." ²⁴ Bayiza mpe mu vana n'kayilu bonso diasonama muna n'siku mia Mfumu: " mayembe mole yevo bana babole ba mayembe." ²⁵ Kiongolo, vakala ye muntu mosi muna Yelusalemi, wakala ye nkumbu ya Simeoni. Muntu ndundu wakala walunungu ye wavelela. Wakala vingilanga lufiulusu lua Isaeli ye Mpeve a n'longo yakala ye yani. ²⁶ Yani wazayisua kua Mpeve a N'longo vo kalendi fua ko tekela kamona Mesiya wa Mfumu. ²⁷ Simeoni wayiza kuna nzo a Nzambi, mu lendo kia Mpeve a N'longo ye kina vo Se ye Ngudi banata muana Yesu mulungisa mana masonama mu yani, landila min'siku; ²⁸ Wan'tambula muna moko mani, wasanisina Nzambi ye wavova: ²⁹ " wuwu Mfumu, bika n'sadi aku kenda mu luvuvamu landila m'vovo aku. ³⁰ Kadi meso mamu mamuene mpulusu aku, ³¹ yoyo wakubika van'tuala a n'kangu miawonso; ³² n'temo mukuma kia nzayisu kua mim'pakanu ye n'kembo kua n'kangu aku wa Isaeli. ³³ Se ye Ngudi ani bakala yangalala mu momo bakala vova mu muana. ³⁴ Simeoni wan'sakumuna ye wavova kua Malia Ngudi ani: " muana yuyu wuna mukuma kia buisa ye telamesa bantu babidi mu Isaeli ye wuna bonso dimbu kifete tukisa ntantani. ³⁵ Mbele yaluyalu si yan'tobola muela mpasi vo mabanza ma n'tima mia bidi mamonekesua." ³⁶ Vakala diaka ye m'bikudi mosi wa n'kento nkumbu ani Ana, muana a Panueli wa kanda dia Aseli. Wakala watoma nuna. Kunima kilunda mulembi zaya yakala, wakuelua ye basala m'vu nsambuadia kakala ye yakala diani; ³⁷ Wasala fola mvula lunana ye ya. Kakala tatukanga ye nzo a Nzambi ko ye wasalanga kisalu fuku ye muini mu mbinunu a n'soki ye mu lusambulu. ³⁸ Muntangu yina kaka, yani wayiza kua yawu, wayantika mu vutula matondo kua Nzambi ye vovela fimuana muana kua bawonso bavingilanga nkululu ya Yelusalemi. ³⁹ Kiokio kamana lungisa mawonso masonama mu n'siku mia Mfumu, bavutuka kuna vata diawu dia Nazaleti, muna Ngalili. ⁴⁰ Muana wakala kula, ye wakala siama, wakala kula mu nduenga ye n'lemvo a Nzambi wakala yani. ⁴¹ Se ye Ngudi ani bayendanga konso kua m'vu kuna n'kembo wa paska kuna Yelusalemi. ⁴² Kiokio kalungisa m'vu kumi ye zole, batoboka kuna Yelusalemi kuna n'kembo landila kisinsi kiawu. ⁴³ Kansi kiokio lumbu yamana, ye bakala vutuka kuna vata Yesu muana wasala kuna Yelusalemi, kansi Se ye ngudi kabazaya wo ko. ⁴⁴ Bakala banza vo wuna ye bakuayani nzila mosi, badiata lumbu kia m'vimba tekala ban'sosa vakati kua mase ye bakundi bawu. ⁴⁵ Kina vo kabammona ko, bavutuka kuna Yelusalemi mu kun'sosa. ⁴⁶ Yi kunima lumbu tatu bayiza kun'solola muna nzo a Nzambi, wavuanda va kati kua balongi, wutakubawa ye kubadia yuvu. ⁴⁷ Bawonso bakala kun'gwa bayitukua mu ngangu zani ye mvutu zina kakala vana. ⁴⁸ Kina bammona bayitukua ye Ngudi ani wan'tela: " muana amu, nki wutuvangidi wowo e? Wa Mono ye Se diaku tutakusosa mu kiadi kia yingi! " ⁴⁹ Wabavutudila: " mudiambu dia nki luta kunsosela, kaluzeye ko vo mfete kala mu nzo a Se diamu e?" ⁵⁰ Kansi kababakusa diodio kakala kubazayisa ko. ⁵¹ Bosi wakulumuka yawu mu kuenda kuna Nazaleti, wabatumamana. Ye Ngudi ani wayangalala ye walundanga mawonso momo mu kiese kiayingi mu n'tima ani. ⁵² Kansi Yesu watatamana mu kula mu nduenga ye mu nitu ye watambula diaka n'lemvo lutila kua Nzambi ye kua bantu.