¹ Yuda, n'sadi a Yesu Kilisto, ye mpangi ya Yakobi, kwa bana babokelua, ban'zolua mu Nzambi Tata, ye balundua mukuma kia Yesu Klisto: ² Bika nkenda, luvuvamu ye zola bianieka kua yeno ³ Mpangi za n'zolua, bonso yatomene zola kulusonekena mu matadidi mpulusu eto yeto ya ntuadi, yabindamene mu vanga dio mpasi mu kulusiamisa mu nuana mu kuma kia minu kiokio kiavewa kua ban'longo mu nkumbu mosi kaka. ⁴ Kadi va kati kueno va kotele bantu bamosi, bobo luyalu luasonama tuka ntama, bankua mambi, basobanga n'lemvo wa Nzambi eto mu mbuangananu, ye batingunanga mfumu eto mosi kaka ye n'tinu Yesu Klisto. ⁵ Nzolele kulususumuna, kua beno lutomene zaya mambu momo mawonso, vo mfumu, kunima ya vuluza nkangu ye yakubavayikisa mu nsi ya Ngipiti, kunima wavonda bakodua minu; ⁶ bobo kakubika mukuma kia mfundusu ya lumbu kina kia nene, bakangua m'vimba m'vimba mu min'singa mia sengo mia tombe kia saka, mbasi zina kazalunda kadulu kia luzitu luawu ko, kansi basisa fulu kia luzingu lua yawu kibeni; ²² Lusemba ban'kaka bana betafila mpaka; ²³ Luvuluza ban'kaka, mu kuba katula kuna tiya; Ye kuaba n'kaka diaka lukala ye n'lemvo wabundana ye vumi, mu bela nate ye m'vuatu wa sumunua kua n'suni. ⁹ Kiongolo Mbasi yambuta Mikayeli, mu ntangu kakala telamena diabulu ye kafilana yani mpaka mu diambu dia nitu ya mose kameka nkutu kun'sadila m'fundu ya mfingulu ko, kansi wavova: "bika Mfumu katelamena" ¹⁰ Ye, Kansi nkutu, bawu betavova mu mfingulu mu mana kabazeye ko, ye betakitekanga mu mana batomene zaya bonso mangiantikilu. ¹¹ Kiadi kua bawu! Kadi bawu balende nzila ya Kayini, bakivana mu m'futu wa mvidulu ya Balami, bakividisa mu nkitumukunu bonso ya Kola. ¹² Bawu yi n'tesi mia masakuba muna ndilu zeno zakimpangi , bu bakisonganga bonso vo bambote, bakiyukutisanga bawu mosi kaka. Bena matuti ma kondua maza, manatumunuanga kua mupepe; min'ti mia mbangala miakondua m'butu, miafua nkumbu zole, miavuzua; ¹³ bena mayo mangolo ma m'bu, malozanga fulu-fulu dia mvindu awu; vangua bia n'temo biyungana, kua bobo tombe kia ngolo kiakubilulua mu m'vu ka m'vu. ¹⁴ Yi mukuma kiawu mpe Enoki, wa nsambuadi tuka Adamu, wabikula mu mpova ezi: " Tala, Mfumu wizidi ye mafunda ye mafunda ma ban'longo bani, ¹⁵ mu sala mfundusu ya bantu bawonso, ye mu tesesa mbalu kua n'sumuki miawonso vakati kuau mu mavangu mawu mambi bavanga ye mu m'vovo mia mfingulu miomio n'sumuki miambi miavova mu yani. ¹⁶ Bena bantu bavungutanga, bayawulanga mu mana makubaluakilanga, badiatanga landila nzinunu zawu, bobo bena ye m'vovo mia kitumpidika va nua miawu, basanisinanga bantu mukuma kia ndandu. ¹⁷ Kansi beno, ban'zolua, lubambuka moyo mu mambu mana makivovelua kua ntumwa za Mfumu eto Yesu Klisto. ¹⁸ Wakulutela Vo Muna ntangu ya nsuka, sikuakala ye mimvuezi simiadiata landila maloko mawu; ¹⁹ Yi bobo banatanga mpambani, Bantu bobo bayaluanga kua mabanza ma kimuntu, bakondolo mpeve. ²⁰ Kuabeno, ban'zolua,bu lukitunganga beno kibeni mu matadidi minu kieno kia n'longo kibeni, ye lusambilanga mu Mpeve a n'longo, ²¹ Lusikila muna zola kua Nzambi, muvingidila n'lemvo wa Mfumu eto Yesu Klisto mukuma kia moyo wa m'vu ya m'vu. ²² Lusemba ban'kaka bana betafila mpaka; ²³ Luvuluza ban'kaka, mu kuba katula kuna tiya; Ye kuaba n'kaka diaka lukala ye n'lemvo wabundana ye vumi, mu bela nate ye m'vuatu wa sumunua kua n'suni. ²⁴ Kiongolo, kua nduna lenda kutanina mu konso mbuilu, ye kunata va n'tuala a n'kembo ani wakondua mbi, ye mu kiese, ²⁵ kua Nzambi yani mosi, m'vuluzi eto, mu Yesu Klisto Mfumu eto, kuakala n'kembo, kimfumu, ngolo ye lendo, tekela ngiatukulu a ntangu zawonso ye wuwu, ye m'vu ya m'vu! Amene!