¹ Bana lutumamena ma Se meno bonso Mfumu, kadi diodio dina lunga. ² "Zitisa Se diaku ye Ngidi'aku" (yi n'siku wa ntete wuna ye nsilulu); ³ "Mpasi vo mawonso menda na yakiyaki kua ngeye ye wa zinga kua yingi vava n'toto." ⁴ Ye yeno Mase, ka lufuemesa bana beno ko. Kansi lu basansa mu luzitu ye mu mambu ma mfumu. ⁵ Nanga, lutumamana mfumu zeno za n'toto ye luzitu lua mpida ye zakama mukieleka kian'tima'aku. Lu batumamena bonso wu luvanganga kua Klisto. ⁶ Ka lubatumamena kaka ko mu ntangu mfumu zeno eti kulu tala, mu ku bayangidika, kansi lutumama bonso minnanga mia Klisto, luvanga luzolo lua Nzambi mu n'tima mia mbote. ⁷ Sadila ye n'tima aku wa wonso, bonso vo wuta sadila Mfumu ye ka antu ko. ⁸ Zaya dio vo, mu mambu ma wonso ma mbote mo muntu wa wonso ka vanganga, si ka tambula n'seno ani kua Mfumu, kakala nanga evo kimpuza. ⁹ Ye beno zi mfumu, luvanga wu mosi munanga mieno, Ka lubanuanisa ko. uzeye vo ndondo wuna Mfumu awu yi wa yeno mpe wuna mu mazulu. Luzeye vo kekuna ntalua zizi ko kua yani. ¹⁰ Mpasi luakivana mu Mfumu ye mungolo za wonso za lulendo, ¹¹ luvuata ya nduanina ya Nzambimpasi vo lua kala bafuana mu kuki tanina mu mambu ma satana. ¹² Kadi nkindu eto kayina mu n'suni ye mu menga ko, kansi yima mu mingiadi mia nza yayi ye zi mfumu za mpeve ye kin'tinu kia tombe, kitantu kia mpeve za mbi mu fulu ya zangama. ¹³ Ikuma luvuta yawonsono ya nduanina ya Nzambi mpasi lua kala basikalala mu kitantu, mu mambi, mu lumbu ya mbi. Vo lumene vanga mawonsono si lua telama na kekete. ¹⁴ Ikuma lu telama na kekete; luvanga mama vo lumene kanga kieleka mu n'kamba mia tuketo tueno ye nkaku ya lunungu. ¹⁵ Luvanga mama vo mene tula va malu meno nsualu mu longa n'samu wa mbote wa luvuvamu. ¹⁶ Mu mawonsono lubaka nkaku ya minu ye muyau lulenda bafuana mubaka madionga mawonsono ma kuikua mu mambi. ¹⁷ Ye lubaka zi mpu za mpulasu ye mbele ya Mpeve yena mpova ya Nzambi. ¹⁸ Ye tusambulu tua wonso ye ndobolo; lusambila ntangu za wonsono mu Mpeve. Ye muma banza, lu kaya meso ntangu za wonsono mu lukuikulu ye tusambulu mu minkuikizi miawonsono. ¹⁹ Ye lunsambidila, mpasi vo n'samu mosi wa mvewa, n'zibula nua. Lusambila kidi ya zayisa mu nzunzu ya wonso masuekamu ma n'samu'a mbote. ²⁰ Imun'samu a mbote ngina ntumua mu kati kua mbienga, mpasi mu yadi ya vova ye vuvu bonso mfeti mo vovela. ²¹ Kansi mpasi lua zaya diaka mabu mamu ye bonso wuna nginina. Tisiki, mpagi a zolua, yi munkuikizi a n'funu muMfumu, si ka kulu zayisa ma wonsono. ²² Yi m'fidi kua yeno mu diambu di mosi mu dina lua zaya mambu meto ye mpasi kabomba n'tima mieno. ²³ Bika luvuvamu lua kala ye zimpangi, ye zola, ye minu ya kala mu nkumbu ya tata Nzambi ye Mfumu yesu Klisto. ²⁴ Bika n'lemvo wakala ye bawonso be zolanga Mfumu eto Yesu Klisto mo zola kukondolo nsuka.