¹ Wawu kina vo yi nkole a Mfumu, gita kulu lomba mu diata wa lunga bonso lua bokelelua. ³ luzinga mu kukikulula kua yingi, kimpombo ye Mvibudulu. Luvibasana yeno ye yeno mu zola. ² Luvanga mawonso mafuene mu lunda kituadi kia Mpeve muzila ya luvuvamu. ⁴ Vena nitu yi mosi ye Mpeve yi mosi, bonso lua bokelelua mu vuvu ki mosi kia mbokololo eno. ⁵ Ye vena Mfumu yi moso, minu kimosi, mbotokolo yimosi, Ye ⁶ Nzambi yi mosi yi Se dia awonso, wuna va zulu a yawonso mu nzila awonso ye kua awonsono. ⁷ Kua konso muntu mu yeto wa muenua n'lemvo bonso tezo kia n'kayilu mu Klisto. ⁸ Bonso wa vova masonekua: kio katomboka muna mazulu, wanata bakangama mu kinkole, wavana min'kayilu kua antu. ⁹ N'ki di songele: " watomboka" savo wakuluka diaka ku nsi a n'totoe? ¹⁰ Ndondo wakulumuka yi yani misi kuani watomboka kuna zulu a mazulu. Wavanga momo mpasi kavanga mawonso. ¹¹ Klisto wa kayanesa n'kayilu bonso ebu: zintumua, mim'bikudi, n'samuni mia nsangu za mbote, mim'vungi ye min'longi. ¹² Wavanga diodio mu tula minkuikizi mukisalu kia ntungulu a nitu'a yesu Klisto. ¹³ Wuta vanga mampila yoyo nate ye yetua wonso tu kala mu kintuadi kia minu ye nzayilu ya Muan'a Nzambi. Wuta vanga ma mpila yoyo nate tu kituka ba mbuta bonso yawu balueke mu lungisa fuani kia Klisto. ¹⁴ Dina mpila yoyo mpasi katu kadi bonso bana diaka ko. Dina mpila yoyo mpasi vo ke tukadi zenge zengele eva ye kuna. Dina mpila yoyo mpasi vo ke tunatua diaka kua mpeve za wonsono ko za malongi, mu kimpa kia wantu ye wungudi ye kinkita kia mvidusu ko. ¹⁵ bosi tuvova kieleka mu zola ye kudila kua bawonso vantuala a yani wena n'tu, Klisto. ¹⁶ Klisto wabundikisa nito za mikuikizi miawonsono va kimosi. Zi yikulu mu kintuadi mu konso kua ndambu yi n'simbidi mpasi nitu ya wonso ya kala ya tungua mu zola. ¹⁷ Dina mpovele mama ye kulu longa mu mu Mfumu. Kalu lendi diaka diata bonso bapakanu ko, badiatanga mu wa wuzengi mu mabanza mawu. ¹⁸ Wawu bena tombe mu zayi wawu, ye bena ku mbazi a moyo a Nzambi mudiambu dia kondua kua zaya kuna mu yawu mudiambu dia mbadusu'a n'tima miawu. ¹⁹ wawu bakondolo nsoni bakiyekula mu zinunu za vanga nsumukunu za wonsono mu vema. ²⁰ Kansi ka ma mpila yoyo ko tua wila ma vovelua Klisto, ²¹ Nkuikidi vo lua longua mu yani bonso wuna kieleka mu yesu. ²² Lufueti katula mamo mena mu mavanga ma ntama, muntu wa ntama yivisuanga kua nzinunu za luvunu. ²³ Kansi lukituka lua mpa mu mpeve ye diela dieno. ²⁴ Luvuata wampa wuna bonso nzambi wa vangua mu lunungu ye n'longo wa kieleka. ²⁵ I kuma, lu bemeka ma mbi, luvovasana kieleka konso muntu ye mfinangani ani, kadi tuna tu ndambu za ntuadi. ²⁶ Vu lufuemene, kalunati masumu ko, kalu lundi nganzi nate nkokela ko. ²⁷ Ku vani zila kua diabulu ko. ²⁸ Konso Nduna yiyidi mu wuwu, kavutuki yiya diaka ko, kansi ka sala ye vanga mu moko mani, yina ya mbote mu mpasi kala ye yi kafeti kaya kua bena nsatu. ²⁹ Kadiambu di mosi dia mbi ko di feti vayika mu n'nua nieno ko. Kansi mena mambote ma ntungulu a ban'kaka ma fuene mu vana n'levo kua awanga. ³⁰ Ye kalu vani kiadi kua mpeve a n'longo ya nzambi ko, yi lua silua dimbu nate ye lumbu kia nkudilu. ³¹ Lu katula ndudi ya wonsono, nganzi, min'zonza, fingu ye mambi mawonso mpe. ³² Lukala bambote yeno ye yeno, lukalasa n'lembami mia n'tima , luvanasana ndoloki yeno ye yeno , bonso mpe Nzambi wa lu loloka mu Klisto.