¹ Vo yi yeno, lua kala lua fua mu ntulumunu zeno ye masumu meno. Mu momo lua diatidingi muntama, landila n'sinsa wa nza yayi. Lua kala diatilanga mu lutumu lua n'kuluntu a mfumu za kayengele. ² Yi mpeve ya ndondo yuta sala mu wana a nkolameno. ³ Yeto awonso mu ntangu'a ntama tua kala va kati kua yau ba kondua lukuikilu. tua kala vanganga luzolo lua nitu ys lua mabanza. tua kala wana ankua wambi, bonso ban'kaka. ⁴ Kansi, Nzambi vuidi n'lemvo wayingi mudiambu dia nzola'ani yayingi yi ka tuzola. ⁵ tua kala tua fua mu ntulumunu zetu, yani wa tunata mu luzingu lua mpa ntuadi ye yesu Klisto. Yi munkenda lua vuluzilua. ⁶ Nzambi ya tu futumuna kintuadi ye wantu vuandisa kintuadi muna kayengele mu Klisto yesu. ⁷ Wa vanga wo mpasi vo mu mandu zi kuiza ka tusongela kimvuama kia yingi kia n'lemvo ani. Wuta dio kutu songa mu nzol'ani mu klisto yesu. ⁸ Kadi yi mu n'lemvo lua vuluzilua mu minu, ye diadi kadi kadi tukidi kua yeno ko, yi n'kayilu a Nzambi. ⁹ Ka mu mavanga ko, mpasi vo muntu kaki tumpidika ko. ¹⁰ Kadi tuna vagua ya Nzambi, tua semua mu yesu Klisto mu vanaga ma mbote, mpasi tua dita mu mawu. ¹¹ Lubambuka moyo muntama kalua kala mayuda ko mu nitu.Yeno lubokololo balembizangua kua kiokio ki bokololo kia zengua mu n'suni wa nangua kua antu. ¹² Kadi mu ntangu yina luakala lua vambana ye Klisto, luakala banzenza kua kanda dia Isayeli. Luakala zinzenza mu mbundani za nsilulu.Ka luakala kutu ye sikididi wa lumbu ya ku n'tuala ko. Luakala kondua kua Nzambi mu nza. ¹³ Kansi wawu mu Klisto yesu yeno lua kala mu ntama lua tatuka ya Nzambi, lua finamesua kua Nzambi mu menga ma yesu Klisto. ¹⁴ Kadi yani yi luvuvamu lueto. Wavanga mun m'zole mosi. Wa tengula mu nitu'ani yaka kia kala kia luvambanu, kia kala kutu vambanesanga, yi n'kaku. ¹⁵ ISavo yani wa vunsuna n'siku wa zinsikudusu ye mina mia sonukua muvanga muntu wa mpa mu kifuani kiani kibeni. ¹⁶ Yani wavanga dio mpasi kawawanesa n'kangu miole mia Nzambi mu nitu mosimuna kuluzu.Muna kuluzu wa luakisa mbi kulufua. ¹⁷ Yesu wayiza ye walunatina luvuvamu kua yeno lua kala kua nda, ye luvuvamu kua yawu bakala lukufi. ¹⁸ Kadi mu yesu, tuna ys ntotolo zole kua Se mu mpeve mosi. ¹⁹ Ikuma yeno kaluna ba Yudayo ko, kaluna diaka bantu ba kumbazi ko yevo zinzenza. kansi luna m'vue mia nsi, ntuadi ye bobo batulua vambela mukuma kia Nzambi ye bantu ba kanda dia Nzambi. ²⁰ Yeno tungua va lufulu lua zintumua ye mim'bikudi. Klisto Yesu wa kala yani ki beni tadi dia lufulu. ²¹ Muyani ntungulu ya wonso yena ya yikakana vamosi ye yita vonga bonso Tempelo mu mfumu. ²² Yi muyani yeno mpe muta tungilo ntuadi bonso vundulu kia Nzambi mu mpeve.