¹ Ba tekese ba zitisi ba ntuadisi yi ba mfumu, mu ku bazitisi yi ku kala kifulu ki mosi mu ki sala kimboti kia kiso. ² Ba tekese aba vuensa ka baata, kaba saaka paaka, ba nzingi pili i mboti yi ba kuene yi ku monoso ku kikulumusu ku baata babaso. ³ Diama, beete siki, tu kari katu wiri mutu ku yi ku koono lu zitu. Tu kari tu viri nzili yi ku tana ma mbi yi biesi bi tsi. Tu zingi mu mambi yi ku lulu. Tu yini sini wu beete yi beete. ⁴ Kansi taangaa ku moniki ma mboti yi luzolo lu Nzaami u beete mvulusi mu baata. ⁵ Nde a ka tu urisi, ka mu diama di maama ma mboti ki beete tu sari, kansi mu diama di ngebe ani ka fu urisi mu nzili mbotoko di ku butu ku pâa yi ku kitiki di pehefe longo. ⁶ Nzaami u kabisi bu buingi pehefe-santu mu beete mu Yesu-klistu mvulusi. ⁷ Nde ka sari buabunu katu yikili beete mu ngebe ani, tu kala ba nga vufu di moyo mu yi mvu. ⁸ Tsanga yi ye yi ki vulu. Me nzori nge u moko yi ki vufu mama tari maama ma, musa vo babakwi kilau mu Nzaami balana yi kusalala maama m mboi ku ndumi bau. Maama ma me ma mboti yi i mfumu ku baata. ⁹ Kansi ku zolo ko kusa paaka bu zobo, yi ku taanga ba kaaka yi ku yumene yi ku kuunu wisene ku misiki. Biabini bie bimi bi paama yi bi kooni mfunu. ¹⁰ Kataka nge, tuku ku kebese ku teete yi kuku zori, ku konso mutu u nata ku kabasa mu kaata beene. ¹¹ Zaya vo mutu wunu u katiki mu nzili mboti yi ku sala masumu yi gâha ndolo nde kibeniki. ¹² Bu i kutumunu Artemasi kani tusiki sa ngolo ya wisi usu nguanese ku Nikopolise, ku nzari i meke kwakunu mu taangaa kiosi. ¹³ Saa ngolo u mfirisi zanasi, u zayi mbwengi misiki, yi Apolosi mu ku sa kaba koono kimiki. ¹⁴ Baata ba beete ba fuete zaya mu kusalau maama ma mboti mu ku songoono bisala bi mfumu. ¹⁵ Baba s be i me ba ku firisi mboti. Gâa babaso ba tu zola u mu lu kwikili. yamana ngebe Nzaami ikala ku beene ba so.