¹ Bunu mboni ku koko diki tata di wunieki akiti kiki Mfumu mukana basoniki kaati boso kunzili. ² Mboni wanzio wu ngolo wu zonsi dingi ngolo : Nawe wu fuana kavili mukana ³ Kaata mutu kuzulu keni aha tsi mutoto wukari yikikese kiku vili to katanga mukana. ⁴ Andiri kibeni diama kaata mutu wu viri mukana to ku tanaga. ⁵ Kaansi mosi wu bibobo aka mbokini : Ku diliki ! tala koonsi kana di ba Yuda mu losi diviri, wu nungi keyi ngolo ki vili mukana ⁶ Akiti kiti kiki Mfumu yi mioyi miya yi bibobo mboni muana di meme wukari ahana kukari tanaga kumu ohono kakari yi Corine tsamburi yi mese tsambuari yikari pehefe Nzaami yi tumimi a tsi mutoto. ⁷ Aba pusini akabongi buku di kari akoko diki tata di mbawu aka nieki akiti. ⁸ Tanga ku bongi buku bahata ba moyo baya yi ba mbutu maku molo yi ya abafukimi andumi nde mosi mosi kakari yi kidari yi longo di wolo di furi mu malasi biana bie bisamabi bahata ba santu. ⁹ Bayimi mukungu wupaa ! nge we mutu fuana muku bongo buku di siki yiku katala bidimi bie muana diama kari baku honi mumenghe maka kari basumi bahata bengi bamakana mamaso yi bikolo biabiso ba mohata mamaso. ¹⁰ Wu ba ku misi kimi kiki mfumu banganga ba Nzaami babasalala Nzaami wete ba ba natasa tsi. ¹¹ Ku tsuku ngui yi mboni mandingi ma bahata ambele kiti kiki Mfumu , yi bahata ba moyo yi ba mbutu taala bawu yi kari kama yi kaama ba zonsi baterimi ambele kiti. ¹² Ba zonsi mundingi ngolo muana di meme wu ba honi ka kari mutu wu fuana muku baka luku muyi ngoloyiki mvuma yi nganga. ¹³ Me ngwisiki biori bi bimi biabiso ku yiri Nzambi ku zulu, gâhâ mutoto, ku tsi mutoto siki ikunu nzari nene; biabiso biyimi bwabu:«Ngolo, lukumu yi nkeme yi kala ku mutu nieki a kiti ki kimfumu ki mwana-meme, bilumu biabiso!». ¹⁴ Ba Sheribe baya aba vutiri :«ku kala bwana!». Siki ba mbutu-muntu aba fikimi luse wau mutsi.