¹ Ku nimi, wanzio aka tsongini nzari nini u masa ma luzingi, ma peemi boonso tari di Krisitali, masa mana ma lutu i kutu ku kiti ki kimfumu ki Nzaami yi mwana di meeme. ² Masa ma nzari nene ma luti akati ki bala-bala di vulu, ku koonso ndama i nzari nene ku kari i muti u luzingi, kabuta wu mitini kumi i zolo di bibunu ye nde muti wunu ka gaha bibunu biani koonso ngooni makana ma muti wunu me mu ku uhulese makana ma bahata. ³ Ka ku kala i lusingini lu mosi ki, kiti kiki mfumu ki Nzaami yi mwana meeme ki kala mu vulu dini ye bisari biani muku mu salala. ⁴ Ba uwu sa ba mono luse lwani ye zini diani sa dikala atana luse lwau. ⁵ Ka kukala i pihibi ki, nzala muteme ka i kala ka u mwini kani muteme tanga, diama mfumu Nzaami kaka muteme ku bawu sa ba yala mvu yi mvu. ⁶ Wanzio aka mbokini : Mandingi ma me mana-mana ye makieriki; mfumu Nzaami u zi pehefe yi ba mibikiri tumi wu wanzio'ani muku soongono ku bisari biani maama-masalama ataamaka. ⁷ Tala, me i kwisi ku sari taamaka lusakamana lu kala ku mutu uzitisa wu mandingi ma kisakiri ki mukana wu. ⁸ Me, Yoane, me ngie mutu u wi yi ku mono maama ma, bunu i ma wi yi bu i ma moni, me a mfukimi a ndumi mala ma wanzio muku musamana, a wanzio u tsangini maama-mana. ⁹ Nde aka mbokini : Kusala ka bwabunu! me siki ngie mu mkwena ka u kisala mu diama di nge, bi buti biaka mi sakiri ye baba zitisa wu mandingi ma mukana wu samana Nzaami ¹⁰ Nde aka mbokini : Ku ku swekeke mandingi ma kisakiri ki mukana wu, diama taanga ye a mbele-mbele. ¹¹ Mutu ndeso usala ma mbi, kalana kaka muku sala mutu ubebi mu mambi kakala kaka u bebe mu mambi mutu usala mboti ka sala kaka mboti, mutu wé mu kisanta ka zingini kaka mu kisanta. ¹² Tala, me ikwisi ku sari taama ka! mu sene me kakala i mekibeni ki muku gaha koonso mutu boonso bu kwé bisala biani. ¹³ Me ngie alfa yi omega, u teete ye u tsuku, luyantiki ti tsuku. ¹⁴ Ma lusakumunu makala ku bahata baba sukiri milele miawu muku baka mu swa badia bibunu bi muti moyo yi ku kooto ku vulu mu miele. ¹⁵ Ku nzili kwe yi ba mbwa, bahata basaala maama ma mbi bahata bataa bizumu, ba ndoki, bahata ba gohona bahata, bahata ba samana mikisi yi biteki yi koosno mutu u zolawu yi ku sala mapia. ¹⁶ Me, Yesu, me ntumi wanzio ama kese lutele kimbangi ki maama-ma matari mabunu, me ngie mwana lusili u Nzaami yi mutekele Daviri, mbwetete u teene kau misuku. ¹⁷ Pehefe yi mukehete aba moki: Ya wisi mutu u wi ka moko : Ya wisi! Koonso mutu uwi nzala masa, nde kese, ye wunu zori kese boongo masa ma moyo ma kahata . ¹⁸ Me i tee kimbangi ku koonso mutu u wa mandingi ma kisakiri ki mukana wu, gôho mutu yiki kimi ki !osi, Nzaami sa kamu yikili mandolo masonimi mu mukana wu. ¹⁹ Gôho mutu katiri kimi ki mosi mu mandingi masonimini mu mukana wu, Nzaami siki ka fwete mukatala ndama kaba di muti moyo yi vulu di ki santa, kusonimi mu mukana. ²⁰ Mutu moki maama-ma ka moki: Kieriki, me i kwisi kusari taama ka! bunu buana ya wisi, mfumu Yesu! ²¹ Dimboti ma mfumu ete Yesu di kala ku bahata babaso! bunu buana.