¹ Mukulana, me a mboni wanzio ukwisi kulumu ku ka tuki ku zulu kimvuku i tsabi yi bulu yi siene a koko diami. ² Nde a ka kaangi dalagoni, nioko kulula batela wu satana, aka mukotisi boloko di mvulu miri di mosi ''1000 ans''. ³ Nde aka milosi mu bulu, aka di kaangi yi ku saa kiniemene azulu, diama die muku sa vo kaka busu uhunu ku bahata ti i kuhunu ku gwaha mvuli miri modi yi ba mvulu. Ku nimi bwabunu, nde sa ba mutukusu mu taanga keeke. ⁴ Kula,a; me a mboni biti bi ki mfumu. Bahata ba nieki a baba gêhe ki mfumu ki ku samasa. Me a mboni dikaka mioyo mi bahata ba gôhoni mudiama di ki mbangi ba teki Yesu yi ndingi Nzaami bawu kaba samini ki mbisi yi kiteki kiani, kari ba maangi muku basa kiniemene atana lu see lwau kaani mu moko mawu. Bahata bana aba vutiriki moyo yi ki zingi kimvuku yi Klisto ti ikunu mvulu miri mosi. ⁵ Ki buki ki bahata bafwa kini ka ki futumu kiki ti ikunu nimi mvulu miri mosi i lutu. Kwé ku futumunuku teete! ⁶ Lu sakumunu yi kisanta ku koonso mutu u kala yi bahata ba kala ku mu lufutumuku lu teete lufwa luzori ka kwe i ngolo ko ku kwe ba wu. ba bakala ba nganga Nzaami yi Klisto ye sa bazingi kimvuku yi nde ikunu mvulu miri mosi. ⁷ Ku tsuku miri mosi i ba mvulu, satana saa ba mu yamene mu boloko diani. ⁸ Nde buka tuku mu kwa guhuna wu bahata ku ndaama yia (4) i tsuku tsi mutoto gogi yi magogi muku vuku mviti ba kala beengi boonso ziele di nzari nene. ⁹ Bawu si ba kala ataana ki beete ki tsi mutoto yi kuzingi kifulu ki basanta vulu di mboti di zorimi. Kaansi mbaa i tuki ku zulu ayisi ba yoko. ¹⁰ Mufu we satana uba uhunu kari ba musiniki muteni ba mutubi mu bulu di mbaa yi paasi ku kwé mbisi mbi yi musakiri mapia ba losimi. Bawu ki lumu yi pihibi i kunu tsuku. ¹¹ Lulana, me mboni kiti ki neneki ki mfumu ki peemi, me a mboni dikakamutu nieki tsi mutoto yi zulu abi tini a ndumi nde, kaansi kuka monikini ki kifulu bi yini. ¹² Me a mboni bahata bafwa, bambutu yi ba leke, baterimi wu ku ndumi kiti ki kimfumu, mikana mi kari mi viriki wu, bahata bafwa bakari baba samasa mu pili maamasoni mu mikana, mutini koonso maba saria. ¹³ Nzari nene aka gehe ba mvumi baba kari mu nde, lufwa yi tsi ba fwa aba gehe, baba kari ku bawu, bahata bafwa baba samini mutini koonso mutu i bi sala biani kasari. ¹⁴ Lufwa yi tsi bafwa i losimi mu bulu di mbaa, lualu lwz lufwa lu zori yanga di mbawu. ¹⁵ Koonso mutu wé zini diani ka dieke mu mukana moyo ka losomo ku yanga di mbawu.