¹ Kunimi maama ma, amboni wanzio kaka katuki kuzulu kakari yi ngolo mene bunu tshi yayiso yi temiki yi lukumu lu nde. ² A kakati mu ndinghi ngolo aka moki: Adibui! Adisari babilone vulu di dinene adisari gahata di bafu, yi didi pehefe yayiso yi mbi bunu kutibi yi banuni babaso ba mbi yi mvini. ³ Mu diama bahata ba makana mamaso wubanuikivini di ki ndumi ki nde ba totolo ba mutoto bukue nde kakari utebi yi kimvuama bahata babaso basari nzimi babongi nzimi yinghi mudiama di nde. ⁴ Mu buana, angui ndingi kaka ituti kuzulu ayimoki: Lukataka ku kue nde beene bahata bami, kunimi kalunata masumu ma nde ke, bunu kalubaka ndolo kifulu kimosiki yi nde. ⁵ Mu diama masumu mande matomiki ti yi kunu zulu bunu Nzaami wesi yinina bisala biani bi mbi. ⁶ Lumu vutele nde pasi yayiso yi kalumuesi, maama mamaso kalusari beene lumuvutele mikala miole, kari wulunuiki kopo di vini di kari, lumufulese diawu mikala miolo. ⁷ Kakari wu kikumisi bunu kari furiki yi nzimi, butuebu lumufulese pasi yi kiari, mudiama kamoki, buabu ku tshi mbunu ani : Me ndieki agaha bonso totolo mukehete! ⁸ Me kafueri yakala ka, bunu kayisalaka mokuiri kana kilumu kimosi, mu diama di buana, pasi yayiso yi mubuili, mukilumu kimosi, kiari ki mubabaka : Lufua, bami fa nzala bamuzinisi ku mbawu mudiama Mfumu Nzaami ke yi ngolo ya yiso, bunu ba muzengini ndolo. ⁹ Batotolo ba mutoto bakari ta biburi yi nde bunu babaki kimvuama kukue nde bamono pasi ye badidili mu diama di nde mutangha ba mono muisi mbawu wu muzinisi. ¹⁰ Ba wu bateleme ku tahama, bakala ku moyo mudiama di pasi yi baka nde ba moko: Kiari! kiari! ku nge vulu di nene, ki babinone, vulu die yi ngolo! mudiama taanga mosi yi fuani mu kumu gaha ndolo! ¹¹ Bahata bikiti ba tshi yi yiayiso bakari mono pasi bunu abayiriki yieme mudiama ma di gahata dini mudiama kata mutu kaka usumi bimi bibawu. ¹² Bimi bikuteke wolo, palata, matari matala misama, milele milukumu mi ndenge yiayiso, miti miamiso mimboti, yi mimi tshuri mboti, ma nzungu bayiriki mu kile kinzoko yi baronzo yi mubisenge bikaka bunu muma tari ma marbe. ¹³ Bimi bibikumisa madiama kitoko, bimi bikudia, mafutu ma tshuri, mirite, keni, vini, mafutu mangasi, farine, bule, bangomi, ma meme, ba puni, bunu ye ba chareti, yi bambala, kana bahata babakangi to baba butumi bambala. ¹⁴ Bibu u biabiso wuzori wu bisari kutahama yi nge, kimvuama kiaka yi bimi biaka bimboti biabiso bibebi, bunu kabimokiki kana kilumu kimosi ku kue nge. ¹⁵ Bahata bikitoi babaso babongi kimvuama mu kikiti ki basari muluzolo luawu bateleme kutahama ye bakala kumoyo mudiama dimama mana; bayantiki kudile mundingi ngolo, ¹⁶ ba wu basamana : Kiari, kiari kibeni ku vulu dinene bahata bawu ba vuati milele mikumu, mindenge yayiso bimi bi wolo, bilungu bitahala bunu yi misama! ¹⁷ Mu tanga mosi yi pama, kimvuama kiakiso akibebi! Ba kapitene ba masuwu, ye bahata bawu bakisala babaso, yi bahata ba ba kunu lenga bunu yi bahata babaso ba sunguma mu luzingi luawu ku nzari nene bateremi kutahama, ¹⁸ batala muisi mbawu wu zinisi aba yantiki kuyitiki, abasamini : Kata vulu di fuanene yi vulu di mubu nene? ¹⁹ Bawu abakikuaki bomi kumutu bunu abayantiki kubokene yi ku dili bunu abayantiki kugunekene: pahasi! pahasi! ku vulu dinene bahata babaso bakari yi masuwa bakungi nzemi mudiama di kimvuama kini, mudiama mutaanga mosi yi pahama ayisi tiakene! ²⁰ Lusepele beene mudiama kari lufihi beene ba santu, beene bamilongiki, bunu yi beene bamibikiri, lusepele mudiama Nzaami wulunungisi beene mu diama kari wu lu gehe ndolo mudiama di buana. ²¹ Wanzio mosi wu ngolo akzangini tari dimosi dinene bunbunu akari tubimu nzari nene aka moki : ndenge batubu vulu di, babiloni, vulu dinene dimoniki dikaka kana bu keheke muluzingi. ²² Kabawa diaka ka ku kwe nge bahata babeta bilo, baba sika piololo, baba sika miziki, baba beta motutu bunu yi baba beta tulubeti baba sika bimbili bahata babaso basala bisala bi mboti kaba moniki dikaka ka ku kwe nge, kaba lene waka kana baba sika miziki to biori bikaka ku we nge kaba lene wa biori ki kana masini ba sekisala ba mbele ku kwe nge. ²³ Ka muteme muini ki ni kayantiki ko pele ku kwe nge katu lene waka ku kwe nge ndingi motoko mokohoni ku kuele bunu yi motoko matuki ku kuele, mudiama bahata bikiki kari ba luti bana baba totolo baba bayaka ba tsi mutoto bahata ba tsi yayiso kari wuba guhunu nge mu kindoki kiaka. ²⁴ bu tuebu awesi baka ndolo, menge mu diama di bamibikiri bunu yi ma bamikuikisi bunu yi menge ma bahata babaso wu gohoni nge a tsi mutoto.