¹ Kukari yi kilumu kimosi Yesu mutaanghe kamasi kubonono bukamanisi «Mfumu tu songhono beete ndenghe tu bonono bonso kasonghini Yoani ku kue milonghoki miani. » ² Yesu akabasamini : «Mutaangha luyantaka kubonono, lumoka buabu "Taata zini diaka dikala yi lukulu ki mfumu kiaka kisi. ³ Tuhaa kilumu yi kilumu mapa mafuani. ⁴ Limisi masumu ma beete; mudiama beete si kari tulimisi. Mambi mamaso batusari.» ⁵ Yesu akaba samini dikaka : «Tukakete mbana yi mutu mosi wu kari yi mukuen'ani, bunu mu miri mipibi, akeni kumulomo, "Mukkuene, ndefe bitini bitaata bi mapa; ⁶ Mudiama mokuene mosi wu ngi siri katuki nzili kaka, bunu ka ngie yikimi kikumuha:" ⁷ Kunimi mutu wukari munzo, akamuvutiri mvutu " ngieke kutunghisi dikakaka. Kiviki kanghi, bunu me yi bana bama tuleki. Yilene kuvumuku ku ke ngisi kuhâa mapa. ⁸ Me yilusami; kana kazoriki mukuvumuku ye muku muhaa mapa mudiama ke muken'ani nde bunu kamuhâa bitini, bimapa ke yi nzala biawu.» ⁹ Me yuilusamini dikaka : «Lulomo bunu lubokaka; ludinghi lumomono, lubeteke ye balu viviriri. ¹⁰ Mudiama mutu ndeso wu lomaka wu baka, bunu mutu ndeso u dihâa ka wumono ye mutu u beteka kaba muviriri. ¹¹ Ki tata mukati beene, ke muana nde wu mulomi mpisi, nde nikamuhee lunguene akifulu ki mbisi. ¹² O wumolomi diaki, nde ni kamuhee kikakala? ¹³ Bunu; o beene baata ba mbi, luzayi kuhaa makabu ma mbote ku bana beene, paka kahata taata we kuzulu ye kahaa pehefe santu ku baba mulomi?» ¹⁴ Kilumu kimosi, Yesu kakari u kulu pehefe mbi yi kumisi mutu koono ku hori. Mutaangha kutuki pehefe mbi, mutu ku koo ku hori akayantiki kusonso. baata abayitiki kibeni. ¹⁵ Kansi baata baka abasamini ; «Wana Beelzebul, muana mfumu wu pehefe mbi, nde wuhee ngolo yi kukulu pehefe mbi.» ¹⁶ Baata bakaka bazori ba mumeke bunu abamulomi kabasalala kidimi kimosi kiki monisi ke ngo nde yi tuki ku zulu. ¹⁷ Kansi Yesu kari zayi ngini yi bawu bunu akasamini ku bawu : «O baata ba kimfumu kimosi bakabeni bayi bawu, ki mfumu ki bawu ki fufua, bunu nzô bawu yi totoko. ¹⁸ Bunu o Satana wu nuanisi baata ba ndeki neniki. Ki ndenge ki ki mfumu kiani ki nangha? mudiama beene lusamini ke me yi kuri pehefe mbi mungo kupihe Beelzebul. ¹⁹ Bunu o me yikuri pehefe mbi mu ngolo kapihe Beelzebul, ma mutu ba wuhee ngolo ku milonghiki mu kukulu pehefe mbi? baata beene, bakiluniki bawu baba lusamisi. ²⁰ Kinsi me yekula wu pehefe mbi mu ngolo mileme mi Nzaami, butuebu kusonghi kimfumu ki Nzaami kisi kukue beene. ²¹ Mutu ngolo mutaangha ke yi binuanini bunu kakenghini nzô ani; bu mboti mibiani biabiso bisuekibu mboti. ²² Kaansi o mutu wu luti nde mungolo wesi wu mununghi, kamuziozioto binuanini bini kasiri mbunu. Bunu kakaba bimi biani biabiso. ²³ Mutu wu kohono lana me kanzoriki ku ngie me; bunu wu kohono tsharisa mu diama dikuvuku baata bame katiakisi kutiekese. ²⁴ Muttangha ku tuka pehefe mbi muniti mutu; yi kuna diengha ku kahati tsheke mudiama dikudinghi kifulu kiku nieke. Bunu o yimoniki kifu kikunieke; yi samana wu : '' Yifuete muvutikili mutu wunu yiana nzuama kahari." ²⁵ Kaansi mutaangha ku vutuku pehefe yini muniti mutu wunu yi kuesi mu wana wu sari bonso ngô bakomiye bayiriki mboti mboti. ²⁶ Ku nimi, yi kuena kuna ma pehefe tshambuari dikaka maluti mawumungaasi bunu miamiso mikuisa nzili mosi muku nieke muniti mutu. Kunimi tsuku mutu wunu yi kala yi mbi kulutu mumbala yi teeti.» ²⁷ Bukufuani; bonso kamanisi mukuzonso maama mana; kukari yi mukehete mosi wukahati mu kahati kibuki kibahata bana akamoki : «Kiese kinghi ku maama wunati kivumu kinge ye kukunuiki mayene.» ²⁸ Kaansi nde aka vutiri : «Kiese kilutu buingi ku baata baba wawu maama ma Nzaami ye kuzitisi.» ²⁹ Bukukarikibuki ki baata abesi tebe; nde akayantiki kusamana : Baata bataangha yi baata ba mosi bambi. balomi kidimi kimosi; bumboti kabasonghono kaka kidimi kimosi kiki Zonasi. ³⁰ Mu diama; Zonasi kakari bonso kidimi mudiama di baata ba Ninive; ndenge mosi dikaka, yi muana mutu ke kidimi mu diama di baata batangha yi. ³¹ Mfumu mu kehete wu haata du Sud kilumu kazenghe maama ma baata mutu yakala kukuisi funu baata ba taanghi yi, mu diama nde katukikutahama mudiama di ku kuesi wa mandinghi mu diama di ngaaha Salomoni; Bunu lutala ; yiye a aha yi luti yi Salomoni. ³² Baata ba Ninive kilumu bakuesi funu beene baata ba taangha yi mu diama bawu babunghini mambunu mutaangha bawi malonghi ma Zonasi , Bunu lutala wuwe a aha tu Zonasi. ³³ Kahata mutu wu limisa muini ye kasueke mu kahati sanduku kani mukatini, kaansi ba musa ataana mese kinimi baata bati mu nzô bamono. Muteme ³⁴ Mese mange me bonso muini muniti. Mu taangha kue mese maka ma mboti; niti yayiso yi monono. Kaansi o disi diaka difua ; niti nge yi kala yi pihibi. ³⁵ Idini lutoono kebe ; kunimi muini we kumbunu nge kakasa ku pihibi ke. ³⁶ Idini o wu toomo moni mboti mboti bunu kahata pihibi ku kue nge ; kunimi niti nge yayiso yisala bonso muini ngolo wu kutenini ku nge.» ³⁷ Mutaangaha kamanisi kuzonso : Mufalisayi mosi akamuteri ke dia ku nzô nde kunimi Yesu akakoti bunu akanieki amese. ³⁸ Bunu Mufalisayi akayitiki bukamoni nde kasukiriki moko muku yantiki kudia. ³⁹ Kaansi mfumu akamusami : «Beene ba Falisayi ; lusukula ku tsheke kopo ye kutsheke longho; kansi mukahati ma mbinu lutebi yi ngala kuyibi bunu kusala mubulu. ⁴⁰ Beene baata lukohoni ngaangha ! nde wuyiriki bimi bibimonika kue ka nde dikaka ka wu yiriki mbunu mutu ? ⁴¹ Luhâa ku bakota bimi bibi monikeni; kumese, bunu kunime bimi biabiso bisala bitemeke mu diama di beene. ⁴² Kaansi pahasi ku beene ba Falisayi ; mu diama kalumukatele dimi du bibunu bi bieene bi mati bunu ye dimi du loso ye didi matiti ma bitoto bi beene ; kaansi kaluvirikini ku sala baata ma mboti ye kuzolo Nzaami. Mana maama lufuani kusala ku Nzaami ; kinghi luvirikiniki maama ma teeti dikaka. ⁴³ Pahasi mu diama di beene ba Falisayi luzolawu biti bi teete bi kifulu bi kimvuki ki ba sinagogue bunu luzolawu baluhâa ma mboti muma zana. ⁴⁴ Kieri ku beene ; mu diama lue bonso bifulu baziki baata kaansi kalusa bidimi ki bunu baata ba lenghi atahana mawu mu diama kaba zayiki.» ⁴⁵ Bunu mulonghi misiki mosi aka samini ku nde : «Mulonghi ; butuebu amoki bunu ayantiki ku tutuku ku beete dikaka.» ⁴⁶ Yesu aka vutiri : «Bunu pahasi ku beene ; ye milonghi mimisiki ! mu diama lusa biziti atana baata kaansi beene kibeeni ki beniki luzola ku simiki kana mu mu leme. ⁴⁷ Pahasi ku beene ; lu tungha biteke bi mboti atana mapieme ma ba mibikiri ; bunu ku honi ba kahaka ba beene. ⁴⁸ Mubuana diwu dilusonghi ke lukuikiri maama ma ba kahaka beene ; mu diama bawu kari bahoni mibikiri bunu beene silu batunghunu mapieme. ⁴⁹ Mulununghu lunu dikaka ; nghaaha yi Nzaami kamoki buabu yi ba fili mibikiri ye batuhumu ; baba kaka baba ohô ahôno mu kahati bawu ye babanioniokolo baba kaka." ⁵⁰ Buana baata bataangha yi ba baka ndolo mu diama di menghe ma bamibikiri miamiso ba ohôni tuku ku luyantaka lu tshi, ⁵¹ Tuku mumenghe ma Abel ti yi kunu menghe Mazakari, wu ba hôoni a kahati mese ba yokola makabu. makieriki, yilusamini, baata ba mboniyi ba baka ndolo mu diama di meghe mawu. ⁵² Pahasi ku beene ba milonghi mimi siki ; mu diama beene ku kateri Tshabi yi nzô yi fuani baata babakala ngaaha ; beene ki beniki ke bunu lu tshunghu baata baba fuani bakota.» ⁵³ Mutaangha ukatiki Yesu gahana, milonghi mimi siki ye Falisayi aba yantiki ku mutu ngisi mu ngaha si ya yiso bunu ye kumu kiulu maama ma menghi menghi, ⁵⁴ Bakari bamumeke musa bamubuisi o tukisi diama di mosi di mbi.