¹ Yesubuka luti, akamoni mutu mosi ufi mese, tuku bunu ka butiki. ² Bantumu bani gaha ba muyuri : A mulongi : na usari disumu? mutu wu, to bibuti biani? mu diama nde kese butuku kimfua mese? ³ Yesu wu ba gehe mvutu : Yi bibuti biani, yi nde kibeneki kata mutu usari disumu, masarimi buabunu, diama bisala bi Nzaami bi monokono ku nde. ⁴ Tu fuete sala bisala bi mutu wu utumi me bukue kilumu ikiau, pipi ikuisi kukalaun kata mutu ulene kasala. ⁵ Bukue vo me ngie mu nsi, me ngie muteme nsi. ⁶ Mutanga ka moni Yesu muku mana ku zonso maama ma, gaha kalosi binkosele, gaha kasari muana potopoto mu mate mani tu nimi, umupakiri mu mese mani. ⁷ Gaha ka musamini : Ndawe sukulu mese maka mu kimi ki masa batela Siloe zini dini disongo "Utumiki vo, bamutumi" mutu wunu nake sukulu luse, gaha ka yantiki ku mono. ⁸ Bahata baba mu moniwu, yi baba mu moni ukunu lomo nzimi, gaha bakaka ki yuri : wawu nde? ⁹ Bakaka ka ba samini : Babakaka basamini: Kufuane ne ba fuanini kaansi gaha ka basamini : Me wawu. ¹⁰ Gaha ba musamini : Mese muka bu umoniwu? ¹¹ Wu bavutiri mvutu : Mutu wu bateri zini diani Yesu, usari potopoto ga ka pakiri mu mese ma me, ku nimi gaha ka tumi, ndawe sukulu mu masa Siloe bu ngie sukulu, gaha ngiantiki ku mono. ¹² Bunu yuri : Akue we nge? gaha kaba gehe mvutu : Izayiki. ¹³ Gaha ba banatini mutu mosi ufii mese ku mifarisayi. ¹⁴ Kingi, kukari kilumingi kasari Yesu potopoto ka muzibiri mese. ¹⁵ Ba falisayi ba yantiki mu yuri mu kala wu nimi bue ka yantiki ku mono? gaha ka basamini : Kasi potopoto di mate ku mese gaha ngie sukulu, mfuani ku mono. ¹⁶ Ba falisayi mimikaka, basamini : Mutu wu kaka tuki ku Nzaami ki diama kaka tosi kilumu ki ku peeme ke. Baba kaka basamini : Ki ndenge mutu masumu ka fuete sala bimanga bi mpiliyi? Buabu bugaha mese. ¹⁷ Gaha kasamini dikaka kuki fua mese : Bue samini nge ku nde? Diama ukuviri mese? Mutu gaha ka mu vutiri, ke nganga Nzaami. ¹⁸ Kaansi mangi kuani ku kuikili vo nde kari fii mese bu tuebuabu ga ka yantiki ku mono; idini gahaka yantiki ku telebibuti biani. ¹⁹ Gaha kayantiki ku yulu ku bibuti biani : Wawu muana bene wu lutiri vo ki mfua mese? bue busarimi vo, butue bu ka yantiki ku mono? ²⁰ Bibuti biani ba vutiri mvutu : Tu zayi vo ke mwana beete, ²¹ kaansi kene kifua mese banda kabutiki yandi. Kaansi ki ndenge katu ku mono, kue ka ²² Bibuti biani bikala ku zonso buabunu, diama bakala tini moyo bayudu. Diama ba Yudu bazori baba kulu mu nzô Nzaami ku mutu ndeso usamana vo Yesu ke Klisto. ²³ Mu kikumu ki, bibuti biani ba samini : Ke mbutu, lu muyulu yandiene. ²⁴ Ba falisayi gaha ba teri mu mfua mese ba musamini: beete tuzayi vo, mutu wu ke mutu masumu nde untomo musubu Nzaami kaansi nge, kumisi Nzaami. ²⁵ Nde gaha ka buvutiri : Nzayi ki, keti nde we mutu masumu, me nzayi kaka diama di mosi, yi kala manaka mese mafi, bu tuebu, ngayantiki ku mono. ²⁶ Bau gaha bayantiki ku muyulu : Nki kakuse nge? Ki ndenge kakusi nge? ²⁷ Nde gaha ka muvutiri yi lusamini ka lunguiri ki mu ki ndenge lunguili dikaka? beene siki, luzori lukumu bantumu ba nde? ²⁸ Ba mutuki, ba musamini : Nge mutu we ntumu nde, kaansi beete tue ba ntumu ba Mose. ²⁹ Beete tu zayi vo Nzaami uzonsi kue Mose, kaansi beete katuzayiki, kue katuki awu? ³⁰ Mutu wu bavutiri wu ba samini : Dingituku kaluzayiki, katuki akue katuki, ibunu, nde umfiri mese. ³¹ Tu zayi vo Nzaami kazolo ye ka wuila bahata ba mbiki, kaansi go mutu sari mukana nde, ka fuete mu wuili, ³² Tuku luyantiki lu nsi, kata mutu wutu wui vo uzibulu bahata mese, gaha mutu wunu kakatuki ku Nzaami ki, kalene. ³³ Kusala diama di mpili yini ki. ³⁴ Babasamini : Nge ubitiki mu masumu wu tu longo dikaka? ukukeri muana mutu. ³⁵ Yesu buka samini : Bakuri mu nzô lusama wuisi mu mono dikaka wu mu samini : Wu kuikiri nge ku muana Nzaami? ³⁶ Wu ba vutiri ye wu basamini : Nake mfumu Yesu diama mu toso mu nde? ³⁷ Yesu wu mu samini : Wu muzayi, ye uzonso yi nge butue buabu. ³⁸ Mutu wu mu samini : Mfumu, kuikiri gaha ka mukumisi. ³⁹ Yesu samini : Me iyisi mudiama di lusamusu mu nsi mu diama baba nkono ku mono, ba mono, baba mona ka ba mono dikaka. ⁴⁰ Ba falisayi kakari bau gaha kua gaha ba muyuri: Beete dikaka tue bi mfua mess? ⁴¹ Yesu wu ba vuturi : Goho lukari bi mfua mese, kalukala yi masumu ku. Kaansi bubu, luzonsi tu mono Ibunu masumu mene yi mau kaka.