¹ Yesu ku nimi ka moki maama ma aka zaangi mese ku zulu, aka moki : Taata taanga ifuani! Kumusu mwan'aka mukusa vo mwana siki ka kakukumusu. ² Kieriki boonso nge u mu gehe ki mfumu ku bahata babaso muku gaha luzingi lu mvulu i mvulu ku bahata babaso ubu nge umu gehe. ³ Kwe luzingi u mvulu imvulu mukusa vo ba wu lene kuzaya nge, we kaka u kieriki Nzaami yi mutu u tumi, Yesu Klisto. ⁴ Me i ku kumisi a tsi mutoto, ku nimi mbanisi kisala ki upéenge. ⁵ Butuabu, taata, u kumusu me ku mbele nge-kebeniki mu lukumu ubu me ikari lwau i nge teete ubu tsi mutoto i yi limi. ⁶ Me a tsari kuzayakana zini di nge ku kwe bahata ba mutoto vo nge u pée. ⁷ Bakari ku nge; nge me u uba pee yi ba sweki ndingi nge. BA zaya butuebu vo biabiso u pée bituki ku nge, ⁸ Diama me iba gehe ndingi upée nge, bawu bayi boongi yi bakuikiri mukieriki vo me tukuki ku nge, ubu nge utuhutumi. ⁹ Me i boni mu diama di bawu. Me ka yi bonini ki mu diama di tsi mutoto, kaansi ku bahata ba u pée, diama ba be ku nge. ¹⁰ Biabiso bie ku me biesiki ku nge biabiso we biawu, biesi ku me, ye me iki kumisi. ¹¹ Me ka ngie di kaka a tsi mutoto ko, kaansi, bawu be a tsi mutoto, diama me iyisi ku we nge. Taata musanta, ba kebe mu zini diaka, zini dini u pée me mukusa vo bakala mutu mosi, kieriki boonso bukwe nge yi me, beete twe mutu mosi. ¹² Bu i kari i bawu, me i bakebi mu zini diaka u pée nge, me i ba kebi, kahata mutu mosi mubawu viri, goho ka mwana uku bebe, mukusa vo masonoko malungu. ¹³ Butuebu, me iyisi ku kwe nge, kaansi me iba mokini maama-ma mu tsi mutoto muku sa vo bawu bafuluku yi kiesi mee mu bawu. ¹⁴ Me i ba gehe wu ndingi nge, tsi mutoto baba yini diama ka bahata ba tsi mutoto ko, boonso bukwe me siki ka ngie me ka ngie mutu tsi mutoto ko. ¹⁵ Me i ku lomiki nge ubakala a tsi mutoto, kaansi muku bakebe kaba bwaka ku mbeni. ¹⁶ Kibeni boonso bu ngie me a tsi mutoto, ba siki be a tsi mutoto. ¹⁷ Bayiri kasala bahata ba mboti mu ma kieriki ma nge, diama ndingi nge ye kieriki. ¹⁸ Kibeni boonso bu utuhumi nge a tsi mutoto, mesi iba tumi. ¹⁹ Me iki gehe mu diama di bawu mukusa vo ba siki ba ki gaha kieriki. ²⁰ Me ka yi bonini ki mu diama di bawu kaka, kaansi sisi mudiama di bahata babaso ba kwikili mu me mu nzili ndingi aka, ²¹ Mukusa vo ba siki bakala mutu mosi, kibeni boonso nge, taata, nge we ba di kaka bakala kimvuku i beete, mukusa vo tsi mutoto ikwikili uba nge u tuhumi me. ²² Me i ba gehewu lukumu upée nge, mukusa babala mutu mosi, kibeni boonso nge yi me, beete twe mutu mosi, ²³ Me mu bawu, nge mu me, musa kibeni ba kala ba mboti mboti mutu mosi ubu tsi mutoto izaya vo nge utuhumi vo nge ka uba zolo mu luzolo lumu lu mosi ubu nge u nzori.. ²⁴ Taata, bahata upée nge, me nzori ba kala siki a kwe me, mukusa vo bawu bamoni lukumu lu me, lu pée nge; diama nge unzori kibeni teete ku tilumi ku tsi ku kala. ²⁵ Taata kibeni, tsi mutoto ka i ku zayi ki, kaansi me i ku zayi, bahata ba bazayi vo nge utuhumi me. ²⁶ Me i ba si bazaya zini di nge, me ibasaa di kaka, mukusa vo luzolo we lwau mu me lukala mu bawu, me siki ikala mu bawu.