¹ Luyantakala kukai ndingi, ndingi yikari yi Nzaami. ² Biabi bikari yi Nzaami a luyantakala. ³ Kimi kiakiso bisarimi ku Nzaami kahata kimi ki sarimi kiaki beniki. ⁴ Muhumu kakari wunde, yi bumoyi bukari muini baata babaso. ⁵ Muini wu teneke ku kue pihipi. Pihipi kayi lenikulutu muiniki. ⁶ Kukari yimutu mosi kutumi Nzaami, zini diani Yoane. ⁷ Kayisitsakala tsangaha mboti, musavo milimi miamiso mitamene. ⁸ Yoane ke muiniki, kaansi kayisi sakala tsangaha. ⁹ Muini wunu ka kari muini makeriki, wu yisi, mukutenne baata baabaso. ¹⁰ Ndingi yi kari atsi mutoto, bunu ya Nzaayi Nzaami wiyi yiriki, kaansi baata ba mukiri, ba muzayiki. ¹¹ Kayisi atsimutatani, kaansi baata baana, bamu yamiki. ¹² Baba muyami, yi baba mundimi, aka bakumusi baana ba Nzaami. ¹³ Ka baba butiki mu mengehe ke, ka mumu suniki, kamulu zolo lumutuku, kaansi lu Nzaami. ¹⁴ Ndingi ni ayisari niti, mutuwunu akesi nieke yi beete : tumoni lukumu luani, lukumu ku hée taata kuwe muana ni, lukiari yi ma kieriki. ¹⁵ Yoane kari moki ku baata ni : «Atande wuyi lumokini; mutu kuisi kuma nimi mame, ka kala kundumi, diama, ka kari meyi kini bambutiki kaansi nde yi nde.» ¹⁶ Nde wu futiki yi kiari atahana kiari. ¹⁷ Diama, Moyisi wutuhée misiki yi ku ndimi, yi makieriki mu zini di Yesu-Kristo. ¹⁸ Kahata wu moni Nzaami kaka muanani Yesu we Nzaami, bunu wunieki kufulu kimosi yinde nde wumu zayi. ¹⁹ Bunu, bangaga Nzaami aba tumi ba mbutu bamisiki ku ye lusalem yi ba Levite bamu huilu: «Ngewena?» ²⁰ Bunu akaba mokini mumaleme : «ngie Nzaami ki» ²¹ Aba mu hiuri di kaka: «wena we Eliya? » aka moki : «kangie Eliyki » aba moki : «we mutsakirie ?» aka moki «kameke.» ²² Bunu, abamu mokini: wena mukusa beete tuha mvutu mboti, kuba batu tumiwi? moki kiki nge kibeniki. ²³ Aka moki, Me ngie dingi mutu mosi yi bakeni wu, ku kahata tseke : «lutamene dingi Nzaami, bonso buku moki mutsakiri Ezaya.» ²⁴ Ba kari yi ba farisayi aba mu huiri : ²⁵ " Mu diama di kihi wu botiki baata hôwé mfumu ku ni Elie, ni mu tsakiri? ²⁶ Yoani akaba mokini : Me yi botoka baata mu masa. ²⁷ Mukahati beene kue yi baata lu kohono zaya. Nde kakuisi monimi, leene kuhutuluku tsamisingihi miani mitsamata. ²⁸ Mama mana maluti ku Bethanie ku koté di Nzaari Yudenie, kuana botiki Yoani baata. ²⁹ Kilumu kilani, Yoani aka moni Yesu wu kuisi akué nde, aka moki : Lutala, muana dimeme di Nzaami, wu kakitiri masumu ma baata. ³⁰ Atande wulu mokini, wu kuisi amanimi mame, ke mfumu kulutu me, diama, kakari andumi me. ³¹ Kayi mu zayiki kaansi kavumiki kuyisayele ngisi mu botoko mu masa. ³² Yoani akate kimbangihi : Me amboni Peefe ayi kurimiki kuzulu baso yeme adinieki ataana nde. ³³ Ka yimu zayiki kaansi wu tumi yi mubotoko mu masa ka tsamini : wuwu kulumukinu Peefe santu nde wu botoko. ³⁴ Amboni ate kimbangi ke muana Nzaami. ³⁵ Ki lumu kilani bunu Yoani kakari yi bisari b iani biolo. ³⁶ Aka moni Yesu ulutu kuana Yoani akami : lutala muana di meme di Nzaami. ³⁷ Bisari biolo bubiwi buka moki Yoani aba lani Yesu. ³⁸ Bunu Yesu akabari akabamoni ba mu lana akabamokiri: kiluzori beene? Abamuvutiri Rabi disongho mulonghi wu yini akue? ³⁹ Aka bavutiki : luisi lumono abesi mono kuka yini nde siki abasari yi nde muki lumu kini diama kukari mu taangha kumi. ⁴⁰ Mosi wu bawu bukawi buku moki Yoani wulani Yesu kakari nderi kibuti kisimoni Pieri. ⁴¹ Buka wani teeti somoni kibuti kiani akamusdamini : Tumu moni Mesiyi bariri klisito. ⁴² Aba munati ku Yesu, Yesu aka moki : ''We Simoni muana Yoani. Buku tele cefasi (disongho Pieri). ⁴³ Kilumu kilani taanga kakaa kataka Yesu kene ku Galileyi kasamini Filipi aka musamini ndama. ⁴⁴ Tala Filipi kakari ku betesaida ahatadi nderi yi Pieri. ⁴⁵ Filipi akakutiri natanaye akamoki : maama makusoniki Moyiosi mumisi mimi bikiri kamoki Yesu ky muana Zozefi wuma kerikiki wu Nazarete. ⁴⁶ Natayele aka musamini : "mama ma mboti maleni kuisi ku Bazarete?" Filipi aka musamini : Yawisi umono" ⁴⁷ Yesu aka mponi Natayele akesi ku nde akamusamini : Tala mutu kibeni wu Isayele nde kake yi mapiaka. ⁴⁸ Natayele akamu uhuiri ki ndenge wu nzayi ? Yesu akamu vutiri : " kundumi kakutele Filipe bu vitimi kari yi kumoni." ⁴⁹ Natayele akamusamini : «Rabi nge we muana Nzaami ! we fuumu Isayele !» ⁵⁰ Yesu aka musamini : "diama kari yi ku moni kariyi kuzayi ku tsi kizisi wu kitiri? wumono di kaka diama di nene kulutu diana." ⁵¹ Bunu aka moki yi kusamini mumateri makieriki wu mono zulu adikutiki baq wanzio ba Nzaami.