¹ Kwe ku tuki ku yu mene yi ku sisene paaka akahati ki behene? kehete ka mu tsata zeene zi mbiki i nati mviti mu ndaama zeene zi niti? ² Behene lu lulau bimi bie ka lue biaka. Lu furiki yi kipaala ki kululua maama ma mengi, kansi bonso kwe ka lukatla ka, idini lu nuanau ¹ ku yu mene. ³ Behene ka lu bakaka, diama lu lomau bu mbi, lu kala i pili mboti iku bakaka. Behene lu lomau yi ka lu bakata, diama lue mu nzili ku luhungusu nzala zeene zi mbi. ⁴ Ba ntée bizumu behene! ka luzayi ki vo ku kala nduku tsi mu toto kwe ku kiti mbeeni Nzaami. ⁵ Keeti lu yinina ka behene vo kisono ki moki : "moyo kasi nde mu behete ye yi kipaala ku lutu? mutu zori kakala nduku tsi mutoto kasala kwani mbeeni ku Nzaami." ⁶ Kansi Nzaami kagohau ngebe i luki kitese, idini kisono ki, moki :" Nzaami ka tele menau koyinau ku bahata ba lu leene, kansi ka gahau mamboti maani ku bahata ba ki kulumusau" ⁷ Lu ki kulumusu ku Nzaami, lu mu telemene mufu ye nde sa ka tini k taama ku behene. ⁸ Lu pusene behene ku Nzaami, nde saka pusene ku behene. Lu sukulu moko mene bahata ba ma sumu yi lu yiriki ma mbunu mene, bahata ba mbi ba suama. ⁹ Lu kala yi ku zolosono, lu bokoto ye lu dili ! yama ku seye kwene ku sobo mu yieme yi kiese kiene kikisiki kiari. ¹⁰ Lu kiku lumusi behene a ndumi mfumu, nde sa ka lu tomono. ¹¹ Ba kwene, ka lu mokaka bu mbi bahana yi bahana, unu u moki bu mbi ku mu kwenw, kaani ke zusi di mukwene, ka moki bu mbi ku musiki yi ku samana musiki. O nge u samasa musiki, we mutu u tari musiki ki, kansi mutu usamisiwu. ¹² Kwe kaka Nzaami u gehe misiki, kwesi kaka nde we zusi nde we yi ngolo muku guhulese misiki yi ku mi gohono. Nde we na, muku samasa mukwen'aka ¹³ Luwa, behene lu moka :" leleki keeti mbasi behene tu kwe ku vulu dinau, tu zingi kwa kunu mvulu mutini tu leenge yi sa tu baka bizori bu mengée" ¹⁴ Na zayi maama makala mbasi ye ki mutini luzingi luene lukala? diama behene lue boonso mu puhu mbawu tuki mu taangaa mosi yi ku lalaka ku nimi. ¹⁵ Behene fuani lu moko bwabu : "Goho zori, twe yi luzingi behete tusala kiaki ku nimi. ¹⁶ Behene tusala bwabu" Kansi butwebu, behene yi behene luki kumusau mu maama mene yi ku bulu tulu ku ki vana ku bwabunu kwe ku mbi. ¹⁷ Idini, mutu usala mamboti, kansi aka maangi ku sala nde ka sari masumu.