¹ Ba kwene baama, behene lu kwila wu vo mfumu Yesu klistu ke mfumu lukumu, ka lusolaka lu see lu bahata. ² Mu mbana vo mutu wisi koto mu nzo Nzaami muku samana vuati peete wolo to mu tsungu yi milele mi tâala yingi yi putu wisi kooto siki yi milele mi mvini. ³ Gôho nge tari ku mutu vuati bu mboti yi kumu mokono: " Ya wisi nieke-teleme gaha-naa, " kaani " Nieke-a-tsi-malala ma me" ⁴ Keeti kaluki samisiki mu behene kibeni ki? keeti ka lue bazusi ki yi ngimi zi mbi? ⁵ Luwa, bakwene baama ba zorimi, Nzaami kaka soriki putu a tsi mutoto ndesi ka sala mvuamba mu lukwikili yi ku baka kimfumu nde kasiri kubaga mu zolau? ⁶ Kansi behene alu vuensi putu! ka ba mvuama ka baba lu niokola we? kaba ka baba lunata ku mu funu? ⁷ Kabaka baba tuka zini di mboti lue diau behene? ⁸ Buabu, gôo nge lu ngisi musiki ki mfumu bonso buku sonimi: "Nge zolo mukuenaka bonso nge kibeniki," Nge sari mboti. ⁹ Kansi gôo nge u sala luse lu bahata, nge u sari disumu, nge monikini ku musiki mutu u mvuensa misiki. ¹⁰ Diama konso mutu u zitisi musiki, nde te kia mu kaala mosi, aka sari mutu bebisi musiki kumusiki ndeso. ¹¹ Diama mutu u moki ni : "Nge ku lene taa bizumu ku" kari siki moki "Nge ku lene gôonoko." gôo nge te ki bizumu vo nge gôoni, nge sari mutu u bebisa musiki. ¹² Idini lu zonsau yi lusalau boonso bahata balanau musiki Nzaami yi kukitiki bahata ba kipuansa. ¹³ Diama kusamasa ku bahata ku kwisi ku kwe Nzaami ku koonso ngebe ku kwe bahata ba kooni ngebe. Ngebe ye lunungulu kusamasa bahata. ¹⁴ Ba kwene, kwe bu mboti gôo mutu moki nde ke yi lukwikili kansi kake i bisala ka? lukwikili lunu ka lu lene mu uhulusu ku, kahata? ¹⁵ Gôo mosi u mu kwene kaani u mu keete fuati bu mbi yi kooni bidia mu kilumu. ¹⁶ Lufuni ti vo mutu mosi u bene ka moki :" Nda we i ngeme, diabu mboti u yu kutu." kansi behene ka lu mu geehe bimiki mu diama di niti ki infunu mu ku moko bwabunu? ¹⁷ Kitese ki mosi, gôo lukwikili kalue yi bisalaka lue lufwa. ¹⁸ Bunu mutu kaka ka moki di kaka: "Nge we i lukwikili ye me ngie yi bisala." Tsangôono me lukwikili luaka lu kooni bisala, me i yu ku songôono lu kwikili lulu me lue i bisala. ¹⁹ Kwikili, kwe kaka i Nzaami mosi, nge sari bu mboti. Kansi kaani bafu ba kwikilau ye baketau. ²⁰ Zori u zaya zobo, vo lu kwikili lue bisala kahata lue lu pâama. ²¹ Abalama kahaka ete ka kitiki mutu mboti ku Nzaami mu lu kwikili lu basala taangaa ka gehe mwanani Isaki mu mikayili? ²² Nge tala vo mu lu kwikili ku kwenau kimvuku yi bisala, bunu mu bisala lu kwikili luani lu yeri kibeni kibeni. ²³ Idini kulungi maama masonimi:"Abalama ka kwikiri mu Nzaami idini ka terimi mutu kieriki" bunu Abalama katerimi mu kwene u Nzaami. ²⁴ Lumoni ke buana mu diama di bisala bi mboti buana bahata basari mu makieriki ku mese ma Nzaami mu diama di bisala biba wu, bunu ka mu diama di ku ndimi ki. ²⁵ Tala di kaka, Rahibi mu keete inte bizumu, Nzaami ka mukitiri mutu mboti mu bisala taangaa ka mi ba ntumu, kaba songini nzilikaka? ²⁶ Bunu boonso niti i kooni moyo ye yi fua, lukwikili siki lu kooni sisala lue lu fwa.