¹ Buana tufuani tusimi bu mboti kipeni maama matuwi kalabenu tuvivirikini. ² Mu diama maama kunatini ba wanzio ka ba kanaka ba beete, kufuani ba kuikili, bunu mutu ndeso wu mangi to kazitisi ki kari baki ndolo mu ndenge yi fuani ku nde. ³ kindenge tufuani tutini ku wuluku kunene, bunu o tutariri mawu mu pahama kue Mfumu wu bikiri tshanga yi ku wuluku yi teeti, kunimi bahata baba muwi abatunatiniu tshanga yini. ⁴ Nzaami ndeki beniki kari sari kimbangi bindenge kaka mu bidimi, bunu akatusongi santu ku beete mu ndenge katusiri muluzolo luani. ⁵ Tusami, mudiama di mutoto paha tukingini Nzaami kagehi ku moko maba wanzio ko. ⁶ Kaansi kifulu kimosi mumi kana mi Nzaami basoniki buabu mutu ke na musavo nge wu muyinini? to muana mutu ke na makusa vo nge wu mubatiri ⁷ Mu muana taanga keheke kari wu musi luziti yi akamusi ku tsi ba wanzio kunimi aka mugeke lukumu lunene. ⁸ Kasi bimi biabiso bikaka ku tsi mala mande kusonomi, ke kamusi Mfumu wu bini biabiso, Nzaami kahata kimi kikilene manga mukumu zitisi butuebu, katumoniki ke bimi biabiso bi muzitisi ku we nde. ⁹ Kaansi maama to moni mawu ma mumuana tanaga kehene Yesu, kakari ku tsi ba wanzio bunu akesi baka lukumu lunene mudiama di pasi yi lufua kamoni kue ma mboti ma Nzaami mudiama dibuana Yesu kefuiri musa vo mutu ndeso kabiki. ¹⁰ Mutu sari bimi biabiso bunu biabiso bi nde, kazori kanata bana babengi ku gahata di nde di lukumu kamusi muana mutu, nde wunata yi kubikisi bawu, kutimini muana mutu kamono pasi mudiama kasala mutu fuani. ¹¹ Mu diama Yesu yi bahata bakakumisi ba santu babaso be taata mosi Adami mudiama di buana kakohono mono tsoni mukutele bakuene bani. ¹² Mu taanga kamoki :«Yisamana zini di nge ku bakuene bama me mukati kimvuku ki bahata baka me yikuyiyimini. » ¹³ Bunu dikaka:«me yisa mbunu me kukue nge bunu dikaka me ngie gaha gaha yi bana bakape Nzaami.» ¹⁴ Bunu bokue, bana banaa be bahata babutiki muniti kimenge yi niti yi kimusuni, ndenge mosi yi ndeki beni, kunimi mudiama di buana lufua lu nde kamususukisi mufu wu simi ngolo yi lufua. ¹⁵ Bunu kamanisi bumbala bu bahata batini lufua taanga yayiso. ¹⁶ Mu diama makieriki kayisi kamukusarisi bawanzio ko kaansi kayisi muku sarisi kana di Abalayami. ¹⁷ Idini kufuani kafuanene yi bibuti, biani mu maama mamaso kunimi kasala nganga Nzaami wunene wu mboti ye makieriki mukisala kiani kukue Nzaami mu diama di buana idini kabakiri bahata bani ndolo yi masumu mawu. ¹⁸ Mudiama bukue ndekibeniki kari moni pasi mu ndenge bamunati lene basariki ku baba moni pasi.