¹ Kunimi mama mana, Polo aka katiki ku atene ye akeni ku korinti. ² Nde ake mono kua kunu muyuda mosi zini diani akilasi, mu kabutimi ku Gahata di pon, ka tuki taama iyingiki ku itali kimvuku yi mukehet 'aniprisili diama Mfumu khoole katumi ndingi ku kwe bayuda Bakataka ku rome ye Polo a keni kukwebau. ³ Polo kazingi yekusala kiau kimosi . bawu bawu bakasi baata biyiriki Makapa. ⁴ Polo katongi Munzo Nzaambi konso kilumbu kikupeeme. Nde ka Nungi wu Bayuda ye ye ba greke . ⁵ Kansi taanga silasi ye timote batuki ku maseduani, Polo aka taa kimbangi ku bayuda ni yesu kende Klisto . ⁶ Bunu bayuda aba Maangi ye aba mutuki, Polo aka kubivi milele miami ye aka ba mokini:<< yeke Munghee meene malubuili ataana mutueene,me nzayi diamaka ,butwebu me ngieni kukwe baata ba bikolo bikaka . >> ⁷ Muku lutu ahagahana, nde akeni kunzo titusi justusi, nde ka kari mutu utini nzaami . Nzuami ikari a mbele nzo Nzaami. ⁸ Krispusi,mfumu nzo Nzaami ye dibutu diani aba kwikiri ku difumu. Baata beengi ba korinti bawi polo aba kwikiri ye bakari babotimi. ⁹ Mfumu aka moki ku mu pihini mu kimonisi (vision): << ku mono moyoko kansi zonso yi ku kukangaka munua. ¹⁰ Diama ngie kimvuku yi nge ye kaata mutu ulene meke kuku sala bumbi ngie yi baata beengi mu vulu di.>> ¹¹ Polo ka zingi gahagna mvulu yi ndaama,kaloongi ndingi Nzaami mu kahati bawu. ¹² Buka kitiki Galion mutuarisi "Gouverneur" di akayi, Bayuda aba vukini muku nuanasa Polo ye aba mubati ku ndumi tribunari. ¹³ Ba mokini : << Mutu wu aka nungi baata basamana Nzaami mumu tini kaka ka bnonso buku tumi musiki ki >> ¹⁴ Polo ka zori ka zonso buka moki Galion ku kwe bayuda : << Bayuda, ho mutu wu kasari diama di mbi, u ka ohoni mutu, nga me nzonsi yi beene . ¹⁵ Kansi bukwe biufu bitari ma ndingi ye mazini ye musiki beene, Luyiliki beene ki beniki . Me nzori ku kala zusi di mama manaka. >> ¹⁶ Galiyo aka batukisi mu tribunari. ¹⁷ Bunu baata babaso aba kangi sostene, mfumu nzo Nzaami ye aba mubeti a ndumi tribubari. Kansi galiyo kaka kipiki ma ba sari bawu. ¹⁸ Polo ku nimi ka zingi bu bwengi yi ba kwene, aka ba sisi ye aka koti mu maswa akeni ku siri ki mvuku ye Prisili ye Akilasi. tehete ka sisi dibungu di maswa, nde aka tenisi mutwe ki kuluku diama kari di ndefe yi na zari. ¹⁹ Bu ba turi ku efeso, Polo aka sisi Presile yi Akilasi kwa kunu, Kansi nde ka zori nde ki beniki ka koto mu nzo Nzaami ye ki sisene pahaka kimvuku yi ba yuda. ²⁰ Aba bonini ku polo kakala fioti taanga mosi buabu bawu nde aka maangi. ²¹ Kansi nde aka katiki ku kwe bawu, akani, nde aka ba mokini : << Me sa ngisi vutuku ku beene oho Nzaami zori.>> nde aka sisi epeso akeni. ²² Polo taangaha katuriki ku sezaré; a keni ku yerusalemi mu kwé gaha mboti ku bahata ba dibunu . Ku nimi a kemi ku antioshi, ²³ Siki aka nieki kwakunu muana taangaha . Ku nimi ndaama bilumu , polo aka simi nzili dikikaka akeni gaata di balati yi firiji . Nde kakari u siamasa ba longiki babaso. ²⁴ Muyudu mosi aka turi ku efeso , zini diani Apolosi , mutu u alekisandiri , vulu di mosi di Egipiti. Nde kaka ri mutu mayele meengi , siki kari zayi mikana mi Nzaami ba mboti kibeni. ²⁵ Bu kawi tsaangaha mfumu siki ka kari yi ndaami ka yantiki kusakala yi ku teye kieriki - kieriki maama matari nzili Yesu , kaansi nde kazazayi kaka mbotiki yi yoani. ²⁶ Buka moki wu yi ndaami yayiso mu kahati nzo kimmvuku (nzo-Nzaami) prisiyi yi ya kala ku nzo- bawu, siki aba nzili nzili Nzaami. ²⁷ Kumimi Apolisi kazori keene ku akayi .Bakwene kari yi kiesi mu ngini nde siki aba sokikini milongi mi kwakunu mukana mukusa vo ba mu yama bu mboti. Buka turi kwakunu , aka sarisi mikwikise mingi mu ngolo Nzaami . ²⁸ A mese ma bahata babaso aka songini kierieki vo bayudu bavi µri nzili, siki aka ba tenini mikana mi Nzaami mi samana , vo masiya nde Yesu.