¹ Me polo, tuhumu Klisto Yesu, mu kehene Nzaami, mu nenge tsilili yani yi lunghi ye ku Klisto Yesu, ² Ku Timote, muana ma uzolo: yamana kehene yingeheme yi kuhesemene ku Nzaami taata yi Klisto Yesu mfumete. ³ Mu lusama lu-me yi kuyinina pihibi yi muini, bunu siki kimi kimbi ku tsi, buesi bunu ba mu sariri ba kaka ba-me ba tama. ⁴ Yi yinina kaka ndenge wu diri-nge. Ngie inzala yi kumono di kaka, mukusa i tebe yi kiesi. ⁵ Yi yinina ndenge u ndinini nge Nzaami mu mbunu mosi. kutu kakaka mukehete Lowis yi nguriaka Enise bakari dikaka ikundimi ku buana, dini diana ngayi-nge siki buwe kua. ⁶ Dini diana yi kulomi: salala makaba ma Nzaami ma wu baki mu taanga yi kusiri moko. ⁷ Mu diama pehefi ka tuhe Nzaami ye yi ku bangaka, kansi nde ka tuha kikese, zolo yi nganga. ⁸ Ka u mona tsoniki muku sakala tsanga mfumete, to mu diama dime Polo ikoti boloko ikoti boloko mu diama di-nde. ⁹ Kansi Nzaami ka kuhâ kikese mukusa u ndemi pasi kifulu kimosi ime, mudiama di tsanga mboti. ¹⁰ Kue Nzaami u tu bikisi, utu poni siki tukala bahata bande. ka tusi buana ka mudiama di bisala bimboti bi beteke, kansi mu diama, nde kibeniki tuku tama, wu yiriki lu kana lunu. ¹¹ wu tu he ma mboti mani mu kimvuki i Klisto Yesu, teheti kasala nza. Bunu bu ku tobu, a ka songnini lu bii lunu mu kimuese polele ku mu hulusete Klisto Yesu. Nde manise ngolo lufua, bunu aka tu tukusiri muini paha, nde we luzingi lukoni tsuku, lu tubaki mungilitsanga mboti. ¹² Nde siki wu poni mukusa ikala muteyi, tuhumu yi mulongi tsanga paha yini. Dini diama isa kikese mu paasi yi. Kansi paasi yi, iyimuena tsaniki, mu diama nzayi mutu wi sila mbunu, bunu nzayi siki mboti ni, nde fuani ku kebe maama ma masoma kasi a moko ma me, tii ikunu kilumu ka kusu samana bahata. ¹³ Lana kaka maama makeriki ma ikusamini; sima mboti ku ndimi yi zolo di tue dia mu kimvuki ki Klisto Yesu, ¹⁴ Maama ma kasi Nzaami a moko ma nge, masueka mu disungi pehefe santu yi nieka mu ma mbunu ma bete. ¹⁵ Zayi ni bahata ba baso ba kizungu ki tsi Azie ba ndosi. Mu kibuki kini kue Figeleyi Ermogene. ¹⁶ Ilomi ku Nzaami ka bamuene kana di Onezifore kiari, mu diama nde upehe malongi kuhumi yingi. kana bu ngiei muboloko nde kamoni tsoniki mu diama di-me. Kutu, ¹⁷ taanga ka kumu ku Rome, aka ndingi buingi tii ikunu ka mboni. ¹⁸ Mfumu Yesu ka mu kebe mukusa Nzaami ka mu muene kiari, ki lumu ka samasa bahata. Nge siki zayi ma kasari mudiama di me ku Efeze.