¹ Kaansi pehefe Nzaami i moki vo mu bilumu bi taanga tsuku, bahata baba kaka ba loloso lu kwikili lwau muku lana yi ku ki gâha ku bahata ba mapia yi malongi ma pehefe mbi. ² Bahata balana malongi ma mapia yi ngini tsi mbunu awu i mayele ma mbi. ³ Ba manga wu ku bahata kaba kweleke, yi ku kuhunu dia bia bikaka ka yiri ki Nzaami abu bahata badia teete ba vutulu matono diama ba kwilau yi ku zaya maama ma kieri ma Nzaami. ⁴ Diama bimi biabiso kayiriki Nzaami bié bi mboti, ye kahata kimi kiki lene losomo, kufuani teete di ku dia, ba vutulu matono ku Nzaami. ⁵ Diama kimi kiakiso kifwete sukumu mu ndingi Nzaami yi bisama. ⁶ Gôhesungiki maama-ma ku ba kwene, nge sa u kala kisari ki mboti ki Yesu Klisto, u furiki yi maama ma ku ba lukwikili yi malongi ma mboti u laani nge. ⁷ Tini bimoko bi mbi yi bumoko-bumoko yi buzobo, kala i ndaami yi ku ki gaha ku Nzaami. ⁸ Ndaami ibu bahata ba saawu nita wu i kala i kikese ka kwé imfumu wingi ki; kaansi ku saa ndaami muku kikaba ku Nzaami kulutu maama mamaso, diama Nzaami atari nde ka gaha bahata ba'ani mamboti, mu luzingi lu lele yi luzingi lukwisi. ⁹ Diadi dié diama di kieriki tufwani tukwikili mu mbunu mosi. ¹⁰ Beete tusala ye beete tu nuana ngolo, dima beete tu si mbunu yi kivufu kiete ku Nzaami moyo, wé mvulunsi u bahata baba bu bwangi bwengi baba mukwikila wu. ¹¹ Samana maama ma ye malongi. ¹² Ka mutu mosi ka ku vense i kuku mono paama mu kileke kiaka, kaansi kala mbaana i mboti kuba mukwikisi, mandingi yi bisala biaka; kala mutu luzolo, wu lukwikili yi mbunu peemi. ¹³ I kunu ikwisi me, ki gâha nge mu ku taangana baata mukana Nzaami, sakala w yi ku ba longa wu ikunu i kwisi me. ¹⁴ Ku viliningini ki dikaba di Nzaami ka ku géhé mu ngolo mulimi masanta, ka ku géhé mu nzili ba sakiri kimvuku i ku kusili moko mu kimvuku ki ba mbutu. ¹⁵ Kiakini kié kisala kiaka uki gâhakwakuso mu maama-mana mu kusa vo nge wene ku ndumi yi bahata babaso bamono ye bazaya vo u yini ku ndumi. ¹⁶ Ki kebe nge kibeniki yi kusaa ndaami mu malongi maka, kiyekele mu maama-ma sala bwabunu, nge saa uki uguhulusu nge kibeni ki yi bahata baba ku laani yi ku wa maama-ma Nzaami u loongi.