¹ Bubu, maama tari tanga ye sungi, bibuti kolue yi nzala kulusonikini ki ku tana kunu. ² Diama, luzayi beene kibeneki mboti, kilumu kimfumu sa kisi kibeni bonso nde muifi yi mu pipi. ³ Mu tanga yini basamana bahata, tu sari bu mboti, diama kata, tanga yini, mu kitulumukini lufuete mono kubeete ku ki tulumikini sa kuisi mu taanga mosi. Bonso pasi yi kuisila muke goho pasi yi kubutu yisi yi kulutinini, kata. ⁴ Beene bibuti, kalukala ku pipitiki, diama kilumu kini, ki luwana kukili ki, diama ki kuisili baata bonso muifi. ⁵ Diama lue beene baso, bahata ba muteeme, ka banaba muini. ⁶ Idini bunu katulekeke bonso basala babakaka tuvumuku tukala yi bubatikri ma ngini beete. ⁷ Diama, baba leka kili, baleka mu pipi baba kola, bakola mu pipi. ⁸ Beete tue baata ba muini tubatili ngini beete, tu vuata kibatiri tulu yi lukuikili, mu ngini yi nzolo, yi mpû yiki vuvu ki ku biki. ⁹ Mudiama Nzaami utuzori, ka mu ngansi ki kaansi ku baka lubiku mu nzili mfumu Yesu-Klisto. ¹⁰ Ke mutu wu ufi mu diama di beete, yi babaleki, ye babataribeete baso, tue mu diama di nde ye tue ku mosi inde. ¹¹ Lusiamasa, ye luki gaha ngolo, bonso lusala teti. ¹² Tu lomi ku beene bibuti beene bosa, utukala yi luziti, ku baba lutuarisi, diama beyi bisala bingi mu diama di beene mu kati kimfumu ki Nzaami. ¹³ Tu ba gaha lukumu lulufuana mu kati nzolo mu diama dikisala kiau. Lu kala yi ngeme gaha katiki beene. ¹⁴ Di kaka tu ki lenisi, lu kebisi bahata ba mubulu. Luzonso ku bahata ndenge lu kisiamiyi lusiamisi baba nyokimi, tusarisi bahata ba lemi, lukala yi mbunu nda ku bahata babaso. ¹⁵ Tu kebe vo mutu kaka vutulu mambi ku mutu nde soko konso tanga tu sakasama ma mbote ye tu salasana ye bahata baba kaka. ¹⁶ Tu sepila mu tanga ya iso. ¹⁷ Tu bonila tnga ya iso. ¹⁸ Mu maama ma maso, tu ganasana matondi ku Nzaami diama maana me mukana Nzaami ku mosi yi Yesu-Klisto mu diama di nge. ¹⁹ Kalugono mutu kipehefe ke. ²⁰ Kalu levulu maama ma kipehefe. ²¹ Luzolo, luzaya diadiso, keti di kieriki die, lukangama yi maama mboti. ²² Lumanga mambi maama so. ²³ Nzaami we ingolo usiamisi mutu ndeso mu maama maso, luyamana, kipehefe, yi niti beene bibuti yi batilimi ku kono mambi muntanga yi kukala ye mfumu ete Yesu-Klisto. ²⁴ Mutu wu uluteriwu ke umboti, kasasala si buabunu. ²⁵ Ba paangi, lubonila tanga. ²⁶ Luzaha bibuti biabiso mbote yi mu nua. ²⁷ Yi lu gehe biziti bi nene, mu nzili kimfumu, mukana wu katangama gaha mese ma batata babaso. ²⁸ Butomi ngolo, ye bunene bu mfumu Yesu-Klisto bu kala yi beete.